Сауд Арабия (инглиз.
Saudi Arabia) — Азия континентни кыйнбатыш къыйырында орналгъан кърал.
Сауд Арабияны джери Уллу Арабия деген джарым айрымканны арасында орналгъанды. Ол аны 80% джерлерин алады. Сауд Арабияны бютеу джерлерини уллулугъу 2 217 949 квадратлыкъ километирди. Ол бютеу дунияда 13-чю орунну алады джерини уллулугъу бла. Шимал джанында Иордания, Ирак эмда Кувейт деген къралла бла чеклери ётеди. Къыбла джанында Йемен эмда Оман бла чеклери барды. Дагъыда кюнчыгъыш джанында Катар эмда Бирлешген Араб Эмиратла бла ётеди чеклери. Кюнбатыш джанында къыйырын Къызыл тенгиз джууады, кюнчыгъыш джанында къыйыры да Персид богъаз (залив) бла джууулады.
Сауд Арабияны джерлерини асламысы къумладан толубду. Аны 90%-ти къумладыла. Ара шахары - Эр-Рияд шахар.
Сауд Арабия 13 минтакъагъа (провинциягъа) бёлюнеди: 1. Эр-Рияд (Рияд шахар) 2. Мекка (Меккя шахар) 3. Медина (Медина шахар) 4. Аль-Касым (Бурайда шахар) 5. Аш-Шаркия (Ад-Даммам шахар) 6. Асир (Абха шахар) 7. Табук (Табук шахар) 8. Хаиль (Хаиль шахар) 9. Аль-Худуд аш-Шамалия (Аргъар шахар) 10. Джизан (Джизан шахар) 11. Наджран (Наджран шахар) 12. Аль-Баха (Аль-Баха шахар) 13. Аль-Джауф (Сакака шахар)
Сауд Арабияны экономикасыны асламысы нефть сатыу толтурады. 80% кърал бюджетни нефть сатмакъ эмда аны бла байламлы затладыла. Бютеу дунияда Сауд Арабияны экономикасы - эм кючлю экономикаланы бириди.
Викигёзенде (Wiki Commons'да) бу категориягъа келишген медиа-файлла табарыкъсыз: Сауд Арабия. |
Бу, тамамланмагъан статьяды. Сиз болушургъа боллукъсуз проектге, тюзетиб эм информация къошуб бу статьягъа. |
This article uses material from the Wikipedia Къарачай-Малкъар (Qarachay-Malqar) article Сауд Арабия, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.