F-16 Fighting Falcon

Laes hie wie v'r mit de versjillende saorte Limburgs ómgaon.

De F-16, NAVO codenaam Fighting Falcon is ein jachvleegtuug det deens duit binne de Keuninklikke Lochmach, en diverse anger lochmachte binne de NAVO.

De F-16 is ein ontwerp van General Dynamics. Al in 1965 waas d’r ein plan om eine lichte jager te ontjwikkelen, maar det waerdje oetgesjteldj toet 1971. Toen waerdje ‘t plan weer opgepaktj en begos men met ‘t ontwerpe van dit lich toesjtel. D’r waare 2 ontwerpe gemaak, De YF-16 en de YF-17, die twee ginge de sjtried aan om winnaar te waere gekaoze en geboewdj te waere. De winnaar waerdje in 1975 bekendj gemaaktj. ‘t Waerdje de YF-16, later omgeduiptj toet F-16. De YF-17 waerdje later doorontwikkeldj toet de F/A-18 Hornet dae vanaaf vleegdeksjeepe deens ging doon.

‘t Toesjtel kreeg eine Pratt en Whitney F-100-PW-220E motor. De F-16 kwaam eers in Amerika in deens maar al sjnel waerdje ‘t toesjtel ouch geëxporteerdj nao anger NAVO lenj, wie Belsj, Nederlandj, Noorwege en Denemarke. In dees lenj waerdje de F-104 Starfighter door de F-16 vervange. 't Waas ouch de bedoeling det de F16 de A10 Thunderbolt zoew gaon vervange, mer det is om priestechnische redene neet doorgegange.

Van’ne F-16 zeen väöl versies geboewdj. De belangriekste zeen de F-16A, B, C, D en A/B MLU. Nederlandj vluug mit de A/B versies. Ongertösse zeen väöl F-16’s gemoderniseerdj nao de MLU versie. Dit waerdje gedaon om de laevesdoer van’ne F-16’s mit ein paar doezendj vleegoere te verlenge. De A en C versie zeen versies die plaats beeje aan eine piloot. De B en D versies zeen veurzeen van twee plaatse. In 1993 waerdje de boew van’ne F-16 euvergenomme door Lockheed Martin. Ziej maakdje de ontwikkeling van de E/F versie aaf wo General Dynamics al mit bezig waas. In 2006 roldje de 4300e F-16 oet de fabriek en ze waere nog sjteeds gebouwdj. De F-35 geitj de F-16 vervange es d’r weurdj geproduceerdj. Ouch Nederlandj wiltj det toesjtel gaon koupe es vervanging veur de F-16.

Technische gegaeves F-16A

Lengte15,03 m.
Breidte9,45 m.
Heugte5,09 m.
Max. sjnelheid2170 km/u
Vleegbereik1300 km.

Technische gegaeves F-16D

Lengte15,03 m.
Breidte9,45 m.
Heugte5,09 m.
Max. sjnelheid2100 km/u
Vleegbereik1400 - 3630 km.