Vita Monastica
Monachatus vel monachismus, id est vita monastica monachorum, in quo homo res mundiales repudiat ut se operi spirituali consecret.
Vocabulum monachus venit ex Graeco μοναχός, 'solus, solitarius', et primum ad religionem Christianam adhibebatur. Sunt autem modi vivendi similes in aliis religionibus, praecipue in Buddhismo. Sunt multa vocabula sectatores monachismi describentia, sed Latine recentiore generatim vir monasticus monachus et mulier monialis appellantur.
Buddhismus
Monachus Buddhisticus Palice Bhikkhu appellatur.
Christianismus
In religione Christiana distinguuntur duo genera monachismi: traditio eremitarum, monachorum omnino solitarium, et traditio coenobitica, secundum quam monachi in monasteriis vivent. Primus eremita Christianus notus fuit Paulus Thebaeus. Vitam Sancti Pauli Thebaei, primi eremitae, S. Hieronymus scripsit (annis 375-377).
Iudaismus
Religio Iudaica generaliter ideas caelibatus et paupertatis non suadet. Sed ante eversionem Templi Hierosolymitani florebat traditio Nazaraeorum, secundum quam homo a vino abstinebant, pilos non secabant, et ad mortuos non ingrediebantur. Cum tempus voti completum sit, Nazaraei radebant caesariem et eam Deo offerebant. Sed ab aliis partibus vitae in societate non abstinebant.
Secta Iudaica monachismo similis fuit secta Essenorum, qui saeculis II et I a.C.n. floruerunt.
Notae
This article uses material from the Wikipedia Latina article Vita monastica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.