Aung San Suu Kyi (1945- ) es la gidor fema de promove nonviolente per diretos umana e democratia en Miama, e un ganior de la premio Nobel de pas.
El ia nase en Yangon (Rangoon). Sua madre ia es un diplomata famosa e sua padre, U Aung San, es conoseda como la fundor de Miama moderna.
Sua scrivedas es colieda en Libria de teme e otra libros (1991). En 1988 Daw Aung San Suu Kyi e otras ia fundi la Lia Nasional de Democratia (NLD). Sua stratejia nonviolente a fas de menasa par la militares ia vinse la atentas de la militares per proibi elejes libre.
En 1989, on ia prisoni el en sua casa. El ia es ancora capas de gida la NLD a un vinse major en la eleje de 1990. Ma la governa ia refusa permete la asembla de parlamento. La aresta de Suu Kyi ia fini en 1995, atraente atende nasional e internasional. El ia gania la premio Nobel per pas en 1991. El ia continua de parla franca e con vose alta contra la governa de Miama.
This article uses material from the Wikipedia Lingua franca nova article Aung San Suu Kyi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.