Hrr Karl Vii.
De Karl Albrecht vu Bayern gebuer de 6.
August">6. August 1697 zu Bréissel, a gestuerwen den 20. Januar 1745 zu München war ënner dem Numm Karl VII. Keeser vum Hellege Réimesche Räich als zweete Wittelsbacher nom Ludwig IV. Hie war och Kurfürst vu Bayern.
| Karl VII. | |
|---|---|
 | |
| Titelen | |
| Virgänger | Karl VI. |
| Nofollger | Franz I. |
| Biographie | |
| Gebuer | 6. August 1697 Bréissel |
| Gestuerwen | 20. Januar 1745 München |
| Papp | Maximilian II. Emmanuel |
| Mamm | Therese Kunigunde |
De Karl Albrecht koum zu Bréissel als Jong vum bayeresche Kurfürst Maximilian II. Emmanuel an der Therese Kunigunde, Duechter vum polnesche Kinnek Johann III. Sobieski, op d'Welt. 1701 koum d'Famill vu Bréissel nees op München zeréck. 1706 goufen de Karl Albrecht a seng Bridder op Unuerdnung vum Keeser Joseph I. op Klagenfurt a spéider 1711 op Graz bruecht, fir do hir Educatioun ze kréien. Wärend dem Spueneschen Ierffollegkrich waren d'Elteren allerdéngs am Exil, de Papp zu Paräis (bis 1715), an d'Mamm zu Venedeg. Nom Krich ass d'ganz Famill nees a Bayern gaangen. De Karl Albrecht huet sech dacks um Haff zu Wien opgehalen, an huet do och seng Fra kennegeléiert, d'Maria Amalia, Duechter vum Keeser Joseph I. Si goufen de 5. Oktober 1722 bestuet. Spéider ass de Karl Albrecht duerch Frankräich gereest, war bei der Hochzäit vum Louis XV. dobäi a konnt Kontakter zu Versailles knëppen.
Nom Doud vu sengem Papp ass de Karl Albrecht de 25. Februar 1726 Kurfürst vu Bayern ginn. Seng Politik war engersäits "Habsburgerfrëndlech" mä anerersäits huet hien och ni aus den Ae verluer, eemol d'däitsch Keeserkroun kënnen ze droen.
Nom Doud vum Keeser Karl VI. gouf et kee männlechen Nokomme méi op Habsburger Säit. D'Pragmatesch Sanktioun hat als Ierwin d'Maria Theresia, Duechter vum Karl VI., virgesinn. Op dës weiblech Ierffolleg déi zanter dem Privilegium Minus bestanen huet, konnt sech awer och de Karl Albrecht duerch säi Bestietnes beruffen. Sou koum et zum Éisträicheschen Ierffollegkrich. Bayern hat als Alliéiert d'Fransousen, mä konnten hir Lännereien awer net verdeedegen. Den 12. Februar 1742 gouf de Karl Albrecht zwar zum Keeser gekréint, mä an der Tëschenzäit hat Éisträich mat Preisen e Waffestëllstand ausgehandelt, a war puer Deeg no der Kréinung mat enger Arméi zu München.
De Keeser Karl ass nach wärend dem Krich gestuerwen, den 20. Januar 1745. De Fridde gouf vu sengem Nofollger Maximilian geschloss, a Bayern muss d'éisträichesch Suprematie unerkennen.
Famill
Mat der Maria Amalie vun Éisträich hat de Karl Albrecht 7 Kanner:
- Maximiliane Maria († 12. Abrëll 1723)
- Maria Antonia Walburgis (1724-1780), bestuet mam spéidere Kurfürt Friedrich Christian vu Sachsen
- Theresia Benedicte (6. Dezember 1725 - 29. Mäerz 1743)
- Maximilian III. Joseph vu Bayern (1727-1777), Herzog vu Bayern
- Joseph Ludwig (25. August 1728 - 2. Dezember 1733)
- Maria Anna Josepha (7. August 1734 - 7. Mee 1776), bestuet mam Ludwig Georg Simpert vu Baden
- Maria Josepha Antonia (1739-1767) bestuet mam Keeser Joseph II.
Mat der Charlotte Sophie vun Ingenheim hat hien ee Bouf:
Kuckt och
| Virgänger: Karl VI. | Keeser vum HRR 1742 - 1745 | Nofollger: Franz I. |
| Virgänger: Karl VI. | Kinnek vu Béimen 1741 - 1743 | Nofollger: Maria Theresia |
| Virgänger: Maximilian II. Emmanuel | Kurfürst vu Bayern 1726 - 1745 | Nofollger: Maximilian III. Joseph |
Um Spaweck
| Commons: Charles VII, Holy Roman Emperor – Biller, Videoen oder Audiodateien |
This article uses material from the Wikipedia Lëtzebuergesch article Karl VII. (HRR), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.