Academia Scientiarum Urss

Die 27 Iulii anni 1925, statuto Commissionis Centralis Executivae et Consilii Commissariorum Popularium URSS, Academia Scientiarum Russica institutio summa doctorum omnius Unionis recognita est et nomen novum Academiae Scientiarum Unionis Rerumpublicarum Sovieticarum Socialisticarum ("Академии Наук Союза Советских Социалистических Республик") assumpsit. Fere decem annos post, secundum statutum Consilii Commissariorum Popularium URSS die 25 Aprilis 1934 sumptum, Academia Scientiarum URSS Moscuam e Leninopoli translata est (quum certa instituta scientifica Leninopoli manserunt).

Praesides Academiae Scientiarum URSS, a sociis eius electi, fuere:

• Alexander Karpinskij, geologus, iam anno 1917 praeses Academiae Scientiarum Russicae electus, officium praesidis Academiae Scientiarum tenuit ad mortem suam anno 1936;
• Vladimirus Komarov, botanista et geographus, ab anno 1936 ad mortem suam anno 1945;
• Sergius Vavilov, physicus, ab anno 1945 ad mortem suam anno 1951;
• Alexander Nesmejanov, chemicus, annis ab 1951 ad 1961;
• Mstislaus Keldyš, mathematicus et mechanicus, annis ab 1961 ad 1975;
• Anatolius Alexandrov, physicus, annis ab 1975 ad 1986;
• Gurius Marčuk, mathematicus et geophysicus, annis ab 1986 ad 1991.

Die 21 Novembris 1991 subscriptum est decretum (ukaz) praesidis Reipublicae Sovieticae Foederativae Socialisticae Russicae Boris Ieltsin, Academiam Scientiarum Russicam ut institutionem scientificam supremam Russiae recreans, omnibus sociis Academiae Scientiarum URSS (consensu eorum) atque possessionibus Academiae Scientiarum URSS in terris RSFS Russicae in Academiam restitutam translatis.

Vicimedia Communia plura habent quae ad Academiam Scientiarum URSS spectant.

• Pagina de Academia Scientiarum URSS Encyclopaediae Sovieticae Magnae editionis tertiae (Russice)
• Pagina de Academia Scientiarum URSS Encyclopaediae historicae Russicae (Russice)