Wallis e Futuna (ofisial la Teritorio de la Isolas Wallis e Futuna) es un coletiva de isolas franses en la Mar Pasifica sude.
| |||||
Lo es situada entre Tuvalu a la norde-ueste, Viti a la sude-ueste, Tonga a la sude-este, Samoa a la este, e Tocelau a la norde-este. An si lo es e franses e polinesian, Wallis e Futuna es diferente de lo cual on nomi Polinesia Franses.
Sua area de tera es 142,42 km², e sua area intera es sirca 274 km². Lo ave sirca 11 899 abitores. Mata-Utu es la capital e site la plu grande. La teritorio es composada de tre isolas xef, tropical e volcanal, con ance alga isoletas pico. Lo es divideda en du grupos de isolas, separada par sirca 260 km, pd la Isolas Wallis (ance nomida Uvea) en la norde-este, e la Isolas Futuna (ance nomida Hoorn) en la sude-ueset, incluinte Futuna mesma e Alofi, un isola jeneral nonabitada.
De 2003, Wallis e Futuna es un coletiva ultramar franses. Entre 1961 e 2003, lo ia ave la grado de un teritorio ultramar franses, an si sua nom ofisial no ia cambia con la grado.
La linguas major es wallis (58,9%), futuna (30,1%) e franses (10,8%).
This article uses material from the Wikipedia Lingua franca nova article Wallis e Futuna, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.