Giorgia Meloni: Siyasetmedar û serokwezîra Îtalyayê

15ê kanûna paşîn a 1977an) ramyar û rojnamevaneke îtalyan e. Ji 2006an vir ve endama kabîneya parlamenteran li Îtalyayê ye, ew ji 2014an û pê ve serokatiya partiya ramyarî Fratelli d'Italia ("Birayên Îtalya") dike û ji sala 2020an ve serokatiya Partiya kevneperest û nûsazîperestên Ewropayê ye.

Giorgia Meloni
Navê rastî	Giorgia Meloni
Jidayikbûn	15ê kanûna paşîn a 1977an(1977-01-15) (47 salî) Roma (Îtalya)
Hevwelatî	Îtalî
Pîşe	Ramyar , rojnamevan
Meqam	Serokwezîra Îtalyayê (2022–)
Partiya Siyasî	Italian Social Movement - National Right (1992–1995) National Alliance (1995–2009) The People of Freedom (2009–2012) Brothers of Italy (2012–)
Hevjîn	Andrea Giambruno
Partner	Andrea Giambruno (2016–2023)
Zarok	1
Dê û bav	Francesco Meloni  (bav)
Xizm	Francesco Lollobrigida (sister's husband) Nino Meloni (paternal grandfather) Zoe Incrocci (paternal grandmother)
Xelat	Grand Cross of the Order of the White Rose of Finland (2023) Order of the White Rose of Finland
Malper	www.giorgiameloni.it/
biguhêre - Wîkîdaneyê biguhêre

Meloni li Romayê ji dayik bû, di sala 1992an de tevlî Eniya Ciwanan bû, baskê ciwanan ê partiya ramyarî ya nû-faşîst Tevgera Civakî ya Îtalyayê (MSI). Ew paşê bû seroka neteweyî ya Çalakiya Xwendekaran, tevgera xwendekar a Hevbendiya Niştimanî (AN).Ew ji sala 1998an heya 2002an li parêzgeha Romayê endama civatê bû, piştî ku ew bû seroka Çalakiya Ciwanan, baskê ciwanan yê Hevbendiya Niştimanî. Di 2008an de, ew di kabîneya çaremîn a Berlusconi de wek wezîra ciwanan hat vebuhtin, ev paye ku wê heya 2011an girt. Di 2012an de, wê bi hev re parti Birayên Îtalya (FdI) damezrand û di sala 2014an de bû seroka wê partiyê. Di sala 2014an de li Îtalyayê di Hilbijartinên Parlamena Ewropayê de û li Romayê jî di hilbijartinên şaredariyan ên sala 2016an de wek berendama şaredariyê beşdar bû; di herdu hilbijartinan de jî ew nehat hilbijartin. Piştî hilbijartinên giştî yên Îtalyayê yên sala 2018an, wê di heyama 18emîn meclîsa qanûnî de FdI di dijatiyê de bi rê ve bir û piştrast kir ku binavûdengiya FdI di anketên raya giştî de zêde dibe, nemaze di dema kabîneya Draghi de, ku tê de FdI yekane partiya dijber bû. FdIya wê di hilbijartinên giştî yên Îtalyayê yên sala 2022 de cîhê yekem girt.

Wekî gelperestek rastgir û neteweperesteke îtalî, helwestên wê yên ramyarî wekî rastgirek tund tê binav kirin.

Ew li dijî zarokjiberbirin, ewtanazî û hevjînî û zewac ji hêla hevzayendiyan e, di şûna wê de destnîşan dike ku malbatên navokî bi taybetî ji hêla coteyarên mêr-jin ve têne rêvebirin.

Li dijî pêşwazîkirina koçberên ne ewropî û pirçandiyê, ew bi dijberiya biyaniyan û dijîslamîtî hat tawanbarkirin.

Ew piştgirê NATOyê ye, ji Yekîtiya Ewropayê bi guman e û berî Dagirkirina Ûkraynayê ji aliyê Rûsyayê ve 2022 di sala 2022an de, ku wê şermezar kir, piştgirî da têkiliyên çêtir ên bi Rûsyayê re û soz da ku dê çekan bide Ûkraynayê.

Wê nêrînên nakok diyar kiriye, wek mînak pesinandina dîktatorê îtalî Benito Mussolini di sala 1996an de û hevkarê Naziyan û hevdamezrînerê Tevgera Civakî ya Îtalyayê Giorgio Almirante di sala 2020an de.

Giorgia Meloni di 15ê kanûna paşîn a 1977an de li Romayê  hat cîhanê. Bavê wê ji Sardînya û diya wê ji Sîsîlya bû; bavê wê, şêwirmendê bacê, dema ku ew yanzdeh salî bû ji malbatê derket û çû Giravên Kenariyê. Ew li navçeya Garbatella mezin bû. Di sala 1992 de, di 15 saliya xwe de, Meloni tevlî Eniya Ciwanan bû, baskê ciwanan ê Tevgera Civakî ya Îtalyayê (MSI), partiyeke ramyarî ya nû-faşîst.Di vê demê de wê koordînasyona xwendekaran Gli Antenati (Bavkalan) damezrand, ku beşdarî xwenîşandanên li dijî nûsaziya perwerdehiya giştî ya ku ji hêla wezîra Rosa Russo Iervolino ve hatî pêşve xistin, bû.

Di sala 1996an de, Meloni bû seroka neteweyî yê Çalakiya Xwendekaran, tevgera xwendekar a Hevbendiya Neteweyî (AN),  mîrasgirê neteweyî-kevneperest  Tevgera Civakî ya Îtalyayê û nûnertiya vê tevgerê di Forûma Komeleyên Xwendekaran de ku ji hêla Wezareta Perwerdehiyê ya Îtalyayê ve hatî damezrandin.

Piştî serketina hilbijartinên seretayî, ew di sala 1998an de ji bo Encûmena Parêzgeha Romayê hate hilbijartin, payek ku wê heya 2002 girt. Di sala 2000an de ew wek Rêvebira Niştimanî hate hilbijartin û di sala 2004an de ew yekem seroka jin a Tevgera Ciwanan, rêxistina ciwanan a Hevbendiya Niştimanî bû.Di van salan de, Meloni wekî dadok, xwaringêrr û li Piper Club, yek ji yaneyên şevê yên herî navdar li Romayê wekî meygêrr xebitî.

Meloni di sala 1996an de di Enstîtuya Amerigo Vespucci de bawernameyek wergirt. Meloni da zanîn ku wê bawernameya lîseyê ya zimanên li Enstîtuya Amerigo Vespucci ya Romayê, bi nota dawîn 60/60 wergirtiye. Dibistan ne lîseya zimanên biyanî bû û ji ber vê yekê ne bawernameyaya zimanî bû, lê dibistanek amadeyî ya teknîkî bû ku di warê geştiyarê de şareza bû. Vê yekê nakokî li ser wê yekê derxist ku gelo ew li ser bawernameya xwe derew kiriye.