Alfabet Fonetegh Internazzional

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

L'AFI la nass in del 1886 per inizziativa de l'Associazzion fonetica internazzional cont el fin de fà su on standard cont el qual scriver in manera univoca i son lenguistegh (fon) de tute i lengov; a ogni simbol de l'AFI ghe corespond vun e domà on son, senza possibilità de sconfondess.

 

El desvilup original l'è partid di fonetista ingles e frances e poeu portad inanz de l'Associazzion fonetica internazzional fondada a Paris in del 1886.

L'alfabet el gh'ha havud ona serie de revision in de la soa storia, in tra i quai vuna di pussee importante l'è stada codificada in de la IPA Convention de Kiel (1989). Gh'è stade olter modefeghe in del 1993, cont el sgiontà de quater vocai medio-centrai e la ranzada di simboi per i oclusive sorde. L'ultima importanta revision l'è del masg 2005, in de la qual l'è stad sgiontad on simbol per la consonant batuda labio-dental sonora (in frances consonne battue labio-dentale voisée o labiodental flap in ingles).

Foeura che 'l sgiontament e cavada di simboi, i modifeghe fade a l'alfabet fonetegh internazzional, inn soratut el cambià el nom de simboi e categorie o modifegà l'insema di so carater.

 

El principi general di letere de l'alfabet fonetegh internazzional a l'è de fornì ona letera per ogni son distintiv. Quella roba chì la voeul dì che 'l dopera minga di combinazzion di letere per representà on son indeperlù o di letere che representen du son, foeura che per i africade trascrivude con du simboi sgiontad perchè considerade la sucession de du son.

I simboi con forma compagna di letere latine de solit corresponden a son compagn. Quand che i carater de l'alfabet fonetegh internazzional inn metud dent d'on test, inn isolad del rest del test travers de barre (/ /) per trascrizzion fonemiche/fonologiche opur parentesi quader ([ ]) per trascrizzion fonetiche.

Consonant

Consonant non-polmonare

Africade e articolazzion dobie

Vocai

 

L'IPA la organiza i vocai a segonda de la posizzion che la lengua la ciapa in de la so produzzion de lor: la desposizzion di vocai la ciapa la forma de on trapezzi.

L'ass vertical de quell trapezzi chì el correspond a l'altezza vocalica: i vocai che inn parnonziade con la lengua svalzada vers el palat inn in volt, quei con la lengua sbassada in bass. In de l'istessa manera, l'ass orizontal el correspond a la posteriorità vocalica: i vocai a drizza inn quei con la lengua vers la part posteriora de la boca, quei a mancina inn con la lengua inanz, vers la part anteriora de la boca.

Quand inn in cobia, la vocal de drizza l'è la version labializada (o rotondada) de quella a mancina.

Diacritegh e alter simboi

Diacritegh