ໄທໃຫຍ່ ຫຼື ສານ (ໄທໃຫຍ່: ໄຕ໊ ພະມ້າ: ရှမ်းလူမျိုး; ໄທ: ไทใหญ่ ຫຼື ฉาน; ຈີນ: 掸族 ຫຼື 傣族; ພິນອິນ: Dǎizú) ຫຼື ງ້ຽວ ເຊິ່ງເປັນຄຳເອິ້ນບໍ່ສຸພາບ ແມ່ນກຸ່ມຊາດພັນໃນຕະກູນໄທ-ໄຕ ອັນເປັນກຸ່ມຊາດພັນສ່ຳໃຫຍ່ອັນດັບສອງຂອງພະມ້າ.
ສ່ວນຫຼາຍຢູ່ກິນໃນລັດໄທໃຫຍ່ ປະເທດພະມ້າແລະບາງສ່ວນອາໄສຢູ່ບໍລິເວນດອຍໄຕແລງ ຊາຍແດນປະເທດໄທ-ປະເທດພະມ້າ. ຄົນໄທໃຫຍ່ໃນປະເທດພະມ້າມີປະມານ 3 ຫຼື 4 ລ້ານຄົນ ແຕ່ມີໄທໃຫຍ່ຫຼາຍແສນຄົນຜູ້ໄດ້ອົບພະຍົບເຂົ້າສູ່ປະເທດໄທເພື່ອໜີບັນຫາທາງການເມືອງແລະການຫາວຽກ. ຕາມພາສາຂອງເຂົາເຈົ້າເອງຈະເອີ້ນໂຕເອງ ໄຕ໊ ຫຼື ໄຕ (ຕາມສຳນຽງລາວ) ພີ່ນ້ອງໄຕໃນພະມ້າມີຫຼາຍກຸ່ມ ເຊັ່ນ ໄຕຂືນ ໄຕແລງ ໄຕຄຳຕີ ໄຕລື້ ແລະ ໄຕເມົາ. ແຕ່ກຸ່ມໃຫຍ່ກວ່າໝູ່ແມ່ນ ໄຕໂຫຼງ ໄຕ = ໄທ ແລະ ໂຫຼງ (ຫຼວງ) = ໃຫຍ່ ອັນຄົນລາວເອີ້ນ ໄທໃຫຍ່. ເພາະສະນັ້ນຈະເຫັນໄດ້ວ່າພາສາໄທໃຫຍ່ ແລະພາສາລາວຄ້າຍຄືກັນແດ່ແຕ່ບໍ່ຄືກັນ. ນອກຈາກນີ້ຍັງມີຄຳຮຽກໄທໃຫຍ່ອີກຢ່າງວ່າ ງ້ຽວ ແຕ່ເປັນຄຳທີ່ບໍ່ສຸພາບໃນການເອີ່ນເຖິງຊາວໄທໃຫຍ່.
ປະຊາກອນທັງໝົດ | |
---|---|
ປະມານ 6 ລ້ານຄົນ | |
ພູມິພາກທີມີປະຊາກອນຢ່າງສຳຄັນ | |
ລັດສານ | ລັດຄະສິ່ນ |
ລັດກະຫຼ່ຽງ | ເຂດມັນທະເລ |
ໄທ | ປະເທດຈີນ |
ກຳປູເຈຍ | ຫວຽດນາມ |
ພາສາ | |
ພາສາໄທໃຫຍ່, ຄຳເມືອງ, ພາສາພະມ້າ ແລະພາສາໄທ | |
ສາສະໜາ | |
ສ່ວນໃຫຍ່ນັບຖືສາສະໜາພຸດນິກາຍກຶງຈອງ ສ່ວນນ້ອຍນັບຖືນິກາຍກຶງໂຍນ |
ຊາວໄທໃຫຍ່ຖືວັນທີ່ 7 ກຸມພາເປັນວັນຊາດ ນະຄອນຫຼວງຂອງລັດສານຄື ຕອງຍີ ມີປະຊາກອນປະມານ 150,000 ຄົນ ສ່ວນເມືອງສຳຄັນອື່ນໆ ໄດ້ແກ່ ສີປໍ້ ລ່າສ້ຽວ ຊຽງຕຸງ ແລະທ່າຂີ້ເຫຼັກ
This article uses material from the Wikipedia ລາວ article ໄທໃຫຍ່, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.