Otaggio

Otaggio o se trêuva, ciù precisamente inta región stòrica d'Otrazôvo, che 'na vòtta a l'êa "Äta Ligûria" e anchêu a l'è ciamâ "basso Piemonte".

Into pasòu Voltàggio a l’é stæta contéiza fra o Ducàtto de Milàn, o Marchexâto do Monferòu e a Repùbrica de Zena e a l'à cangiòu de spésso padrón scìn quànde a l’é pasâ pe de lóngo sott’a-a Repùblica de Zêna ch'a l’àiva comensòu a governâne i teritöi za da-a fìn do sécolo XII (decimosegóndo). Voltàggio defæti a l’éa bén bén necesâia a-a Repùblica de Zêna perché pónto de pasàggio do tòcco de l’antîga stràdda Postùmia ch’a superâva i Apenìn schivàndo i Fèodi inperiâli. Sto camìn sott’a-o potêre de Zêna o traversâva Fiacón, Voltàggio e Gâvi e o l'arivâva scìnn-a Nêuve.

Da quéllo moménto Voltàggio a l’é andæta aprêuvo a-e sciòrte da Repùblica scìnn-a l’anesción a-o Régno de Sardégna (1815). Into 1625 (inta “goæra savoìnn-a”) a l’é stæta sachezâ e in pàrte destrûta da l’armâ do Càrlo Manoælo III de Savöia. Quànde o Napolión o l’à creòu a Repùblica Lìgure, Voltàggio a l’é intrâ a fâ pàrte da provìnsa de Nêuve ch’alôa a l’êa in Ligùria, e a gh’é restâ scinn’a-o 1859 quànde, co-a lézze Ratàssi, a l’é pasâ sott’a-a Provinsa de Lisciandria. Ciù precizamente, da-o 1797 a-o 1805 a l'à fæto parte da Repubbrica Ligure, pöi scin-a a-o 1814 o l'é stæta parte de l'inpero napoleònico e da-o 1815 parte do Regno de Sardegna inta División de Zena e inta Provinsa de Nêuve scinn'a-o 1859.

Insemme a Fiacón e Gâvi questo pàize o l'é fra i comùn "ciù lìguri" da Provìnsa de Lisciàndria pi-â léngoa e-e tradiçioìn gastronòmiche e culturâli.

•   Wiki Commons a contêgne di files in sce Otaggio