Civitas Provectibilis
Civitas provectibilis sive ad progressionem nitens est terra quae talem oeconomiae civilisque progressionis gradum nondum aut parum consecuta est, qui civium vitae condicionibus materialibusve vivendi rationibus satisfaciat.
Indicia huiusmodi paupertatis sunt
- PDG humilis,
- Index Evolutionis Humanae,
- inopia plurimorum civium,
- mancus eruditionis publicaeque institutionis gradus (praesertim legendi et scribendi ignorantia),
- publicae sanitatis impedimenta (praesertim magna infantium letalitas?),
- nativitas oeconomia nationali superior.
Talibus civitatibus saepe etiam libertatis et aequalitatis et mutuae fiduciae aura deesse aut parum adesse videtur; itaque fieri potest ut hae terrae vix umquam (aut nondum) democratiam degustaverint.
Civitates provectibiles vulgo simpliciter terrae pauperes appellari possunt, sed constat omnes civitates pauperes non esse provectibiles, id est: tales quae ad meliores vitae condiciones infrastructurasque auxilio internationali (exempli gratia, ab Argentaria Mundana vel Organizatione co-operationis oeconomicae evolutionisque) et opera consociata provehi possint.
Notae
Nexus interni
This article uses material from the Wikipedia Latina article Civitas provectibilis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.