Batavesch Republik

Geschicht vun de Benelux-Länner
Austrasien				Frisescht Kinnekräich
Karolengerräich ca 800–843
	Grofsch't Flandern 9.Jh.–1384	Lotharingien, dunn Nidderloutrengen 855–954–977
Prënzbistum Léck + Räichs- abtei Stavelot- Malmedy + Herzogtum Bouillon 10. Jh. – 1795		Aner feudal Staaten	Grofschaft Lëtzebuerg 963–1353	10.–14. Jh.
	Burgundesch Nidderld.		Herzogtum Lëtzebuerg 1353–1443	1384–1482
	Habsburger Nidderlanden 1482–1795 (Siwwenzéng Provënzen, Burgundesche Krees)
	(Südlech) Spuenesch Nidderlanden 1549–1713
				Republik vun de Siwe Vereenegte Provënzen 1581–1795
	Éisträichesch Nidderlanden 1713–1795
Lécker Revolut. 1789–92	Vereenegt nidderlännesch Staaten 1790
Éischt Franséisch Republik 1795–1804				Batavesch Republik 1795–1806
Premier Empire 1804–15
				Kinnekräich Holland 1806–10
Vereenegt Kinnekräich vun den Nidderlanden 1815-1830			Groussherzogtum Lëtzebuerg zanter 1815 (1815 - 1866 am Däitsche Bond) (1815 - 1890 Personalunioun)	Vereenegt Kinnekräich vun den Nidderlanden 1815-1830
Kinnekräich Belsch zanter 1830				Kinnekräich vun den Nidderlanden ("Holland") zanter 1830

Si ass aus der Republik vun de Siwe Vereenegte Provënzen ervirgaangen a gouf den 19. Januar 1795 ausgeruff. De 5. Juni 1806 gouf se an d'Kinnekräich Holland ëmgewandelt. Den Numm "Batavesch" bezitt sech op d'antikt Vollek vun de Bataver.

Am Ufank vun den éischte Koalitiounskricher (1792–1797) war d'Republik vun de Siwe Vereente Provënzen neutral. Well si awer Groussbritannien, den Haaptfeind vun der Franséischer Revolutioun, finanziell ënnerstëtzt huet, ass se séier an de Konflikt verwéckelt ginn. Den 1. Februar 1793 huet Frankräich de Vereenegten Nidderlanden de Krich erkläert. Am Wanter 1794/1795 sinn déi franséisch Truppen ënner dem Generol Jean-Charles Pichegru an d'Nidderlanden ageréckelt; Amsterdam gouf den 20. Januar 1795 ageholl. Nach virum Enn vun de Kämpf gouf d'Batavesch Republik ausgeruff. Den 28. Januar gouf bei der Insel Texel déi hollännesch Flott u Frankräich iwwerginn.

De 16. Mee 1795 hunn déi Franséisch an déi Batavesch Republik zu Den Haag e Friddensvertrag ënnerschriwwen, no deem d'Exklave Maastricht, Venlo, Staats-Limburg a Staats-Flandern an déi Éisträichesch Nidderlanden integréiert goufen, déi dunn zu Frankräich gehéiert hunn. Ausserdeem huet d'Batavesch Republik missen eng franséisch Arméi vun 30.000 Mann op hirem Gebitt ënnerhalen. Militäresch bestoung eng Defensiv- an eng Offensivallianz tëscht deenen zwee Länner géint d'Koalitioun (virun allem Éisträich a Groussbritannien).

Am Verglach zu virdru war d'Batavesch Republik, staatspolitesch gekuckt, eng Zesur: Si war en Eenheetsstaat mat enger Zentralregierung. D'Republik krut eng 1795 Verfassung nom Virbild vum Directoire.

1801 gouf et e Staatsstreech, dee vum Napoleon an d'Weeër geleet gi war, fir déi demokratesch Reformen nees réckgängeg ze maachen. 1805 huet den Napoléon de Rutger Jan Schimmelpenninck zum „Conseilspensionär“ ernannt, d. h. zum Staatspresident mat bal absolutter Muecht. 1806 war et eriwwer mat der Batavescher Republik, wéi den Napoleon d'Monarchie agefouert huet a säi Brudder Louis zum Kinnek vum Kinnekräich Holland gemaach huet.

Portal Franséisch Revolutioun – All d'Artikelen op der Wikipedia iwwer d'Revolutioun vu 1789.