Chest artícol a l'è scricc in Lumbàrt, ortograféa orientàl unificàda. |
Ol Empire State Building l’è ü gratecél in stil Art Déco che l’ se tróa a Nöa York sö la Fifth Avenue.
I à finìt de fal sö in del 1931, l’è ólt 381 méter e l’è dientàt ol gratacèl piö ólt al mónt, 'n chèsto l'à ciapàt ol pòst del Chrysler Building, ma l’è dientàt ach la costrüsiù piö ólta al mónt e ' chèsto l’à ciapàt ‘l pòst de la Tur Eifèl. L'Empire l'è stài fai sö a la svèlta per süperà 'l prìma pusìbel in altèsa 'l Chrysler Building.
L’è restàt la costrüsiù piö ólta al mónt 'nfìna al 1972, quando i à fìnit de fà sö öna di dò Tur Zemèle del World Trade Center. I dò Tur Zemèle, 'l 11 de setèmber del 2001, i è stàce bötàde zó da ün atàch terorìstech organizàt dal Sceich Osama Bin Laden, isé 'l Empire l'è turnàt a ès ol palàs piö ólt de la sità de New York 'nfìna al 30 de avrìl del 2012 quàndo l'è stài superàt da la Tur de la Libertà, che l'à ciapàt ol pòst del World Trade Center.
This article uses material from the Wikipedia Lumbaart article Empire State Building, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.