Queensland
El Queensland (parnonzia inglesa: o ) a l'è vun di stat federad de l'Australia con capitala Brisbane, che l'ocupa la parte nord-orientala del paes.
 | Quest articol chì l'è scrivud in lombard, con la Noeuva Ortografia Lombarda |
El confina a ovest cont el Territori del Nord, a sud-ovest con l'Australia Meridionala e a sud cont el Noeuv Galles del Sud; a est è a l'bagnad del mar di Corall e de l'ocean Pacifegh. A l'è el segond Stat australian per superfis dopo de l'Australia Ocidental, cont un' area de 1.852.642 km², e el terz pussee popolos dopo del Noeuv Galles del Sud e del Victoria, con pussee de 5.2 million de persone. I cità pussee grande e popolose foeura che Brisbane a inn Gold Coast, Sunshine Coast, Townsville, Cairns, Ipswich e Toowoomba.
Etimologia
El Stat, 'me anca el Victoria, el ciapa el so nom in onor de la regina Vitoria, che el 6 de giugn del 1859 la firma la spartizzion del Queensland del Noeuv Galles del Sud. In d'un prim moment l'era stad parpognud el nom Cooksland, in onor del James Cook.
Storia
El Queensland l'è stad abitad di aborigen australian de circa 50,000 agn, l'è probabel che sien rivad traver de barche del Strecc de Torres, e s'inn spartid in pussee de 90 grup de lengov.
In del febrar del 1606, el navigador olandes Willem Janszoon l'è rivad vesin a quell che incoeu a l'è el sit de Weipa, in su la costa ovest de Cape York. A l'è stad el prim europee a rivà in Australia. La region la vegn esplorada anca de frances e spagnoeul (comandad del Louis Antoine de Bougainville e del Luís Vaez de Torres) prima del James Cook in del 1770. El Cook el reclama la costa est sota l'istruzzion del Re Giorg III del regn de la Gran Bretagna el 22 de agost a Possession Island, e el ciama l'Australia orientala, cont anca el Queensland, 'New South Wales'. El Stat el farà part de Noeuv Galles del Sud in fina al 1859, quand che i du stat vegnen spartid.
Geografia fisega
El Queensland el gh'ha a nord el strecc de Torres. Arent a la costa de la Noeuva Guinea la se troeuva l'isola de Boigu che l'è la part pussee setentrionala del territori. Inscambi la penisola guzza de Capo York, a l'è la part pussee a nord del mailand australian. A ovest de la penisola el Queensland el gh'ha el Golf de Carpentaria.
Note
Alter proget
Wiki Commons el gh'ha dent imagin o alter archivi su Queensland
Wikivoyage el gh'ha dent Informazzion turisteghe su Queensland
This article uses material from the Wikipedia Lumbaart article Queensland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.