Eurazië

Laes hie wie v'r mit de versjillende saorte Limburgs ómgaon.

Eurazië is e supercontinent en — strik geografisch gezeen — 't eigelek continent en landmassa wat de werelddeile Europa, Azië en 't Midde-Ooste umvat. De naom is 'ne misjmasj vaan de naome Europa en Azië. De grens tösse Europa en Azië is 'n debat an sich boe nog altied geine consensus euver besteit. Euver 't algemein weure de Oeralberg gezeen es de grens tösse die twie werelddeile. Eurazië weurt allewijl ouch dèks gebruuk in de polletieke konteks vaan Rusland en zien umligkende len. In dat geval sleit Eurazië dus op e polletiek en/of cultureel euvergangsgebeed tösse Europa en Azië. Dit kump veural bis oetdrökking in de Euraziatische Ikkenomische Unie, boeveur Rusland 't initiatief heet genome.

't Gief 4,6 mieljaar lui in Eurazië, wat roontelum 65% vaan de ganse wereldbevolking is.

't Modern idee vaan Eurazië geit in tege de aw Europees wereldindeiling die al trök geit tot de Grieke en de Roemeine. De Grieke rekende Anatolië wel bij Europa, en dat kaom umtot zie 't bis hunne wereld rekende. De Roemeine hadde 'n dreideiling vaan de wereld zoewie zie 't kóste: Europa, Azië en Libië (wat neerkaom op gans Afrika).