Lycée Technique De Bonnevoie: Secondaires– an Héichschoul an der Stad Lëtzebuerg

Den 19. Dezember 1953 ass d'Gesetz iwwer d'Beruffsausbildung a Kraaft getrueden. Op Basis vun deem Gesetz ass mam Arrêté ministériel vum 5. Mäerz 1975 um Verluerekascht an der Stad eng Annexe vum Centre d'enseignement professionnel de Luxembourg, der Stater Beruffsschoul, an d'Liewe geruff ginn. Dës Annexe gouf an de Gebaier (Villa Hartmann) vun der Asbl Institut Sainte-Marie – tëscht der Rue Émile-Mayrisch an dem Boulevard Général Patton – installéiert. D'Haushaltsschoul (École professionnelle et ménagère Ste-Marie) déi bis dohin do bestanen huet, gouf an d'Annexe vun der Beruffsschoul integréiert. 398 Schüler an 48 Léierpersoune waren uganks an der Annexe. De Lëtzebuerger Staat hat d'Gebaier am Ufank gelount, huet se awer duerno kaaft, deelweis ëmgeännert an erweidert.

Iwwer d'Joren huet sech erausgestallt, datt déi Infrastrukturen net adaptéiert waren, fir eng ëmmer méi grouss Zuel vu Schüler ënnerzekréien.

Duerch e Gesetz vum 2. Dezember 1983 gouf e fënneften technesche Lycée um Territoire vun der Gemeng Lëtzebuerg an d'Liewe geruff, dee mam groussherzogleche Reglement vum 15. Februar 1984 den Numm « Lycée technique de Bonnevoie » krut.

D'Regierung krut duerch d'Gesetz vum 22. Juni 1984 d'Erlabnes fir en technesche Lycée zu Bouneweg ze bauen. D'Pläng, déi an engem Concours zeréckgehale goufen, waren déi vum Atelier a + u (Edmond Decker, Martin Lammar, René Massard).

D'Gebai huet 40 Klassesäll, plus aacht fir spezialiséiert Coursen (Daktylographie, Physik, Biologie, Informatik), eng Dosen Ateliere fir d'praktesch Ausbildung (Mechanik, Elektrotechnik, Bitzen, Kachen, e Restaurant, eng Bäckerei an eng Metzlerei, souwéi eng Sportshal.

Mat der Rentrée 1989/90 hunn d'Coursen am Gebai an der Kierfechtstrooss ugefaangen. Den …^[Wéini ?] 1989 gouf d'Gebai, dat 1,015 Milliarde Lëtzebuerger Frang kascht huet, ageweit.

Virum Gebai gouf eng Monumentalskulptur vum Jeannot Bewing, YBGA genannt, installéiert.

Mam Groussherzogleche Reglement vum 29. Mäerz 2024 krut de Lycée dunn den neien Numm „Bouneweger Lycée Luxembourg“.

Am Bouneweger Lycée kann ee follgend Formatioune maachen:

Enseignement secondaire général

• Ënnescht Klassen: Classes de la voie d'orientation (7G, 6G, 5G, 5AD), Classes de la voie de préparation (7P, 6P, 5P, CIP), Classe d'accueil (7ACCU), Classe d'intégration pour jeunes adultes (CLIJAA)
• Iewescht Klassen: Section administrative et commerciale, Section ingénierie, Section sciences sociales

Formation professionnelle

• Diplôme de technicien (DT)
• Diplôme d'aptitude professionnelle (DAP)
• Certificat de capacité professionnelle (CCP)

BTS

Dessinateur et constructeur sur métal

• Fred Sunnen
• Jean-Pierre Juttel (bis 2007)
• Jean-Marie Wirtgen (vun 2007 bis September 2017)
• Carole Theisen (vun November 2017 - September 2023)
• Mike Borschette (zanter dem 1. September 2023)

fréier

• Jean-Marie Wirtgen
• Georges Beck
• Eugène Thill
• Marc Bonvini
• Carole Theisen (2012-2017)
• Pascale Strauss (2017-2019)
• Géraldine Haller (2015-2019)
• Tessy Petro (2014-2023)
• Tom Raths (2018-2023)

aktuell

• Lucien Kurtisi (zanter September 2023)
• Géraldine Haller (zanter Oktober 2023)

• Secondairesschoulen zu Lëtzebuerg

Commons: Bouneweger Lycée – Biller, Videoen oder Audiodateien

• Websäit vum Bouneweger Lycée