ಜ್ಯಾಕ್‌ ದಿ ರಿಪ್ಪರ್‌

ಮಾಧ್ಯಮಗಳಲ್ಲಿ ಪ್ರಚಾರ ಬಯಸಿದ ಕೊಲೆಗಾರ ಎಂದು ಪತ್ರಗಳ ಮೂಲಕ ಟೀಕಿಸುವವರ ಮೂಲ ಹೆಸರಿನ ಅಕ್ಷರಗಳ ಜೋಡಣೆಯಿಂದ ಈ ಹೆಸರು ರಚನೆಯಾಯಿತು. ಹೆಚ್ಚಾಗಿ ಈ ಪತ್ರ ಕಾಲ್ಪನಿಕವೆಂದು ಹೇಳಲಾಗಿತ್ತು. ಆದರೆ ತನ್ನ ಕಥನ ದ ಆಸಕ್ತಿ ಹೆಚ್ಚಿಸಲು ಉದ್ದೇಶಪೂರ್ವಕವಾಗಿ ಪತ್ರಿಕೋದ್ಯಮಿಯೊಬ್ಬರು ಈ ರೀತಿ ಬರೆಯುತ್ತಿದ್ದರೆಂದು ಹೇಳಲಾಗಿದೆ.

• ರಿಪ್ಪರ್‌ನ ದಾಳಿಗಳ ವಿವರಣೆಯಂತೆ ಮಹಿಳಾ ವೇಶ್ಯೆಯರ ಹೊಟ್ಟೆಯನ್ನು ಕತ್ತರಿಸುವ ಮೊದಲು ಗಂಟಲನ್ನು ಕೊಯ್ಯಲಾಗುತಿತ್ತು. ಮೂರು ಕೊಲೆಗಳಲ್ಲಿ ದೇಹದ ಸೂಕ್ಷ್ಮ ಅಂಗಗಳನ್ನು ತೆಗೆದುಹಾಕಿರುವುದರಿಂದ, ಕೊಲೆಗಾರನು ಅಂಗರಚನಾ ಶಾಸ್ತ್ರ ಅಥವಾ ಶಸ್ತ್ರಚಿಕಿತ್ಸೆಯ ಜ್ಞಾನ ಹೊಂದಿದ್ದಾನೆಂದು ತಿಳಿಯುತ್ತದೆ. 1888ರ ಸೆಪ್ಟೆಂಬರ್ ಮತ್ತು ಅಕ್ಟೋಬರ್‌ನಲ್ಲಿ ಕೊಲೆಗಾರರ ಪ್ರಬಲತೆ ಹೆಚ್ಚುವುದೆಂಬ ಗಾಳಿಸುದ್ದಿಯಿದ್ದಿತ್ತು.
• ಕೊಲೆಗಾರನೆಂದು ಹೇಳಿ ಕೊಳ್ಳುವ ಬರಹಗಾರ ಅಥವಾ ಬರಹಗಾರರಿಂದ ವಿತರಿಸಿದ ಪತ್ರಗಳು ಮಾಧ್ಯಮ ಪ್ರತಿನಿಧಿಗಳು ಮತ್ತು ಸ್ಕಾಟ್ಲೆಂಡ್‌ ಯಾರ್ಡ್‌ ಅಧಿಕಾರಿಗಳಿಗೆ ತಲುಪಿದ್ದವು. ವೈಟ್‌ಚ್ಯಾಪಲ್‌ ವಿಜಿಲೆನ್ಸ್‌ ಕಮಿಟಿಯ ಜಾರ್ಜ್‌ ಲಸ್ಕ್‌ರಿಗೆ ದೊರೆತ ಪತ್ರವು ಕೊಲೆಯಾದವರಲ್ಲಿ ಒಬ್ಬರದ್ದು ಎಂದು ಹೇಳಲಾದ ಮತ್ತು ಸಂರಕ್ಷಿಸಿದ ಮಾನವನ ಮೂತ್ರಪಿಂಡದ ಅರ್ಧಭಾಗ ಒಳಗೊಂಡಿತ್ತು.
• ಕೊಲೆಗಾರರ ಅಸಾಮಾನ್ಯ ಕ್ರೂರ ನಡವಳಿಕೆ ಮತ್ತು ಮಾಧ್ಯಮಗಳ ಸುದ್ದಿ ಪ್ರಸಾರದ ರೀತಿಯಿಂದಾಗಿ, ಸರಣಿ ಕೊಲೆಗಾರ, ಜ್ಯಾಕ್‌ ದಿ ರಿಪ್ಪರ್‌ ಒಬ್ಬನೇ ಈ ಸರಣಿ ಕೊಲೆಗಳಿಗೆ ಕಾರಣವೆಂದು ಸಾರ್ವಜನಿಕರು ನಂಬತೊಡಗಿದರು. ದಿನಪತ್ರಿಕೆಗಳ ವಿಸ್ತೃತ ವರದಿಯಿಂದಾಗಿ ರಿಪ್ಪರ್‌ನ ಕುಖ್ಯಾತಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ವ್ಯಾಪಿಸಿತು. 1891ರವರೆಗೆ ವೈಟ್‌ಚ್ಯಾಪಲ್‌ನಲ್ಲಿ ನಡೆದ ಪೈಶಾಚಿಕ ಸರಣಿ ಕೊಲೆಗಳ ತನಿಖೆಗೆ 1888ರಲ್ಲಿ ನಡೆದ ಹತ್ಯೆಗಳನ್ನು ಹೋಲಿಸಲಾಗುವದಿಲ್ಲ.
• ಆದರೂ ಜ್ಯಾಕ್‌ ದಿ ರಿಪ್ಪರ್‌ ಕಥೆಯು ಬೆಳೆಯುತ್ತಾ ಹೋಯಿತು. ಕೊಲೆಗಳ ಆರೋಪಿಯ ಸುಳಿವು ಸಿಗದ ಕಾರಣ, ಕೊಲೆಯ ಸುತ್ತಲಿನ ಕಥೆಗಳ ಸೂಕ್ತ ಚಾರಿತ್ರಿಕ ಸಂಶೋಧನೆ,ಜನಪದ ನಂಬಿಕೆ ಮತ್ತು ನಕಲಿ ಇತಿಹಾಸಗಳು ಈ ಸುದೀರ್ಘ ಪ್ರಕರಣದ ಭಾಗವಾದವು. "ರಿಪ್ಪರೊಲಜಿ" ಎಂಬ ಪದವು ರಿಪ್ಪರ್‌ ಪ್ರಕರಣದ ಅಧ್ಯಯನ ಮತ್ತು ಹತ್ಯೆಗಳ ವಿಶ್ಲೇಷಣೆ ಮಾಡಲು ರಚಿಸಲಾಯಿತು. ರಿಪ್ಪರ್‌ನ ಗುರುತು-ಪರಿಚಯದ ಬಗ್ಗೆ ನೂರಕ್ಕೂ ಹೆಚ್ಚು ಪ್ರತಿಪಾದನೆಗಳು ಸೃಷ್ಟಿಯಾದವು. ಅಲ್ಲದೇ ಆ ಕೊಲೆಗಳು ಹಲವು ಕಾದಂಬರಿಗಳಿಗೆ ವಸ್ತು ವಿಷಯವಾದವು.

• 19ನೇ ಶತಮಾನದ ಮಧ್ಯಭಾಗದಲ್ಲಿ, ಐರ್ಲೆಂಡ್‌ನಿಂದ ವಲಸೆ ಗಾರರು ಇಂಗ್ಲೆಂಡ್‌ಗೆ ಬರುತ್ತಿದ್ದರು. ಹಾಗಾಗಿ ಐರಿಶ್ ಜನತೆಯ ವಲಸೆ ಸೇರಿದಂತೆ ಲಂಡನ್‌ನ ಪೂರ್ವ ಪ್ರದೇಶ ಹಾಗು ಇಂಗ್ಲೆಂಡ್‌ ನ ಪ್ರಮುಖ ನಗರಗಳ ಜನಸಂಖ್ಯೆ ಹೆಚ್ಚಾಯಿತು. 1882ರಿಂದ ಪೂರ್ವ ಯುರೋಪ್‌ ಮತ್ತು ತ್ಸಾರಿಸ್ಟ್‌ ರಷ್ಯಾದಿಂದ ಯಹೂದಿ ನಿರಾಶ್ರಿತರು ಅದೇ ಪ್ರದೇಶಕ್ಕೆ ವಲಸೆ ಬರುತ್ತಿದ್ದರು.
• ಇದರಿಂದಾಗಿ ಲಂಡನ್‌ನ ಪೂರ್ವ ತುದಿಯಲ್ಲಿರುವ ವೈಟ್‌ಚ್ಯಾಪಲ್‌ನ ಪಾದ್ರಿಯಾಡಳಿತವಿರುವ ಪ್ರದೇಶದಲ್ಲಿ ಜನಸಂಖ್ಯೆ ಹೆಚ್ಚಾಗುತ್ತಾ ಹೋಯಿತು. ಕೆಲಸ ಮತ್ತು ಮನೆಯ ಪರಿಸ್ಥಿತಿ,ವಾತಾವರಣ ಹಾಳಾಗುತ್ತಿತ್ತು. ಕೆಳವರ್ಗದ ಮತ್ತು ಅರ್ಥಿಕವಾಗಿ ಹಿಂದುಳಿದ ಜನಸಂಖ್ಯೆ ಪ್ರಮಾಣ ಹೆಚ್ಚುತ್ತಾ ಹೋಯಿತು. ವೈಟ್‌ಚ್ಯಾಪಲ್‌ನಲ್ಲಿ ದರೋಡೆ, ಹಿಂಸೆ ಮತ್ತು ಸ್ವೇಚ್ಛಾರದ ಮದ್ಯಪಾನದ ದಾಸ್ಯತ್ವ ಸಾಮಾನ್ಯವಾಗಿತ್ತು.
• ತೀವ್ರ ಬಡತನದಿಂದಾಗಿ ಮಹಿಳೆಯರು ವೇಶ್ಯಾವೃತ್ತಿಯಲ್ಲಿ ತೊಡಗುವಂತಾಯಿತು. ಇಸವಿ 1888ರ ಅಕ್ಟೋಬರ್‌ನಲ್ಲಿ, ವೈಟ್‌ಚ್ಯಾಪಲ್‌ನಲ್ಲಿ 1200 ವೇಶ್ಯೆಯರು ಮತ್ತು ಸುಮಾರು 62 ವೇಶ್ಯಾಗೃಹಗಳಿದ್ದವು ಎಂದು ಲಂಡನ್‌ ಮೆಟ್ರೊಪಾಲಿಟನ್‌ (ಮಹಾನಗರ) ಪೋಲಿಸ್‌ ಅಂದಾಜಿಸಿದ್ದರು.
• ಒಂದೇ ಸಮನಾಗಿ ಸಾಮಾಜಿಕ ಬಿಕ್ಕಟ್ಟುಗಳು ಹೆಚ್ಚಿದ್ದರಿಂದ, ಆರ್ಥಿಕ ಸಮಸ್ಯೆಗಳು ಉಲ್ಬಣಗೊಂಡವು. 1887ರ ನವೆಂಬರ್‌ 13ರ,ಅಂದರೆ 1886 ಮತ್ತು 1889ರ ಅವಧಿಯಲ್ಲಿ ನಡೆದ ನಿರಂತರ ಕೊಲೆಗಳು, ಪೋಲಿಸರ ಮಧ್ಯಪ್ರವೇಶಕ್ಕೆ ಕಾರಣವಾಯಿತಲ್ಲದೆ, ಇದು ಸಾರ್ವಜನಿಕರ ನೆಮ್ಮದಿಯನ್ನೂ ಕೆಡಿಸಿತು. ವರ್ಣಭೇದ ನೀತಿ, ಅಪರಾಧ, ಸಾಮಾಜಿಕ ಅಶಾಂತಿ, ಗಲಭೆ ಮತ್ತು ಅಪಾರ ಹಾನಿಯಿಂದಾಗಿ, ವೈಟ್‌ಚ್ಯಾಪಲ್‌ ಎಂಬುದು ಒಂದು ಕ್ರೂರ ಗುಹೆ ಎಂದು ಸಾರ್ವಜನಿಕರಿಗೆ ಪ್ರತ್ಯಕ್ಷ ಅನುಭವವಾಯಿತು. 1888ರಲ್ಲಿ "ಜ್ಯಾಕ್‌ ದಿ ರಿಪ್ಪರ್‌"ನ ದುರಭ್ಯಾಸ ಮತ್ತು ವಿಕೃತ ಕೊಲೆ ಸರಣಿಗಳು ಮಾಧ್ಯಮದಲ್ಲಿ ರೂಢಿಗಿಂತ ಹೆಚ್ಚು ಪ್ರಚಾರವಾದಾಗ, ಇಂತಹ ಗ್ರಹಿಕೆಗಳು ಇನ್ನಷ್ಟು ಬಲಗೊಂಡವು.

 

• ಆ ಸಮಯದಲ್ಲಿ ಈಸ್ಟ್‌ ಎಂಡ್‌(ಲಂಡನ್ನಿನ ಪೂರ್ವಭಾಗದ ನಿವಾಸಿ)ನಲ್ಲಿನ ಮಹಿಳೆಯರ ಮೇಲೆ ದೊಡ್ಡ ಪ್ರಮಾಣದಲ್ಲಿ ಭಯಂಕರ ದಾಳಿಗಳಾಗಿರುವುದರಿಂದ, ಒಂದೇ ವ್ಯಕ್ತಿಯಿಂದ ಎಷ್ಟು ಜನರು ಹತ್ಯೆಗೀಡಾಗಿದ್ದಾರೆಂದು ಖಚಿತವಾಗಿ ತಿಳಿದಿಲ್ಲ. ಈ ಕೊಲೆಗಳನ್ನು ಒಬ್ಬನೇ ಮಾಡಿದನೇ ಇಲ್ಲವೇ ಎನ್ನುವ ಬಗ್ಗೆ ಗೊಂದಲವಿದೆ, ಆದರೆ ಹನ್ನೊಂದು ವೈಟ್‌ಚ್ಯಾಪಲ್‌ ಕೊಲೆಗಳಲ್ಲಿ ಐದನ್ನು "ಕಾನೊನಿಕಲ್‌ ಫೈವ್‌" ಎಂದು ಕರೆಯುವರು. ಈ ಕೃತ್ಯಗಳನ್ನು ರಿಪ್ಪರ್‌ ಎಸಗಿದ್ದಾನೆಂದು ನಂಬಲಾಗಿದೆ.
• ಕುತ್ತಿಗೆ ಕತ್ತರಿಸುವುದು, ಹೊಟ್ಟೆ ಮತ್ತು ಜನನಾಂಗದ ಭಾಗ ಕುಯ್ಯಿಯುವುದು, ದೇಹದೊಳಗಿನ ಅಂಗಳನ್ನು ಬೇರ್ಪಡಿಸುವುದು ಮತ್ತು ಮುಖ ವಿಕಾರಗೊಳಿಸುವಿಕೆಯು ನರಹಂತಕ ಜ್ಯಾಕ್‌ ದಿ ರಿಪ್ಪರ್‌ನ ಕಾರ್ಯ ವಿಧಾನ ವಾಗಿತ್ತೆಂದು ಹಲವು ಪರಿಣತರು ಅಭಿಪ್ರಾಯ ಪಟ್ಟಿ ದ್ದಾರೆ.ವೈಟ್‌ಚ್ಯಾಪಲ್‌ ಕೊಲೆಗಳ ಕಡತದಲ್ಲಿರುವ ಎಮ್ಮಾ ಎಲಿಜಬೆಥ್‌ ಸ್ಮಿತ್‌ ಮತ್ತು ಮಾರ್ಥಾ ತಬ್ರಾಮ್‌ರ ಮೊದಲ ಎರಡು ಕೊಲೆಗಳು ನಿಶ್ಚಿತಾವಧಿಯಲ್ಲಾಗಲಿಲ್ಲ.
• 1888ರ ಏಪ್ರಿಲ್‌ 3ರಂದು ವೈಟ್‌ಚ್ಯಾಪಲ್‌ನ ಒಸಬರ್ನ್‌ ಸ್ಟ್ರೀಟ್‌ನಲ್ಲಿ ಸ್ಮಿತ್‌ ಎಂಬಾಕೆಯ ವಸ್ತುಗಳನ್ನು ದೋಚಿ, ಲೈಂಗಿಕ ಅತ್ಯಾಚಾರಕ್ಕೆ ಗುರಿ ಮಾಡಲಾಯಿತು. ಅವಳ ಯೋನಿಯೊಳಗೆ ಮೊಂಡಾದ ಆಯುಧವೊಂದನ್ನು ಹಿಂಸಾರೂಪದಲ್ಲಿ ತೂರಿಸಿದಾಗ,ಅದು ಜಠರದ ಒಳಚರ್ಮವನ್ನು ಛೇದಿಸಿತು. ಮೊದಲೇ ಅವಳಿಗೆ ಪೆರಿಟೊನೈಟಿಸ್‌(ಜಠರದ ಒಳಪೊರೆಯ ಉರಿಯೂತ) ಇದ್ದಿತು. ಇದಾದ ಮರುದಿನ ಆಕೆ ಲಂಡನ್‌ ಹಾಸ್ಪಿಟಲ್‌ನಲ್ಲಿ ತೀರಿಕೊಂಡಳು. ಎರಡು ಅಥವಾ ಮ‌ೂರು ಜನರಿಂದ ನಾನು ದಾಳಿಗೊಳಗಾಗಿದ್ದು, ಅದರಲ್ಲಿ ಒಬ್ಬನು ಹದಿಹರೆಯದವನು ಎಂದು ಅವಳು ಹೇಳಿಕೆ ನೀಡಿದ್ದಳು. ಮಾಧ್ಯಮಗಳು ಈ ದಾಳಿಯನ್ನು ನಂತರ ನಡೆದ ಕೊಲೆಗಳಿಗೆ ಸಂಪರ್ಕ ಕಲ್ಪಿಸಿದವು. ಆದರೆ ಇದು ಒಂದು ತಂಡದಿಂದ ಮಾಡಿದ ಕೃತ್ಯವಾಗಿದ್ದು, ರಿಪ್ಪರ್‌ನಿಗೆ ಸಂಬಂಧಿಸಿರಲಿಲ್ಲ. 1888ರ ಆಗಸ್ಟ್‌ 7ರಂದು ಟ್ಯಾಬ್ರಾಮ್‌ಳ ಕೊಲೆಮಾಡಲಾಗಿತ್ತು; ಆಕೆಗೆ 39 ಇರಿತದ ಗಾಯಗಳಾಗಿದ್ದವು. ಕೊಲೆಗಳ ಕ್ರೌರ್ಯ, ಅಸ್ಪಷ್ಟ ಉದ್ದೇಶ, ಮತ್ತು ಸ್ಥಳದ ಸಾಮೀಪ್ಯ (ಜಾರ್ಜ್‌ ಯಾರ್ಡ್‌, ವೈಟ್‌ಚ್ಯಾಪಲ್‌) ಮತ್ತು ನಂತರದ ರಿಪ್ಪರ್‌ ಕೊಲೆಗಳ ದಿನಾಂಕಗಳಿಂದಾಗಿ ಪೋಲಿಸ್‌ರಿಗೆ ಅವುಗಳ ಮಧ್ಯೆ ಸಂಬಂಧ ಕಲ್ಪಿಸಲು ಸಾಧ್ಯವಾಯಿತು. ಆದರೂ, ಟ್ಯಾಬ್ರಾಮ್‌‌ಳ ಮೇಲಿನ ದಾಳಿಯು ಉಳಿದ ದಾಳಿಗಳಿಗಿಂತ ಭಿನ್ನವಾಗಿತ್ತು. ಸಾಮಾನ್ಯವಾಗಿ ಗಂಟಲು ಮತ್ತು ಹೊಟ್ಟೆಯನ್ನು ಕತ್ತರಿಸುತ್ತಿದ್ದ ಕೊಲೆಗಾರರು, ಟ್ಯಾಬ್ರಾಮ್‌‌ಳನ್ನು ಮನಬಂದಂತೆ ಇರಿದಿದ್ದರು. ಕೊಲೆಯಾದ ಮಾದರಿಯಲ್ಲಿ ವ್ಯತ್ಯಾಸವಿರುವುದರಿಂದ, ಇಂದು ಹಲವು ಪರಿಣತರು ಈ ಕೊಲೆಯನ್ನು ನಂತರ ನಡೆದ ಕೊಲೆಗಳಿಗೆ ಸಂಬಂಧ ಕಲ್ಪಿಸುವದಿಲ್ಲ.

ಕಾನೊನಿಕಲ್‌ ಫೈವ್‌ ( ಸರಣಿ ಐದು ಹತ್ಯೆಗಳು)

• ಕಾನೊನಿಕಲ್‌ ಫೈವ್‌ನಲ್ಲಿ ರಿಪ್ಪರ್‌ನಿಂದ ಮೇರಿ ಅನ್ನಾ ನಿಕೋಲ್ಸ್‌, ಅನ್ನಿ ಚ್ಯಾಪ್‌ಮ್ಯಾನ್‌, ಎಲಿಜಬೆಥ್‌ ಸ್ಟ್ರೈಡ್‌, ಕ್ಯಾಥರಿನ್‌ ಎಡೋವ್ಸ್‌ ಮತ್ತು ಮೇರಿ ಜೇನ್‌ ಕೆಲ್ಲಿ ಬಲಿಯಾಗಿದ್ದರು. 1888ರ ಆಗಸ್ಟ್‌ 31ರ ಶುಕ್ರವಾರ 3:40 a.mರ ವೇಳೆಗೆ ವೈಟ್‌ ಚ್ಯಾಪಲ್‌ನ ಬಕ್‌'ಸ್‌ ರೋವ್‌ನಲ್ಲಿ (ಈಗಿನ ಡುರ್ವರ್ಡ್‌ ಸ್ಟ್ರೀಟ್‌) ನಿಕೋಲ್ಸ್‌ಳ ಮೃತದೇಹ ಪತ್ತೆಯಾಯಿತು. ಅವಳ ಗೋಣನ್ನು ಆಳವಾಗಿ ಎರಡು ಬಾರಿ ಕುಯ್ಯಲಾಗಿತ್ತು. ಹೊಟ್ಟೆಯ ಕೆಳಭಾಗವನ್ನು ಕತ್ತರಿಸಿ, ಹಲ್ಲಿನಿಂದಾದಂತಹ ಆಳ ಗಾಯಗಳನ್ನು ಮಾಡಲಾಗಿತ್ತು.
• ಅದೇ ಚೂರಿಯಿಂದ ಇರಿದು ಹೊಟ್ಟೆ, ಇತರೆಡೆಗಳಲ್ಲಿಯೂ ಕತ್ತರಿಸಿ ಗಾಯಗೊಳಿಸಲಾಗಿತ್ತು. 1888ರ ಸೆಪ್ಟೆಂಬರ್ 8ರ 6 a.m.ರ ಹೊತ್ತಿಗೆ ಸ್ಪಿಟಲ್‌ಫೀಲ್ಡ್ಸ್‌ನ 29 ಹನ್ಬರಿ ಸ್ಟ್ರೀಟ್‌ನ ಹಿಂದಿನ ದಾರಿಯ ಪಕ್ಕದಲ್ಲಿ ಚ್ಯಾಪ್‌ಮ್ಯಾನ್‌ಳ ಮೃತ ದೇಹ ಕಂಡುಬಂತು. ಮೇರಿ ಅನ್ನಾ ನಿಕೋಲ್ಸ್‌ಳ ಕೊಲೆಯಂತೆ, ಇವಳ ಗಂಟಲನ್ನೂ ಎರಡು ಬದಿಯಲ್ಲಿ ಕತ್ತರಿಸಲಾಗಿತ್ತು.
• ಹೊಟ್ಟೆಯನ್ನು ಸಂಪೂರ್ಣ ಕತ್ತರಿಸಿ, ವಿಕಾರಗೊಳಿಸಲಾಗಿತ್ತು ಮತ್ತು ಅವಳ ಗರ್ಭಕೋಶವನ್ನು ಹೊರತೆಗೆಯಲಾಗಿತ್ತು ಎಂದು ನಂತರ ಗೊತ್ತಾಯಿತು. ಅಧಿಕೃತ ತನಿಖೆ,ಮಹಜರುವಿನಲ್ಲಿ ತಿಳಿದು ಬಂದಿರುವಂತೆ , ಚ್ಯಾಪ್‌ಮ್ಯಾನ್‌ಳು ಸುಮಾರು 5:30 a.m ಹೊತ್ತಿಗೆ, "ಗತ-ಶ್ರೀಮಂತಿಕೆ" ಕಾಣಿಸುವ ದಟ್ಟ ಕಪ್ಪು ತಲೆಕೂದಲಿನ ಪುರುಷನೊಂದಿಗೆ ಇರುವುದನ್ನು ನೋಡಿರುವುದಾಗಿ ಒಬ್ಬರು ಸಾಕ್ಷಿಯಲ್ಲಿ ವಿವರಿಸಿದರು. 1888ರ ಸೆಪ್ಟೆಂಬರ್ 30ರ ಭಾನುವಾರ ಸ್ಟ್ರೈಡ್‌ ಮತ್ತು ಎಡೋವ್ಸ್‌ ಅವರುಗಳನ್ನು ಕೊಲ್ಲಲಾಗಿತ್ತು. ಸ್ಟ್ರೈಡ್‌ಳ ದೇಹವು ವೈಟ್‌ಚ್ಯಾಪಲ್‌ನ ಬರ್ನರ್‌ ಸ್ಟ್ರೀಟ್‌ನ ಹೊರಗೆ (ಈಗಿನ ಹೆನ್ರಿಕ್ವೆಸ್‌ ಸ್ಟ್ರೀಟ್‌) ಡಟ್‌ಫೀಲ್ಡ್‌'ಸ್‌ ಯಾರ್ಡ್‌ನಲ್ಲಿ ಸುಮಾರು 1 a.mರ ಹೊತ್ತಿಗೆ ಕಂಡುಬಂದಿತು.
• ಕುತ್ತಿಗೆಯ ಎಡಗಡೆಯಲ್ಲಿರುವ ಪ್ರಮುಖ ಅಪಧಮನಿಯನ್ನು ಕತ್ತರಿಸಿರುವುದು ಸ್ಟ್ರೈಡ್‌ಳ ಸಾವಿಗೆ ಕಾರಣವಾಗಿತ್ತು. ಸ್ಟ್ರೈಡ್‌ಳ ಕೊಲೆಯು ರಿಪ್ಪರ್‌ಗೆ ಸಂಬಂಧಿಸಿದೆಯೇ ಅಥವಾ ಹೊಟ್ಟೆಯನ್ನು ಇರಿಯುವಾಗ ಯಾರಾದರೂ ಅವನನ್ನು ತಡೆದಿರಬಹುದೇ ಎನ್ನುವುದರ ಬಗ್ಗೆ ಖಚಿತತೆ ಇಲ್ಲ. ಕೊಲೆಯಾಗುವ ಹಿಂದಿನ ರಾತ್ರಿ ಸ್ಟ್ರೈಡ್‌ಳನ್ನು ಒಬ್ಬ ಪುರುಷನೊಂದಿಗೆ ನೋಡಿದ್ದೇವೆ ಎಂದ ಸಾಕ್ಷಿಗಳ ವಿವರಣೆಯಲ್ಲಿ ವ್ಯತ್ಯಾಸವಿತ್ತು:
• ಕೆಲವರು ಅವಳು ಒಬ್ಬ ಗೌರವರ್ಣದ ಪುರುಷನೊಂದಿಗಿದ್ದಳು ಎಂದು ಹೇಳಿದರೆ,ಇನ್ನುಳಿದ ಕೆಲವರು ಕಪ್ಪು ಬಣ್ಣದ ಪುರುಷನೊಂದಿಗಿದ್ದಳು ಎಂದು ತಿಳಿಸಿದರು; ಇನ್ನೂ ಕೆಲವರು ಆ ಪುರುಷನು ಮಾಸಿದ ಉಡುಪು ಧರಿಸಿದ್ದನೆಂದರೆ, ಇನ್ನುಳಿದವರು ಅವನು ಉತ್ತಮ ದಿರಿಸು ಹಾಕಿಕೊಂಡಿದ್ದ ಎನ್ನುವರು. ಸ್ಟ್ರೈಡ್‌ಳ ಕೊಲೆಯಾದ ಮುಕ್ಕಾಲು ಗಂಟೆಯ ನಂತರ, ಸಿಟಿ ಆಫ್‌ ಲಂಡನ್‌ನ ಮೀಟರ್‌ ಸ್ಕ್ವಾರ್‌ನಲ್ಲಿ ಎಡೋವ್ಸ್‌ ಶವ ಪತ್ತೆಯಾಯಿತು.
• ಅವಳ ಗಂಟಲನ್ನು ಕತ್ತರಿಸಲಾಗಿತ್ತು.ಅಲ್ಲದೇ ಹೊಟ್ಟೆಯನ್ನು ಹಲ್ಲುಹಲ್ಲಿನಾಕಾರದಲ್ಲಿ, ಉದ್ದವಾಗಿ ಸೀಳಲಾಗಿತ್ತು. ಅವಳ ಮೂತ್ರಪಿಂಡ ಮತ್ತು ಗರ್ಭಕೋಶದ ಪ್ರಮುಖ ಭಾಗವನ್ನು ದೇಹದಿಂದ ತೆಗೆದುಹಾಕಲಾಗಿತ್ತು. ಸ್ಥಳೀಯ ವ್ಯಕ್ತಿ ಜೋಸೆಫ್‌ ಲವೆಂಡೆ ಯು ಕೊಲೆ ನಡೆಯುವ ಸ್ವಲ್ಪ ಸಮಯದ ಮೊದಲು ಇಬ್ಬರು ಸ್ನೇಹಿತರೊಂದಿಗೆ ಆ ಚೌಕದ ಮೂಲಕ ಹಾದುಹೋಗಿದ್ದನು. ಅವನು ಎಡೋವ್ಸ್‌ ಆಗಿರಬಹುದಾದ ಒಬ್ಬಳು ಹೆಂಗಸನ್ನು,ಕೆದರಿದಂತೆ ಬಿಳಿ ತಲೆಕೂದಲುಳ್ಳ ಕೆಟ್ಟದಾಗಿ ಕಾಣುವ ಪುರುಷನೊಂದಿಗಿರುವುದನ್ನು ನೋಡಿದ್ದನು.
• ಅವನ ಜೊತೆಗಾರರು ಲವೆಂಡೆ ನೀಡಿದ ವಿವರಣೆಯನ್ನು ಖಚಿತಪಡಿಸಲಿಲ್ಲ.
• ನಂತರ ಎಡೋವ್ಸ್‌ ಮತ್ತು ಸ್ಟ್ರೈಡ್‌ರ ಕೊಲೆಗಳನ್ನು "ಜೋಡಿ ಕೊಲೆ ಘಟನೆ" ಎಂದು ಕರೆದರು. ಎಡೋವ್ಸ್‌ರ ರಕ್ತಸಿಕ್ತ ಏಪ್ರನ್‌ನ ತುಂಡು ವೈಟ್‌ಚ್ಯಾಪಲ್‌ನ ಗೋಲ್‌ಸ್ಟನ್‌ ಸ್ಟ್ರೀಟ್‌ನಲ್ಲಿರುವ ವಠಾರವೊಂದರ ಪ್ರವೇಶ ದ್ವಾರದಲ್ಲಿ ಕಂಡುಬಂದಿತು. ಏಪ್ರನ್‌ ನ ತುದಿಯ ಮೇಲಿರುವ ಭಾಗದಲ್ಲಿ ಕೆಲವು ಅಕ್ಷರಗಳನ್ನು ಬರೆಯಲಾಗಿತ್ತು. ನಂತರ ಇದು ಗೋಲ್‌ಸ್ಟನ್‌ ಸ್ಟ್ರೀಟ್‌ ಗ್ರಾಫಿಟೊ(ಗೀರು ಚಿತ್ರ) ಎಂದು ತಿಳಿಯಿತು. *ಇದನ್ನು ಓರ್ವ ಯಹೂದಿ ಅಥವಾ ಯಹೂದಿಗಳು ಬರೆದಿರಬಹುದೆಂದು ಶಂಕಿಸಲಾಗುತ್ತಿತ್ತು. ಆದರೆ ಈ ಚಿತ್ರವನ್ನು ತಾನೇ ಬಿಡಿಸಿ (ಗ್ರಾಫಿಟೊ)ನ ಏಪ್ರನ್‌ ತುಂಡನ್ನು ಬಿಸಾಕಿದ ಕೊಲೆಗಾರನೇ ಬರೆದಿದ್ದಾನೆಯೇ ಅಥವಾ ಕೇವಲ ಪ್ರಾಸಂಗಿಕವಾಗಿರಬಹುದೆಂದು ಸ್ಪಷ್ಟವಾಗಿಲ್ಲ. ಗ್ರಾಫಿಟೊ(ಗೋಡೆ ಮೇಲಿನ ಗೀರು ಚಿತ್ರ)ದಿಂದಾಗಿ ಯಹೂದ್ಯರ ವಿರೋಧಿ ಗಲಭೆಗಳಾಗಬಹುದೆಂದು ಹೆದರಿ, ಪೋಲಿಸ್‌ ಕಮೀಷನರ್‌ ಚಾರ್ಲ್ಸ್‌ ವಾರನ್‌ ಸೂರ್ಯೋದಯದೊಳಗೆ ಅದನ್ನು ಅಳಿಸಿಹಾಕುವಂತೆ ಆಜ್ಞಾಪಿಸಿದರು.

 

• 1888ರ ನವೆಂಬರ್‌ 9ರ ಶುಕ್ರವಾರ ಸುಮಾರು 10:45 a.m. ಹೊತ್ತಿಗೆ ಡೋರ್ಸೆಟ್‌ ಸ್ಟ್ರೀಟ್‌, ಸ್ಪಿಟಲ್‌ಫೀಲ್ಡ್ಸ್‌ನ ಹೊರವಲಯದ ದೂರಪ್ರದೇಶದಲ್ಲಿ 13 ಮಿಲ್ಲರ್‌'ಸ್‌ ಕೋರ್ಟ್‌ನಲ್ಲಿರುವ ತನ್ನ ಕೋಣೆಯ ಹಾಸಿಗೆಯ ಮೇಲೆ ಕೆಲ್ಲಿ ಭಯಾನಕವಾಗಿ ಇರಿದು ಹತ್ಯೆಯಾದ ಮೃತದೇಹವಾಗಿ ಕಂಡುಬಂದಳು. ಗಂಟಲನ್ನು ಆಳವಾಗಿ ಸೀಳಿಸಲಾಗಿತ್ತಲ್ಲದೇ ಹೊಟ್ಟೆಯಲ್ಲಿರುವ ಅಂಗಗಳನ್ನು ಬಗೆಯಲಾಗಿತ್ತು. ದೇಹದಲ್ಲಿನ ಹೃದಯ ಕೂಡ ಕಾಣೆಯಾಗಿತ್ತು.
• ಕಾನೊನಿಕಲ್‌ ಫೈವ್‌ ಕೊಲೆಗಳು ವಾರಾಂತ್ಯದಲ್ಲಿ ಅಥವಾ ಅದರ ಆಸುಪಾಸಿನ ದಿನಗಳಲ್ಲಿ, ತಿಂಗಳು ಅಥವಾ ವಾರದ ಅಂತ್ಯ ಅಥವಾ ಅದರ ನಂತರ ಅವಧಿಯಲ್ಲಿ, ರಾತ್ರಿ ವೇಳೆ ನಡೆಯುತ್ತಿದ್ದುದು ಸರ್ವೆಸಾಮಾನ್ಯವಾಗಿತ್ತು. ಸ್ಟ್ರೈಡ್‌ಳ ಕೊಲೆಯೊಂದರಲ್ಲಿ ಬಿಟ್ಟು, ಉಳಿದೆಲ್ಲಾ ಕೊಲೆಗಳಲ್ಲಿ ಭಾರಿ ಪ್ರಮಾಣದಲ್ಲಿ ಅಂಗಾಂಗಗಳನ್ನು ಕತ್ತರಿಸಲಾಗುತ್ತಿತ್ತು.
• ಸ್ಟ್ರೈಡ್‌ಳ ಕೊಲೆ ನಡೆಯುವಾಗ, ಯಾರೋ ಕೊಲೆಗಾರನನ್ನ ಅಡ್ಡಿಪಡಿಸಿರಬಹುದು. ನಿಕೋಲ್ಸ್‌ಳ ಯಾವುದೇ ಅಂಗಗಳು ಕಾಣೆಯಾಗಿಲ್ಲ; ಚ್ಯಾಪ್‌ಮ್ಯಾನ್‌ಳ ಗರ್ಭಕೋಶವನ್ನು ತೆಗೆಯಲಾಗಿದೆ; ಎಡೋವ್ಸ್‌ಳ ಗರ್ಭಕೋಶ ಮತ್ತು ಮೂತ್ರಪಿಂಡವನ್ನು ಬೇರ್ಪಡಿಸಿ, ಅವಳ ಮುಖವನ್ನು ವಿಕಾರಗೊಳಿಸಲಾಗಿದೆ; ಕೆಲಿಯ ಹೊಟ್ಟೆಯೊಳಗಿನ ಅಂಗಗಳನ್ನು ಬಗೆಯಲಾಗಿತ್ತು.
• ಆಕೆಯ ಮುಖವನ್ನು ಆಳವಾಗಿ ಇರಿಯಲಾಗಿದೆ. ಘಟನೆ ನಡೆದ ಸ್ಥಳದಲ್ಲಿ ಅವಳ ಹೃದಯವೂ ಇರಲಿಲ್ಲ. ಆ ಸಮಯದಲ್ಲಿದ್ದ ದಾಖಲೆಗಳ ಪ್ರಕಾರ ಈ ಐದು ಕೊಲೆಗಳು ಒಬ್ಬನೇ ವ್ಯಕ್ತಿ ಮಾಡಿದ್ದಾನೆಂದು ಎಂದು ಗೊತ್ತಾಗಿದೆ. ಆ ಸಂದರ್ಭದ ದಾಖಲೆಯಲ್ಲಿದ್ದ ಇತರರನ್ನು ಹೊರಗಿಟ್ಟು, ಇವೆಲ್ಲಾ ಕೊಲೆಗಳೂ ಒಂದೇ ಎಂದು ಪರಿಗಣಿಸಲಾಯಿತು.
• 1894ರಲ್ಲಿ ಮೆಟ್ರೊಪಾಲಿಟನ್‌ ಪೋಲಿಸ್‌ ಸರ್ವಿಸ್‌ನ ಸಹಾಯಕ ಮುಖ್ಯ ಕಾನ್‌ಸ್ಟೇಬಲ್‌ ಮತ್ತು ಕ್ರಿಮಿನಲ್‌ ಇನ್ವೇಸ್ಟಿಗೇಶನ್‌ ಡಿಪಾರ್ಟ್‌ ಮೆಂಟ್‌ನ(CID) ಮುಖ್ಯಸ್ಥ ಆಗಿದ್ದ ಸರ್‌ ಮೆಲ್ವಿಲ್ಲೆ ಮ್ಯಾಕ್ನಾಗ್ಟನ್‌ ತಮ್ಮ ವರದಿಯಲ್ಲಿ ಹೀಗೆ ಬರೆದಿದ್ದಾರೆ: "ವೈಟ್‌ಚ್ಯಾಪಲ್‌ ಳ ಕೊಲೆಗಾರನು 5 ಹತ್ಯೆ—& 5 ಕೊಲೆಗಳನ್ನು ಮಾತ್ರ ಮಾಡಿದ್ದಾನೆ". ಹಾಗೆಯೇ ಕಾನೊನಿಕಲ್‌ ಫೈವ್‌ ಕೊಲೆಗಳು ಪರಸ್ಪರ ಸಂಬಂಧಿ ಸಿವೆ ಎಂದು 1888ರ ನವೆಂಬರ್‌ 10ರಂದು ಪೋಲಿಸ್‌ ಶಸ್ತ್ರ ಚಿಕಿತ್ಸಕ ಥಾಮಸ್‌ ಬಾಂಡ್‌ರು ಲಂಡನ್‌ CIDಯ ಮುಖ್ಯಸ್ಥ ರಾಬರ್ಟ್‌ ಅಂಡರ್ಸನ್‌ರಿಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.
• ಪೋಲಿಸರ ಸಾಕ್ಷಾಧಾರದ ಮೇಲೆ, ಈ ಐದು ಕೊಲೆಗಳನ್ನು ಒಂದೇ ಪ್ರಕರಣವೆಂದು ಗೊತ್ತಾದಾಗ, ಕಾನೊನಿಕಲ್‌ ಫೈವ್‌ "ರಿಪ್ಪರ್‌ ರೂಪಕ ಕಥೆಯಾಗಿ ಮಾರ್ಪಟ್ಟಿದೆ". ಮೂರು ಪ್ರಕರಣಗಳು ಇದರೊಂದಿಗೆ (ನಿಕೋಲ್ಸ್‌, ಚ್ಯಾಪ್‌ಮ್ಯಾನ್‌ ಮತ್ತು ಎಡೋವ್ಸ್‌) ನಿಖರ ಸಂಬಂಧ ಹೊಂದಿರುವುದರಿಂದ, ಸ್ಟ್ರೈಡ್‌ ಮತ್ತು ಕೆಲಿಯ ಕೊಲೆಯ ಸಂಬಂಧದಲ್ಲಿ ನಿಶ್ಚಿತತೆ ಕಡಿಮೆಯಿರುವುದು ಮತ್ತು ಟ್ಯಾಬ್ರಾಮ್‌‌ ಮೇಲೆ ಇದು ಇನ್ನಷ್ಟು ಕಡಿಮೆಯಾಗಿದೆ ಎಂದು ಲೇಖಕರಾದ ಸ್ಟೆವರ್ಟ್‌ P. ಇವಾನ್ಸ್‌ ಮತ್ತು ಡೊನಾಲ್ಡ್‌ ರಂಬಿಲೋ ವಾದಿಸಿದ್ದಾರೆ. ರೋಗನಿದಾನಶಾಸ್ತ್ರಜ್ಞ ಜಾರ್ಜ್‌ ಬ್ಯಾಗ್‌ಸ್ಟರ್‌ ಫಿಲಿಪ್ಸ್‌ರ ಸಹಾಯಕ ಡಾ. ಪೆರ್ಸಿ ಕ್ಲಾರ್ಕ್‌ ಅವರ ಪ್ರಕಾರ, ಕೇವಲ ಮೂರು ಕೊಲೆಗಳು ಮಾತ್ರ ಪರಸ್ಪರ ಸಂಬಂಧ ಹೊಂದಿವೆ ಎಂದು ಹೇಳಿದರು. ಇತರವು "ಅಪರಾಧದಿಂದ ಪ್ರೇರೆಪಿತ ದುರ್ಬಲ-ಮನಸ್ಸಿನ ವ್ಯಕ್ತಿಗಳಿಂದ ನಡೆದಿರಬಹುದು".
• ಕೊಲೆಗಳು ನಡೆದು ಒಂದು ವರ್ಷವಾಗುವವರೆಗೆ ಮ್ಯಾಕ್ನಾಗ್ಟನ್‌ ಪೋಲಿಸ್‌ ದಳಕ್ಕೆ ಸೇರಲಿಲ್ಲ. ಅಲ್ಲದೇ ಅನುಮಾನಾಸ್ಪದ ಕೊಲೆಗಾರನ ಕುರಿತು ಅವರು ಸಿದ್ದಪಡಿಸಿದ ಮಾಹಿತಿಯು ವಾಸ್ತವಿಕ ಅಂಶಗಳ ಕೊರತೆಯಿಂದಾಗಿ ತಪ್ಪುಗಳನ್ನು ಒಳಗೊಂಡಿತ್ತು. ಈ ಸರಣಿ ಕೊಲೆಗಳನ್ನು ಒಬ್ಬನೇ ಕೊಲೆಗಾರನು ಮಾಡಲು ಸಾಧ್ಯವೇ ಇಲ್ಲ, ಆದರೆ ಬಹಳಷ್ಟು ಕೊಲೆಗಾರರು ಸ್ವತಂತ್ರವಾಗಿ ಇಂತಹ ಕೃತ್ಯವೆಸಗಲು ಸಾಧ್ಯ ಎಂದು ಕೆಲವು ಸಂಶೋಧಕರು ಹೇಳಿಕೆ ನೀಡಿದ್ದಾರೆ. ಇದಕ್ಕೆ ಪ್ರತಿಯಾಗಿ, ಈ ಆರು ಕೊಲೆಗಳಲ್ಲಿ ಟ್ಯಾಬ್ರಾಮ್‌‌ ಮತ್ತು ಕೆಲಿಯ ಕೊಲೆಗಳು ಮಾತ್ರ ಒಬ್ಬನೇ ಕೊಲೆಗಾರನ ಕೃತ್ಯ ಎಂದು ಇತರರು ವಾದಿಸಿದರು.

ವೈಟ್‌ಚ್ಯಾಪಲ್‌ ಕೊಲೆಗಳ ನಂತರ...

• ಕೆಲಿಯು ಬಹುಶಃ ರಿಪ್ಪರ್‌ನ ಕೊನೆಯ ಕೊಲೆಕೃತ್ಯದ ಬಲಿಪಶುವೆಂದು ಪರಿಗಣಿಸಲಾಗಿದೆ. ಕೊಲೆಗಾರನ ಅಂತ್ಯ, ಜೈಲುವಾಸ‌, ಆಪ್ತ ಸಲಹಾ ಸಂಸ್ಥೆ-ಕೇಂದ್ರಗಳಿಂದ ಸಾಂತ್ವನ ಅಥವಾ ವಲಸೆಯಿಂದಾಗಿ ಈ ಅಪರಾಧಗಳು ಕೊನೆಗೊಂಡವೆಂದು ಊಹಿಸಲಾಗಿದೆ. ವೈಟ್‌ಚ್ಯಾಪಲ್‌ ಕೊಲೆಗಳ ಕಡತವು ಕಾನೊನಿಕಲ್‌ ಫೈವ್‌ ನಂತರ ಸಂಭವಿಸಿದ ರೋಸ್‌ ಮಿಲೆಟ್‌, ಅಲಿಸ್‌ ಮ್ಯಾಕೆಂಜಿ, ಪಿನ್ಚಿನ್‌ ಸ್ಟ್ರೀಟ್‌ನಲ್ಲಿ ದೊರೆತ ಮುಂಡ (ತಲೆ, ಕೈ-ಕಾಲುಗಳನ್ನು ಹೊರತುಪಡಿಸಿ ದೇಹದ ಉಳಿದ ಭಾಗ) ಮತ್ತು ಫ್ರ್ಯಾನ್ಸಸ್‌ ಕೋಲಸ್‌ರ ನಾಲ್ಕು ಕೊಲೆಗಳ ಬಗೆಗಿನ ವಿವರ ಒಳಗೊಂಡಿದೆ.
• 1888ರ ಡಿಸೆಂಬರ್‌ 20ರಲ್ಲಿ ಪೋಪ್ಲರ್‌ನಲ್ಲಿರುವ ಹೈ ಸ್ಟ್ರೀಟ್‌ನಲ್ಲಿರುವ ಕ್ಲಾರ್ಕ್‌'ಸ್‌ ಯಾರ್ಡ್‌ನಲ್ಲಿ ಮಿಲೆಟ್‌ಳನ್ನು ಕುತ್ತಿಗೆ ಹಿಸುಕಿ ಸಾಯಿಸಲಾಗಿತ್ತು. ಅಲ್ಲಿ ಕುತ್ತಿಗೆ ಹಿಸುಕಿ ಉಸಿರುಗಟ್ಟಿಸುವ ಸಂದರ್ಭದಲ್ಲಿ ಪ್ರತಿರೋಧದ ಯಾವುದೇ ಗುರುತಿಲ್ಲದ್ದರಿಂದ, ಅವಳು ಕುಡಿದ ಅಮಲಿನಲ್ಲಿ ತಾನೇ ಆಕಸ್ಮಿಕವಾಗಿ ಕುತ್ತಿಗೆ ಹಿಸುಕಿಕೊಂಡಿರಬಹುದು ಅಥವಾ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಪೋಲಿಸ್‌ ಭಾವಿಸಿದ್ದರು. ಅದೇನೇ ಇದ್ದರೂ, ತನಿಖೆ ನಡೆಸಿದ ನ್ಯಾಯ ಮಂಡಳಿಯು ಕೊಲೆಯೆಂಬ ತೀರ್ಮಾನಕ್ಕೆ ಬಂತು.
• 1889ರ ಜುಲೈ 17ರಂದು ಮ್ಯಾಕೆಂಜಿಳನ್ನು ಎಡಭಾಗದ ಶೀರ್ಷಧಮನಿಯಲ್ಲಿನ (ಮೆದುಳಿಗೆ ರಕ್ತ ಪೂರೈಸುವ ನರಕೋಶ ಭಾಗ) ಅಪಧಮನಿಯನ್ನು ಕತ್ತರಿಸಿ ಹಾಕಿ, ಕೊಲೆಮಾಡಲಾಗಿತ್ತು. ವೈಟ್‌ಚ್ಯಾಪಲ್‌ನ ಕ್ಯಾಸ್ಟಲ್‌ ಅಲೇಯಲ್ಲಿ ಹಲವು ಚಿಕ್ಕಪುಟ್ಟ ಗಾಯ ಮತ್ತು ಇರಿತಗಳಾಗಿರುವ ಮ್ಯಾಕಂಜಿಳ ಮೃತದೇಹ ಕಂಡುಬಂದಿತು. ಇದರ ಮರಣೋತ್ತರ ಪರೀಕ್ಷೆ ಮಾಡಿದ ರೋಗನಿದಾನ ಶಾಸ್ತ್ರಜ್ಞರಲ್ಲಿ ಒಬ್ಬರಾದ ಥಾಮಸ್‌ ಬಾಂಡ್‌, ಇದು ರಿಪ್ಪರ್‌ ಮಾಡಿದ ಕೊಲೆ ಎಂದು ಹೇಳಿದರೆ, ಹಿಂದಿನ ಮೂರು ಕೊಲೆಗಳ ಮೃತದೇಹವನ್ನು ಪರೀಕ್ಷಿಸಿದ ಇನೊಬ್ಬ ರೋಗ ನಿದಾನಶಾಸ್ತ್ರಜ್ಞ ಜಾರ್ಜ್‌ ಬ್ಯಾಗ್‌ಸ್ಟರ್‌ ಫಿಲಿಪ್ಸ್‌ಅವರ ಪ್ರಕಾರ ಬಾಂಡ್‌ರ ಈ ತಪಾಸಣಾ ಫಲಿತಾಂಶ ಹೊಂದಾಣಿಕೆಯಾಗುತ್ತಿಲ್ಲ. ಆಕೆಯ ಕೊಲೆಗಾರ ತನ್ನ ಮೇಲೆ ಅನುಮಾನ ಬಾರದಂತೆ ತನಿಖಾಧಿಕಾರಿಗಳ ದಾರಿ ತಪ್ಪಿಸಲು, ಮತ್ತು ಈ ಕೊಲೆಗೆ ರಿಪ್ಪರನನ್ನು ಹೊಣೆಗಾರನನ್ನಾಗಿಸಲು "ರಿಪ್ಪರ್" ಕಾರ್ಯವಿಧಾನ ವನ್ನು ನಕಲು ಮಾಡಿದ್ದಾನೆಂದು ಹಲವರು ಹಿಂದಿನ ಕೊಲೆಗಾರ ಮತ್ತು ಈಗಿನವನನ್ನು ವಿಶ್ಲೇಷಿಸುವರು."1889ರ ಸೆಪ್ಟೆಂಬರ್ 10ರಂದು ವೈಟ್‌ಚ್ಯಾಪಲ್‌ನ ಪಿನ್ಚಿನ್‌ ಸ್ಟ್ರೀಟ್‌ನಲ್ಲಿರುವ ರೈಲ್ವೆ ಕಮಾನಿನ ಕೆಳಗೆ ಬಿದ್ದಿದ್ದ ಮಹಿಳೆಯ ಮೃತದೇಹ ಗುರುತಿಸುವ ಸ್ಥಿತಿಯಲ್ಲಿರಲಿಲ್ಲ.
• ಏಕೆಂದರೆ ಪಿನ್ಚಿನ್‌ ಸ್ಟ್ರೀಟ್‌ನಲ್ಲಿ ದೊರೆತ ಮುಂಡ"ದಲ್ಲಿ ತಲೆ ಮತ್ತು ಕಾಲುಗಳಿರಲಿಲ್ಲ. ಪ್ರಾಯಶಃ ಕೊಲೆಯನ್ನು ಬೇರೆ ಸ್ಥಳದಲ್ಲಿ ಮಾಡಿ, ನಂತರ ಕತ್ತರಿಸಿ ಹಾಕಿದ ಅಂಗಗಳನ್ನು ಕೊಲೆಯಾದ ಸ್ಥಳದಲ್ಲಿ ಹೂಳಲಾಗಿತ್ತು. 1891ರ ಫೆಬ್ರವರಿ 13ರಂದು ವೈಟ್‌ಚ್ಯಾಪಲ್‌ನ ಸ್ವೇಲ್ಲೊವ್‌ ಗಾರ್ಡನ್ಸ್‌ನಲ್ಲಿರುವ ರೈಲ್ವೆ ಕಮಾನಿನಡಿಯಲ್ಲಿ ಕೋಲಸ್‌ಳನ್ನು ಹತ್ಯೆ ಮಾಡಲಾಗಿತ್ತು.
• ಅವಳ ಗಂಟಲನ್ನು ಮಾತ್ರ ಕತ್ತರಿಸಲಾಗಿತ್ತು, ಆದರೆ ದೇಹವನ್ನು ಅಂಗಊನಗೊಳಿಸಿರಲಿಲ್ಲ. ಹಿಂದೆ ಜೇಮ್ಸ್‌ ಥೋಮಸ್‌ ಸಾಡ್ಲರ್‌ ಎಂಬ ಹೆಸರಿನ ವ್ಯಕ್ತಿ ಅವಳೊಂದಿಗೆ ಕಾಣಿಸಿಕೊಂಡಿದ್ದ. ಅವನನ್ನು ಪೋಲಿಸರು ಬಂಧಿಸಿದರು. ಕೊಲೆಯ ಪ್ರಕರಣವನ್ನು ಅವನ ಮೇಲೆ ಹೊರಿಸಿ ಈತನೇ ರಿಪ್ಪರ್‌ ಎಂದು ಸೂಕ್ಷ್ಮವಾಗಿ ಅನುಮಾನಿಸಲಾಗಿತ್ತು. ಆದಾಗ್ಯೂ 1891ರ ಮಾರ್ಚ್‌ 3ರಂದು ಅವನನ್ನು ಸಾಕ್ಷಿಯ ಕೊರತೆಯಿಂದಾಗಿ, ನ್ಯಾಯಾಲಯದ ಸೂಚನೆ ಮೇರೆಗೆ ಬಿಡುಗಡೆ ಮಾಡಲಾಯಿತು.

ಹತ್ಯೆಯ ಇತರ ಬಲಿಪಶುಗಳು

ಹನ್ನೊಂದು ವೈಟ್‌ಚ್ಯಾಪಲ್‌ ಕೊಲೆಗಳಲ್ಲದೆ, ಇತರ ದಾಳಿಗಳು ರಿಪ್ಪರ್‌ಗೆ ಸಂಬಂಧಿಸಿವೆ ಎಂದು ವಿಮರ್ಶಕರು ಹೇಳುತ್ತಿದ್ದಾರೆ.(ವೈಟ್‌ಚ್ಯಾಪಲ್‌ ಎಂದರೆ ಬ್ರಿಟನ್ನಿನಲ್ಲಿ ಎರಡು ಚಕ್ರಗಳ ಗಾಡಿಯನ್ನು ಸಣ್ಣ-ಪುಟ್ಟ ವ್ಯಾಪಾರಿಗಳು ಬಳಸುವ ಒಂದು ವಿಧಾನವೂ ಹೌದು,ಇದು ಒಂದು ಪ್ರದೇಶವೂ ಹೌದು) ಕೆಲವು ಪ್ರಕರಣಗಳಲ್ಲಿ, ಈ ಕಥೆಗಳು ನಿಜವೇ ಅಥವಾ ರಿಪ್ಪರ್‌ ಲೋರ್‌(ರಿಪ್ಪರ್ ನ ಪುರಾಣ) ನಂತೆ ಸೃಷ್ಟಿಸಲಾಗುತ್ತಿದೆಯೇ ಎಂಬ ಅಸ್ಪಷ್ಟತೆ ಕಾಡುವುದು. ಇಸವಿ 1887ರ ಡಿಸೆಂಬರ್‌ 26ರಂದು ಹತ್ಯೆಗೈದ ಅಪರಿಚಿತ ಮೃತದೇಹವೊಂದು ಕಂಡುಬಂದಿತು. ಅದಕ್ಕೆ "ಫೇರಿ ಫೈ" ಎಂಬ ಅಡ್ಡಹೆಸರನ್ನಿಡಲಾಯಿತು . "ಹೊಟ್ಟೆಯನ್ನು ಇರಿದು " ಆಕೆಯನ್ನು ಸಾಯಿಸಲಾಗಿತ್ತು. ಕ್ರಿಸ್ಮಸ್‌ನಲ್ಲಿ ಪ್ರತ್ಯೇಕ ಸಾಮಾನ್ಯ ದಾಳಿಯಿಂದಾಗಿ ಎಮ್ಮಾ ಎಲಿಜಬೆಥ್‌ ಸ್ಮಿತ್‌ಳ ಕೊಲೆಯ ಬಗೆಗಿನ ಪತ್ರಿಕಾ ವರದಿ-ವಿವರಗಳಲ್ಲಿನ ವಿಷಯದ ವಿಭಿನ್ನ ಪ್ರಕಟನೆಯಿಂದ "ಫೇರಿ ಫೈ" ಹುಟ್ಟಿಕೊಂಡಿದೆ ಎಂದು ಹೇಳಲಾಗಿದೆ. 1950ರಲ್ಲಿ ಕೊಲೆಯಾದವರಿಗೆ "ಫೇರಿ ಫೈ" ಎಂಬ ಹೆಸರನ್ನು ಮೊದಲ ಬಾರಿಗೆ ಬಳಸಲಾಗಿತ್ತು. 1887ರ ಕ್ರಿಸ್ಮಸ್‌ ಮತ್ತು ಆ ಅವಧಿಯಲ್ಲಿ ವೈಟ್‌ಚ್ಯಾಪಲ್‌ನಲ್ಲಿ ಯಾವುದೇ ಕೊಲೆಗಳು ನಡೆದಿರಲಿಲ್ಲ. "ಫೇರಿ ಫೈ" ಅಸ್ತಿತ್ವದಲ್ಲಿಯೇ ಇಲ್ಲವೆಂದು ಹಲವು ಲೇಖಕರು ಒಪ್ಪಿಕೊಂಡಿದ್ದರು. 1888ರ ಫೆಬ್ರವರಿ 25ರಲ್ಲಿ ನಡೆದ ಕೃತ್ಯದಲ್ಲಿ "ಕಾಲು ಮತ್ತು ದೇಹದ ವಿವಿಧ ಭಾಗಗಳಲ್ಲಿ ಅನೇಕ ಬಾರಿ ಇರಿಯಲಾಗಿತ್ತು" ಎಂದು ಅನ್ನೀ ಮಿಲ್‌ವುಡ್‌ (ಜನನ 1850)ಅವರನ್ನು ಆಸ್ಪತ್ರೆಗೆ ಸೇರಿಸಲಾಗಿತ್ತು. ಅವಳು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಳು, ಆದರೆ 1888ರ ಮಾರ್ಚ್‌ 31ರಂದು ಅವಳು ಸ್ವಾಭಾವಿಕ ಮತ್ತು ಸ್ಪಷ್ಟ ಕಾರಣಗಳಿಂದ ಅಸುನೀಗಿದಳು. 1888ರ ಮಾರ್ಚ್‌ 28ರಲ್ಲಿ ಅಡಾ ವಿಲ್ಸನ್‌ಳು ಎರಡು ಬಾರಿ ಕುತ್ತಿಗೆಯ ಇರಿತಕ್ಕೊಳಗಾಗಿದ್ದರೂ, ಬದುಕಿಕೊಂಡಳು ಎಂದು ವರದಿಯಾಗಿದೆ. 1888ರ ನವೆಂಬರ್‌ 21ರಲ್ಲಿ ಅನ್ನೀ ಫಾರ್ಮರ್‌ (ಜನನ 1848) ದಾಳಿಗೆ ಒಳಗಾಗಿದ್ದಾರೆ ಎಂದು ವರದಿಯಾಗಿದೆ. ಅವಳ ಕುತ್ತಿಗೆಯ ಮೇಲ್ಮೆಯಲ್ಲಿ(ಬಾಹ್ಯ ಗೋಚರ) ಗಾಯಗಳಾಗಿದ್ದವು. ಅದನ್ನು ಆವಳೇ ಮಾಡಿಕೊಂಡಿರಬಹುದು. ದಾಳಿ ನಡೆಸಿದ್ದಾನೆಂದು ಹೇಳಲಾಗುವ ಮತ್ತು ಯಹೂದೀಯ ಸಿಗಾರ್‌-ತಯಾರಕ ಜೋಸೆಫ್‌ ಐಸಾಕ್ಸ್‌ನನ್ನು ರಿಪ್ಪರ್‌ ಎಂಬ ಅನುಮಾನದ ಮೇಲೆ ಬಂಧಿಸಲಾಯಿತು. ಆದರೆ ಈ ಅಪರಾಧಗಳಿಗೂ ಮತ್ತು ಆತನಿಗೂ ಯಾವುದೇ ಸಂಬಂಧವಿರಲಿಲ್ಲ.

 

1888 ಅಕ್ಟೋಬರ್‌ 2ರಂದು ವ್ಹೈಟ್ ಹಾಲ್ ನಲ್ಲಿರುವ ಹೊಸ ಮೆಟ್ರೊಪಾಲಿಟನ್‌ ಪೋಲಿಸ್‌ ಕೇಂದ್ರಕಛೇರಿಯ ಸರಹದ್ದಿನಲ್ಲಿ ದೊರೆತದ್ದನ್ನು ಇಲ್ಲಿ ಪ್ರದರ್ಶಿಸಲಾಯಿತು.ಕೈಗಳನ್ನು ಕತ್ತರಿಸಿದ ಮುಂಡವು ಕಂಡುಬಂದಿರುವುದಕ್ಕಾಗಿ "ದಿ ವೈಟ್‌ಹಾಲ್‌ ಮಿಸ್ಟರಿ" ಎಂಬ ಪದ ಆಗ ಸೃಷ್ಟಿಯಾಯಿತು. ಈ ದೇಹಕ್ಕೆ ಸಂಬಂಧಿಸಿದ ಕೈಗಳು ಹಿಂದೆಯೆ ಪಿಂಲಿಕೊ ಬಳಿಯ ಥೇಮ್ಸ್‌ ನದಿಯಲ್ಲಿ ತೇಲುತ್ತಿರುವಾಗ, ಪತ್ತೆಯಾದವು. ಇದನ್ನು ಒಂದು ಕಾಲು, ಮುಂಡ ಸಿಕ್ಕ ಸ್ಥಳದಲ್ಲಿಯೆ ಹೂಳಿರುವುದು ಕಂಡುಬಂದಿತು. ದೇಹದ ಇತರ ಅಂಗಗಳಾದ ಕೈಕಾಲು ಮತ್ತು ತಲೆಯಭಾಗ ದೊರೆಯಲೇ ಇಲ್ಲ.ಇದರಿಂದಾಗಿ ಮೃತದೇಹ ಗುರುತಿಸಲಾಗಲಿಲ್ಲ. ಪಿನ್ಚಿನ್‌ ಸ್ಟ್ರೀಟ್‌ ಪ್ರಕರಣದಲ್ಲಿ ಕಾಲು ಮತ್ತು ತಲೆಭಾಗಗವನ್ನು ಕತ್ತರಿಸಲಾಗಿದ್ದು, ಕೈ ಕಾಣೆಯಾಗಿದ್ದು, ಇಲ್ಲಿನ ದೇಹ ಕತ್ತರಿಸಿ ಹತ್ಯೆ ಮಾಡಿದ ವಿಧಾನದಲ್ಲಿ ಸಾಮ್ಯತೆ ಇತ್ತು. ದಿ ವೈಟ್‌ಹಾಲ್‌ ಮಿಸ್ಟರಿ ಮತ್ತು ಪಿನ್ಚಿನ್‌ ಸ್ಟ್ರೀಟ್‌ ಪ್ರಕರಣಗಳು ಸರಣಿ ಕೊಲೆಗಳ ಭಾಗವಾಗಿರಬಹುದೆಂದು ಪರಿಗಣಿಸಲಾಯಿತು. "ಥೇಮ್ಸ್‌ ಮಿಸ್ಟರಿ" ಅಥವಾ "ಇಂಬ್ಯಾಂಕ್‌ಮೆಂಟ್‌ ಮರ್ಡರ್ಸ್‌" ಎಂದು ಕರೆಯುವ ಈ ಕೊಲೆಗಳನ್ನು ಈ ಹಿಂದೆ "ಮುಂಡ ಕೊಲೆಗಾರ"ನನ್ನು ಅನುಕರಿಸುವ ಏಕೈಕ ಸರಣಿ ಕೊಲೆಗಾರನು ಮಾಡಿದ್ದಾನೆ. ಒಂದೇ ಪ್ರದೇಶದಲ್ಲಿರುವ ಜ್ಯಾಕ್‌ ದಿ ರಿಪ್ಪರ್‌ ಮತ್ತು "ಮುಂಡ ಕತ್ತರಿಸಿ ಹತ್ಯೆಗೈಯುವ ಕೊಲೆಗಾರ" ಒಬ್ಬನೇ ವ್ಯಕ್ತಿಯೇ ಅಥವಾ ಪ್ರತ್ಯೇಕ ಸರಣಿ ಕೊಲೆಗಾರರೇ ಎನ್ನುವುದು ಚರ್ಚೆಯ ವಿಷಯವಾಗಿತ್ತು. ಮುಂಡ ಕತ್ತರಿಸಿದ ಕೊಲೆಗಾರನ ಕಾರ್ಯವಿಧಾನ ವು ರಿಪ್ಪರ್‌ನ ಕಾರ್ಯವಿಧಾನಕ್ಕಿಂತ ಭಿನ್ನವಾಗಿರುವುದರಿಂದ, ಆ ಸಮಯದಲ್ಲಿದ್ದ ಪೋಲಿಸ್‌ರು ಇವರಿಬ್ಬರ ಮಧ್ಯೆ ಯಾವುದೇ ಸಂಬಂಧ ಕಲ್ಪಿಸಲಿಲ್ಲ. ವೇಶ್ಯೆಯಾಗಿದ್ದ ಎಲಿಜಬೆಥ್‌ ಜಾಕ್ಸನ್‌ಳ ದೇಹದ ವಿವಿಧ ಭಾಗಗಳು 1889ರ ಮೇ 31 ಮತ್ತು ಜೂನ್ 25ರ ಅವಧಿಯಲ್ಲಿ ಥೇಮ್ಸ್‌ ನದಿಯಿಂದ ಸಂಗ್ರಹಿಸಲಾಗಿತ್ತು. ಇದು "ಮುಂಡದ ಕೊಲೆಗಾರ"ನು ಮಾಡಿದ ಇನ್ನೊಂದು ಕೊಲೆಯಾಗಿರಬಹುದು. 1888ರ ಡಿಸೆಂಬರ್‌ 29ರಂದು ಏಳು ವರ್ಷದ ಜಾನ್‌ ಗಿಲ್‌ ಬ್ರಾಡ್‌ಫೋರ್ಡ್‌ನ ಮನ್ನಿಂಗಾಮ್‌ನಲ್ಲಿ ಕೊಲೆಯಾಗಿದ್ದನು. ಅವನ ಕಾಲುಗಳನ್ನು ಕತ್ತರಿಸಲಾಗಿತ್ತು, ಅವನ ಹೊಟ್ಟೆಯನ್ನು ಸಿಗಿದು,ವಿಕಾರವಾಗಿ ತೆರೆದಿಡಲಾಗಿತ್ತು, ಅವನ ಕರುಳನ್ನು ಬಗೆಯಲಾಗಿತ್ತು ಮತ್ತು ಅವನ ಹೃದಯ ಮತ್ತು ಒಂದು ಕಿವಿಯನ್ನು ತೆಗೆಯಲಾಗಿತ್ತು. ಈ ಕೊಲೆಗೂ ಮತ್ತು ಮೇರಿ ಕೆಲ್ಲಿ ಕೊಲೆಗಿರುವ ಸಾಮ್ಯತೆಯಿಂದಾಗಿ, ರಿಪ್ಪರ್‌ ಆ ಬಾಲಕನನ್ನು ಕೊಂದಿದ್ದಾನೆ ಎಂದು ಮಾಧ್ಯಮಗಳು ಊಹಿಸಿದವು. ಕೊಲೆಗೆ ಸಂಬಂಧಿಸಿದಂತೆ ಬಾಲಕನ ಯಜಮಾನ, ಹಾಲು ವಿತರಕ ವಿಲಿಯಂ ಬ್ಯಾರೆಟ್‌ನನ್ನು ಎರಡು ಬಾರಿ ಬಂಧಿಸಲಾಗಿತ್ತು. ಆದರೆ ನಂತರ ಬಿಡುಗಡೆ ಮಾಡಲಾಯಿತು. ಈ ಕುರಿತು ಯಾರ ಮೇಲೂ ಕಾನೂನು ಕ್ರಮ ಕೈಗೊಂಡಿಲ್ಲ. 1891 ಏಪ್ರಿಲ್‌ 24ರಂದು ಮ್ಯಾನ್ ಹಾಟ್ಟನ್‌ನಲ್ಲಿ ಕರ್ರಿ ಬ್ರೌನ್‌ಳನ್ನು ("ಶೇಕ್ಸ್‌ಪೀಯರ್‌" ಎಂಬ ಅಡ್ಡಹೆಸರಿನ, ಶೇಕ್ಸ್‌ಪೀಯರ್‌ನ ಸಾನೆಟ್ಟುಗಳನ್ನು ಉಲ್ಲೇಖಿಸುವುದಕ್ಕಾಗಿ ಈ ಹೆಸರನ್ನು ಇಡಲಾಗಿದೆ) ಬಟ್ಟೆಯಿಂದ ಉಸಿರುಗಟ್ಟಿಸಿ ಕುತ್ತಿಗೆ ಹಿಸುಕಿ ಸಾಯಿಸಿ, ನಂತರ ಚೂರಿಯಿಂದ ಇರಿಯಲಾಗಿತ್ತು. ಅವಳ ತೊಡೆಯ ಮಧ್ಯೆ ಭಾಗದಲ್ಲಿ ಭೀಕರ ಪ್ರಮಾಣದಲ್ಲಿ ಸಿಗಿದಿದ್ದು ಕಂಡುಬಂದಿತು. ಅದೂ ಅಲ್ಲದೇ ಅವಳ ಕಾಲು ಮತ್ತು ಬೆನ್ನಿನ ಮೇಲ್ಮೈಭಾಗವನ್ನು ಕತ್ತರಿಸಲಾಗಿತ್ತು. ಈ ಪ್ರಕರಣದಲ್ಲಿ ಯಾವುದೇ ಅಂಗಗಳನ್ನು ತೆಗೆದು ಹಾಕಿರಲಿಲ್ಲ. ಆದರೂ ಅಂಡಾಶಯವನ್ನು ಉದ್ದೇಶಪೂರ್ವಕವಾಗಿ ತೆಗೆದುಹಾಕಲಾಗಿದೆಯೇ ಅಥವಾ ಆಕಸ್ಮಿಕವಾಗಿ ಹಾಸಿಗೆಯ ಮೇಲೆ ಬಿದ್ದಿರಬಹುದೇ ಎನ್ನುವುದು ಸ್ಪಷ್ಟವಾಗಿಲ್ಲ. ಆ ಸಮಯದಲ್ಲಿ, ಮೆಟ್ರೊಪಾಲಿಟನ್‌ ಪೋಲಿಸರು ವೈಟ್‌ಚ್ಯಾಪಲ್‌ನಲ್ಲಿ ಆಗಿರುವ ಕೊಲೆಗಳಿಗೆ ಇದರ ಸಂಬಂಧ ಕಲ್ಪಿಸಲು ಸಾಧ್ಯವಾಗಲಿಲ್ಲ.

 

ವೈಟ್‌ಚ್ಯಾಪಲ್‌ ಕೊಲೆಗಳ ಕುರಿತು ಈಗಲೂ ಉಳಿದಿರುವ ಪೋಲಿಸ್‌ ಕಡತಗಳು ವಿಕ್ಟೋರಿಯಾ ಕಾಲದಲ್ಲಿ ನಡೆದ ದುರಂತಗಳ ತನಿಖಾ ವಿವರವನ್ನು ನೀಡುವವು. ಪೋಲಿಸರ ದೊಡ್ಡ ತಂಡವೊಂದು ವೈಟ್‌ಚ್ಯಾಪಲ್‌ನಾದ್ಯಂತ ಮನೆ ಮನೆಗೆ ತೆರಳಿ,ಅಲೆದು ತನಿಖೆ ನಡೆಸಿತ್ತು. ವಿಧಿವಿಜ್ಞಾನದಲ್ಲಿ ಕೈಬೆರಳಚ್ಚು ಪರೀಕ್ಷೆಗೆ ಬಳಸುವ ವಸ್ತುಗಳನ್ನು ಸಂಗ್ರಹಿಸಿ, ತಪಾಸಣೆಗೊಳಪಡಿಸಲಾಯಿತು. ಸಂಶಯಾಸ್ಪದ ವ್ಯಕ್ತಿಗಳನ್ನು ಗುರುತಿಸಿ, ಪತ್ತೆಹಚ್ಚಲಾಯಿತು. ಅವರನ್ನು ಹತ್ತಿರದಿಂದ ನಿಕಟವಾಗಿ ತಪಾಸಣೆಗೊಳಪಡಿಸಲಾಯಿತಲ್ಲದೇ ದಾಖಲೆ ದೊರಕದಿದ್ದವರನ್ನು ತನಿಖೆಯಿಂದ ಕೈಬಿಡಲಾಯಿತು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಸುಮಾರು 2000 ಜನರನ್ನು ಸಂದರ್ಶಿಸಲಾಯಿತು, "300ಗಿಂತ ಅಧಿಕ" ಜನರನ್ನು ತನಿಖೆಗೊಳಪಡಿಸಲಾಯಿತು. ಇದೇ ಸಂದರ್ಭದಲ್ಲಿ 80 ಜನರನ್ನು ಬಂಧಿಸಲಾಯಿತು. ಇಂದಿಗೂ ಪೋಲಿಸರ ಕಾರ್ಯವು ಅದೇ ಮಾದರಿಯನ್ನು ಅನುಸರಿಸುತ್ತಿದೆ. ಡಿಟೆಕ್ಟೀವ್‌ ಇನ್‌ಸ್ಪೆಕ್ಟರ್‌ ಎಡ್ಮಂಡ್‌ ರೈಡ್‌ ಮುಖ್ಯಸ್ಥರಾಗಿರುವ ಮೆಟ್ರೊಪಾಲಿಟನ್‌ ಪೋಲಿಸ್‌ ವೈಟ್‌ಚ್ಯಾಪಲ್‌ (H) ವಿಭಾಗವು ಕ್ರಿಮಿನಲ್‌ ಇನ್ವೇಸ್ಟಿಗೇಶನ್‌ ಡಿಪಾರ್ಟ್‌ಮೆಂಟ್‌ (CID)ನೊಂದಿಗೂಡಿ ತನಿಖೆ ಪ್ರಾರಂಭಿಸಿತು. ನಿಕೋಲ್ಸ್‌ನ ಕೊಲೆಯ ನಂತರ, ಡಿಟೆಕ್ಟೀವ್‌ ಇನ್‌ಸ್ಪೆಕ್ಟರ್‌ಗಳಾದ ಫ್ರೆಡೆರಿಕ್‌ ಅಬ್ಬರ್‌ಲೈನ್‌, ಹೆನ್ರಿ ಮೂರೆ, ಮತ್ತು ವಾಲ್ಟರ್‌ ಅಂಡ್ರೋಸ್‌ರನ್ನು ತನಿಖೆಗೆ ಸಹಾಯ ಮಾಡುವುದಕ್ಕಾಗಿ ಸ್ಕಾಟ್ಲೆಂಡ್‌ ಯಾರ್ಡ್‌ನಲ್ಲಿರುವ ಕೇಂದ್ರ ಕಛೇರಿಗೆ ಕಳುಹಿಸಲಾಯಿತು. ಸಿಟಿ ಆಫ್‌ ಲಂಡನ್‌ನಲ್ಲಿ ಸಂಭವಿಸಿದ ಎಡೋವ್ಸ್‌ ಕೊಲೆಪ್ರಕರಣದ ನಂತರ, ಡಿಟೆಕ್ಟೀವ್‌ ಇನ್‌ಸ್ಪೆಕ್ಟರ್‌ ಜೇಮ್ಸ್‌ ಮ್ಯಾಕ್‌ವಿಲಿಯಂ ಅವರ ನೇತೃತ್ತ್ವದಲ್ಲಿ ಸಿಟಿ ಪೋಲಿಸ್‌ತಂಡ ತನಿಖೆಯಲ್ಲಿ ತೊಡಗಿತು. ಆದರೂ, ಚ್ಯಾಪ್‌ಮ್ಯಾನ್‌, ಸ್ಟ್ರೈಡ್‌ ಮತ್ತು ಎಡೋವ್ಸ್‌ ಕೊಲೆ ಪ್ರಕರಣದಲ್ಲಿ ಅಂದರೆ ಸೆಪ್ಟೆಂಬರ್ 7 ಮತ್ತು ಅಕ್ಟೋಬರ್‌ 6 ನಡುವಿನ ಅವಧಿಯಲ್ಲಿ ಸ್ವಿಜರ್ಲೆಂಡ್‌ನಲ್ಲಿದ್ದ ರಾಬರ್ಟ್‌ ಅಂಡರ್ಸನ್‌ರು ಹೊಸದಾಗಿ CID ಮುಖ್ಯಸ್ಥರಾಗಿ ನೇಮಕಗೊಂಡ ನಂತರ ಸಮಗ್ರ ಕೊಲೆ ತನಿಖೆಗೆ ಅಡಚಣೆಯಾಯಿತು. ಇದು ಸ್ಕಾಟ್ಲೆಂಡ್‌ ಯಾರ್ಡ್‌ನಿಂದ ತನಿಖೆಗೆ ಸಹಾಯಮಾಡಲು ಮುಖ್ಯ ಇನ್‌ಸ್ಪೆಕ್ಟರ್‌ ಡೊನಾಲ್ಡ್‌ ಸ್ವಾನ್ಸನ್‌ರ ನೇಮಕಕ್ಕೆ ಮೆಟ್ರೊಪಾಲಿಟನ್‌ ಪೋಲಿಸ್‌ ಕಮೀಷನರ್‌ ಆದ ಸರ್ ಚಾರ್ಲ್ಸ್‌ ವಾರನ್‌ಗೆ ಪ್ರೇರೆಪಿಸಿತು.

 

ಪೋಲಿಸ್‌ ಪ್ರಯತ್ನಗಳಿಂದ ಅಸಮಾಧಾನಗೊಂಡ ಲಂಡನ್‌ನ ಈಸ್ಟ್‌ ಎಂಡ್‌ನ ವೈಟ್‌ಚ್ಯಾಪಲ್‌ ವಿಜಿಲನ್ಸ್‌ ಕಮಿಟಿ ಎಂಬ ಹೆಸರಿನ ಸ್ವಯಂಸೇವಾ ಸಂಘದ, ಸದಸ್ಯರು ಸಂದೇಹಾಸ್ಪದ ವ್ಯಕ್ತಿಗಳನ್ನು ಕಂಡುಹಿಡಿಯಲು ರಸ್ತೆ-ರಸ್ತೆಗಳಲ್ಲಿ ಗಸ್ತು ತಿರುಗಿದರು, ಕೊಲೆಗಾರರ ಬಗ್ಗೆ ಮಾಹಿತಿ ನೀಡಿದವರಿಗೆ ಬಹುಮಾನ ನೀಡುವಂತೆ ಸರಕಾರಕ್ಕೆ ಕೋರಿಕೆ ಸಲ್ಲಿಸಿದರು. ಇದೇ ವೇಳೆಗೆ ಸ್ವತಂತ್ರವಾಗಿ ಸಾಕ್ಷಿಗಳನ್ನು ವಿಚಾರಿಸಲು ಖಾಸಗಿ ಪತ್ತೆದಾರರನ್ನು ನೇಮಿಸಲಾಯಿತು. 1888ರಲ್ಲಿ ಜಾರ್ಜ್‌ ಲಸ್ಕ್‌ರು ಸಮಿತಿಯ ನೇತೃತ್ವ ವಹಿಸಿದ್ದರು. ಈ ಹತ್ಯೆ ಪ್ರಕರಣಗಳಲ್ಲಿ ದೇಹವನ್ನು ಕತ್ತರಿಸುವ ಮಾದರಿಯಿಂದಾಗಿ ಮಾಂಸ ವ್ಯಾಪಾರಿ, ಆಹಾರಕ್ಕಾಗಿ ಪ್ರಾಣಿಗಳನ್ನು ಕಡಿಯುವವರು, ಶಸ್ತ್ರ ಚಿಕಿತ್ಸಕರು ಮತ್ತು ವೈದ್ಯರು ಈ ಕೃತ್ಯವೆಸಗಿರಬಹುದೆಂದು ಸಂದೇಹಿಸಲಾಗಿತ್ತು. ಸ್ಥಳೀಯ ಮಾಂಸವ್ಯಾಪಾರಿಗಳು ಮತ್ತು ಕಟುಕರನ್ನು ತನಿಖೆ ನಡೆಸಲಾಯಿತಾದರೂ, ಅವರೆಲ್ಲರೂ ನಿರಪರಾಧಿಗಳು,ಎಂದು ಸಿಟಿ ಪೋಲಿಸನ ಹಂಗಾಮಿ ಕಮೀಷನರ್‌ ಆಗಿದ್ದ ಮೇಜರ್‌ ಹೆನ್ರಿ ಸ್ಮಿತ್‌ರ ಟಿಪ್ಪಣಿಯಲ್ಲಿ ನಮೂದಿಸಲಾಗಿತ್ತು. 76 ಮಾಂಸವ್ಯಾಪಾರಿಗಳು ಮತ್ತು ಕಟುಕರನ್ನು ಪ್ರಶ್ನಿಸಲಾಗಿತ್ತು. ಇದಕ್ಕೂ ಮೊದಲು ಹಿಂದಿನ ಆರು ತಿಂಗಳಲ್ಲಿ ಅವರ ಸಿಬ್ಬಂದಿ ಬಗ್ಗೆ ತನಿಖೆ ನಡೆಸಲಾಯಿತು ಎನ್ನುವುದನ್ನು ಗೃಹ ಇಲಾಖೆ ಕಛೇರಿಗೆ ಇನ್‌ಸ್ಪೆಕ್ಟರ್‌ ಡೊನಾಲ್ಡ್‌ ಸ್ವಾನ್ಸನ್‌ರು ಕಳುಹಿಸಿದ ಪತ್ರವು ಖಚಿತಪಡಿಸುವುದು. ಲಂಡನ್‌ ಮತ್ತು ಯುರೋಪ್‌ನ ಪ್ರಧಾನ ಭೂಭಾಗದ ನಡುವೆ ಚಲಿಸುವ ಪಶುಸಾಗಾಣಿಕಾ ದೋಣಿಗಳಲ್ಲಿ ಒಂದರಲ್ಲಿನ ಮಾಂಸದ ವ್ಯಾಪಾರಿ ಅಥವಾ ದನದ ವ್ಯಾಪಾರಿ ಇಲ್ಲವೆ ದನಗಾಹಿಯಾಗಿರುವ ಅಪರಾಧಿಯು ಈ ರೀತಿಯ ಕೊಲೆಗಳನ್ನು ಮಾಡುತ್ತಿರಬಹುದೆಂದು ಕ್ವೀನ್‌ ವಿಕ್ಟೋರಿಯಾ ಸೇರಿದಂತೆ ಆ ಸಮಯದಲ್ಲಿದ್ದ ಕೆಲವು ವಿಶ್ಲೇಷಕರು ಭಾವಿಸಿದ್ದರು. ಲಂಡನ್‌ ಬಂದರುಗಳಿಗೆ ವೈಟ್‌ಚ್ಯಾಪಲ್‌ ಹತ್ತಿರದಲ್ಲಿತ್ತು. ಸಾಮಾನ್ಯವಾಗಿ ಅಂತಹ ದೋಣಿಗಳು ಗುರುವಾರ ಅಥವಾ ಶುಕ್ರವಾರ ಬಂದು, ಶನಿವಾರ ಅಥವಾ ಭಾನುವಾರ ವಾಪಸಾಗುತ್ತಿದ್ದವು. ದನಕರುಗಳನ್ನು ಹೊತ್ತೊಯ್ಯುವ ದೋಣಿಗಳನ್ನು ಪರೀಕ್ಷಿಸಲಾಯಿತು. ಆದರೆ ಕೊಲೆಗಳು ನಡೆದ ದಿನದಂದು ಯಾವುದೇ ದೋಣಿಗಳು ಸಂಚರಿಸಿರಲಿಲ್ಲ. ದೋಣಿಗಳ ನಡೆಸುವವರು ಅಥವಾ ಅಂಬಿಗರ ಅತ್ತಿಂದಿತ್ತ ಸ್ಥಳಾಂತರವೂ ಆಗಿರಲಿಲ್ಲ.

ಅಪರಾಧಿ ಹಿನ್ನಲೆಯ ವ್ಯಕ್ತಿಚಿತ್ರ

ಅಕ್ಟೋಬರ್‌ರ ಅಂತ್ಯದ ವೇಳೆಗೆ, ಲಂಡನ್‌ CIDಯ ಮುಖ್ಯಸ್ಥ ರಾಬರ್ಟ್‌ ಅಂಡರ್ಸನ್‌ರು, ಶಸ್ತ್ರ ಚಿಕಿತ್ಸಾ ಕೌಶಲ್ಯ ಮತ್ತು ಮಾಹಿತಿ ಬಗ್ಗೆ ಗೊತ್ತಿರುವ, ಪೋಲಿಸ್‌ ವಿಭಾದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಶಸ್ತ್ರ ಚಿಕಿತ್ಸಕ ಥಾಮಸ್‌ ಬಾಂಡ್‌ರ ಅಭಿಪ್ರಾಯ ಕೇಳಿದ್ದರು. "ವೈಟ್‌ಚ್ಯಾಪಲ್‌ ಕೊಲೆಗಾರನ" ಲಕ್ಷಣವು ಮೊದಲ ಅಪರಾಧಿ ವ್ಯಕ್ತಿಚಿತ್ರಣವಾಗಿದೆ ಎಂದು ಬಾಂಡ್‌ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು. ಬಾಂಡ್‌ರ ಈ ಸ್ವಯಂ ನಿರ್ಧಾರವು ದೇಹದ ಭಾಗಗಳನ್ನು ಕತ್ತರಿಸಿ ಹಾಕಿ ಕೊಲೆಗೈದ ಪ್ರಕರಣಗಳ ಪರೀಕ್ಷೆ ಮತ್ತು ನಾಲ್ಕು ಹಿಂದಿನ ಕನಾನಿಕಲ್‌ ಕೊಲೆಗಳ ಶವ ಪರೀಕ್ಷೆಯ ವರದಿಗಳನ್ನು ಆಧರಿಸಿತ್ತು. ಅವರು ತಮ್ಮ ಅಭಿಪ್ರಾಯವನ್ನು ಹೀಗೆ ಬರೆದಿದ್ದಾರೆ:

All five murders no doubt were committed by the same hand. In the first four the throats appear to have been cut from left to right, in the last case owing to the extensive mutilation it is impossible to say in what direction the fatal cut was made, but arterial blood was found on the wall in splashes close to where the woman's head must have been lying.
All the circumstances surrounding the murders lead me to form the opinion that the women must have been lying down when murdered and in every case the throat was first cut.

ವೈಜ್ಞಾನಿಕ ಅಥವಾ ಅಂಗರಚನಾ ಶಾಸ್ತ್ರ ಅಥವಾ "ಮಾಂಸದವ್ಯಾಪಾರಿ ಅಥವಾ ಕುದುರೆ ಮಾಂಸ ಕತ್ತರಿಸುವ ಕಟುಕರ ಸಾಂಪ್ರದಾಯಕ ತಾಂತ್ರಿಕ ಜ್ಞಾನ" ಕೊಲೆಗಾರನಿಗಿದೆ ಎಂಬುದನ್ನು ಬಾಂಡ್‌ರವರು ತೀವ್ರವಾಗಿ ವಿರೋಧಿಸುತ್ತಾರೆ. ಅವರ ಅಭಿಪ್ರಾಯದಂತೆ, ಕೊಲೆಗಾರ ಏಕಾಂತ ಬಯಸುವ ವ್ಯಕ್ತಿಯಾಗಿದ್ದು, "ನರಹತ್ಯೆ ಮತ್ತು ಕಾಮುಕ ಗೀಳನ್ನು ಹೊಂದಿದ್ದಾನೆ". ಆತನ "ಅತಿಕಾಮುಕತೆ" ಪ್ರವೃತ್ತಿಯಿಂದಾಗಿ ಅವನು ಕೊಲೆಗೀಡಾಗುವ ವ್ಯಕ್ತಿಯ ಅಂಗಗಳನ್ನು ಸಿಗಿದು ಹಾಕುವನು. ಹಾಗೆಯೇ ಬಾಂಡ್‌ ಈ ರೀತಿ ಕೂಡ ಅಭಿಪ್ರಾಯಪಟ್ಟಿದ್ದಾರೆ, "ನರಹತ್ಯೆಯ ಪ್ರಚೋದನೆಯು ಮನಸ್ಸಿನ ಪ್ರತೀಕಾರ ಮತ್ತು ಚಿಂತಾಮಗ್ನ ಸ್ಥಿತಿಯಿಂದ ಉಂಟಾಗುವುದು ಅಥವಾ ಧಾರ್ಮಿಕ ಅಂಧವಿಶ್ವಾಸವು ಮೂಲ ರೋಗವಾಗಿರಬಹುದು. ಆದರೆ ನಾನು ಈ ಊಹೆಗಳನ್ನು ಸರಿ ಎಂದು ಹೇಳುವುದಿಲ್ಲ". ಯಾವುದೇ ಕೊಲೆಯಾದ ವ್ಯಕ್ತಿಯೊಂದಿಗೆ ಅತ್ಯಾಚಾರ ನಡೆಸಿದ ಸಾಕ್ಷಿಗಳಿಲ್ಲದಿರುವಾಗ, ಚೂರಿಯಿಂದ ಇರಿಯುವ ಮೂಲಕ ಮತ್ತು "ಗಾಯಗಳೊಂದಿಗೆ ಲೈಂಗಿಕವಾಗಿ ಕುರೂಪಗೊಳಿಸಿದ ಸ್ಥಿತಿಯಲ್ಲಿ ದೇಹಗಳನ್ನು ಬಿಟ್ಟುಹೋಗುವುದರಿಂದ" ಕೊಲೆಗಾರ ಕೇವಲ ಪ್ರದರ್ಶನದ ಲೈಂಗಿಕ ಸುಖಕ್ಕಾಗಿ ಅಪರಾಧ ಎಸಗುವ ಪ್ರವೃತ್ತಿಯವನಾಗಿದ್ದಾನೆ ಎಂದು ಮನೋವಿಜ್ಞಾನಿಗಳು ಅಭಿಪ್ರಾಯ ಪಟ್ಟಿದ್ದಾರೆ. ಈ ಅಭಿಪ್ರಾಯವನ್ನು ಒಂದು ಊಹೆಯಂತೆ ಇತರರು ತಳ್ಳಿಹಾಕಿದರು. ಆಧುನಿಕ ದಿನಗಳ ಸರಣಿ ಕೊಲೆಗಾರರ ಉದ್ದೇಶಗಳು ಮತ್ತು ಚಟುವಟಿಕೆಗಳೊಂದಿಗೆ ಹೋಲಿಸಿದಾಗ, ವೇಶ್ಯೆಯರ ಮೇಲೆ ದಾಳಿಮಾಡುವಂತೆ ಆದೇಶಿಸುವ ಕಾಲ್ಪನಿಕ ಧ್ವನಿ ಕೇಳಿ, ಅವರ ಮೇಲೆ ದಾಳಿ ಮಾಡುತ್ತಿದ್ದ "ಯಾರ್ಕ್‌ಶೈರ್‌ ರಿಪ್ಪರ್‌" ಪೀಟರ್‌ ಸುಕ್ಲಿಫ್ಫೆನಂತೆಯೆ ರಿಪ್ಪರ್‌ ಕೂಡ ಬುದ್ದಿಕೆಟ್ಟ ಛಿದ್ರಮನಸ್ಕನಾಗಿರಬಹುದೆಂದು ಎಂದು ಭಾವಿಸಲಾಗಿದೆ.

 

ವಾರಾಂತ್ಯದಲ್ಲಿ, ಮತ್ತಿತರ ಕೆಲವೇ ಕೆಲವು ನಿಗದಿತ ಬೀದಿ-ರಸ್ತೆಗಳಲ್ಲಿ ಕೊಲೆಯಾಗುತ್ತಿರುವುದನ್ನು ಗಮನಿಸಿದರೆ, ರಿಪ್ಪರ್‌ ಉಳಿದ ದಿನಗಳಲ್ಲಿ ಬೇರೆ ಕಾಯಕಕ್ಕೆ ಹೋಗುತ್ತಿದ್ದು, ಅಲ್ಲದೇ ಸ್ಥಳೀಯ ನಿವಾಸಿಯೇ ಆಗಿರಬಹುದೆಂದು ಗೊತ್ತಾಗುತ್ತದೆ. ಇತರರ ಪ್ರಕಾರ, ಕೊಲೆಗಾರನು ಉನ್ನತ ಶಿಕ್ಷಣ ಪಡೆದ ಮೇಲ್ವರ್ಗದ ಕುಟುಂಬದವನಾಗಿದ್ದು, ವೈದ್ಯನಾಗಿರುವ ಸಾಧ್ಯತೆ ಇದೆ. ಅವನು ಹೆಚ್ಚು ಶ್ರೀಮಂತ ಪ್ರಾಂತ್ಯದಿಂದ ವೈಟ್‌ಚ್ಯಾಪಲ್‌ಗೆ ಬಂದವನಾಗಿದ್ದಾನೆಂದು ಸಾಮಾಜಿಕ ಗ್ರಹಿಕೆಯ ಮೇಲೆ ಊಹಿಸಲಾಗಿದೆ. ಕೊಲೆಗಾರನಿಗೆ ವೈದ್ಯಕೀಯ ವೃತ್ತಿಯ ಬಗ್ಗೆ ಭಯ-ಭಕ್ತಿ ಇದ್ದು, ಆಧುನಿಕ ವಿಜ್ಞಾನ ಅಥವಾ ಶ್ರೀಮಂತರಿಂದ ಬಡವರ ಶೋಷಣೆಯ ಪ್ರವೃತ್ತಿಯನ್ನು ಆತ ರೋಷದಿಂದ ನೋಡಿರುವ ಸಾಧ್ಯತೆ ಇದೆ. ಲೇಖಕ ಸ್ಟೀಫನ್‌ ನೈಟ್‌ 1976ರಲ್ಲಿ ಬಿಡುಗಡೆಯಾದ ತನ್ನ ಪುಸ್ತಕದಲ್ಲಿರುವ ಶ್ರೀಮಂತ ವರ್ಗದ ವೈದ್ಯನನ್ನು ಒಳಗೊಂಡ ವಿವರವಾದ ಮಸಾನಿಕ್‌ ಸಂಚಿನ ಸಿದ್ಧಾಂತ ಪ್ರಚಾರ ಮಾಡಿದನುJack the Ripper: The Final Solution . ಆದರೆ ಹಲವು ಲೇಖಕರು ಈ ಸಿದ್ಧಾಂತ ಕಾಲ್ಪನಿಕವೆಂದು ತಳ್ಳಿಹಾಕಿದರು. ಪೋಲಿಸ್‌ ತನಿಖೆಯಲ್ಲಿ ಪರಿಗಣಿಸಲಾಗದ ಸಮಕಾಲೀನ ದಾಖಲೆಗಳು ಹಾಗೇಯೆ ಹಲವು ಪ್ರಸಿದ್ಧ ವ್ಯಕ್ತಿಗಳಿಂದ ಪ್ರಕರಣಕ್ಕೆ ಪರೋಕ್ಷ ಕಾರಣರಾದವರು ಸೇರಿದಂತೆ ಸಂಶಯಾಸ್ಪದ ವ್ಯಕ್ತಿಗಳನ್ನು, ಕೊಲೆಗಳು ನಡೆದು ವರ್ಷಗಳೇ ಕಳೆದ ಮೇಲೆ ಹೆಸರಿಸಲಾಯಿತು. ಕೊಲೆ ನಡೆಯುವ ಸಮಯದಲ್ಲಿ ಬದುಕಿದ್ದವರು, ಈಗ ಇರಲಿಲ್ಲ. ಆಧುನಿಕ ಲೇಖಕರು "ಯಾವುದೇ ಐತಿಹಾಸಿಕ ಸಾಕ್ಷಿಗಳಿಲ್ಲದೆ" ತಮಗೆ ಬೇಕಾದ ವ್ಯಕ್ತಿಚಿತ್ರಗಳನ್ನು ಸೃಷ್ಟಿಸಲು ಸ್ವಾತಂತ್ರ ಪಡೆದಿದ್ದರು. ಸರ್‌ ಮೆಲ್ವಿಲ್ಲೆ ಮ್ಯಾಕ್ನಾಗ್ಟನ್‌ರ 1894 ಪತ್ರದಲ್ಲಿರುವ ಮೂರು ಸಂಶಯಾಸ್ಪದ ವ್ಯಕ್ತಿಗಳು ಸೇರಿದಂತೆ ಪೋಲಿಸ್‌ ದಾಖಲೆಯು ಸಂಶಯಾಸ್ಪದ ಸಮಕಾಲೀನ ವ್ಯಕ್ತಿಗಳ ಹೆಸರನ್ನು ಒಳಗೊಂಡಿತ್ತು. ಆದರೆ ಅವರ ವಿರುದ್ಧದ ಸಾಕ್ಷಿಗಳು ಸಾಂದರ್ಭಿಕವಾಗಿ ಅತ್ಯುತ್ತಮವಾಗಿದ್ದವು. ಜ್ಯಾಕ್‌ ದಿ ರಿಪ್ಪರ್‌ನ ಗುರುತು ಮತ್ತು ವೃತ್ತಿಯ ಬಗ್ಗೆ ಹಲವು ವಿವಾದಗಳಿದ್ದರೂ, ಅಧಿಕಾರಿಗಳು ಯಾವುದೇ ಒಂದು ಪರಿಹಾರಕ್ಕೆ ಒಪ್ಪಿಗೆ ಸೂಚಿಸಿರಲಿಲ್ಲ. ಅಲ್ಲದೇ ಈ ತನಿಖೆಗೆ ಸಂಬಂಧಿಸಿದಂತೆ ಸಂಶಯಾಸ್ಪದ ವ್ಯಕ್ತಿಗಳ ಸಂಖ್ಯೆ ನೂರನ್ನು ತಲುಪಿತ್ತು.ಹ್

ರಿಪ್ಪರ್‌ ಕೊಲೆಗಳಾದ ನಂತರ, ಪೋಲಿಸ್‌ ಠಾಣೆಗಳು, ದಿನಪತ್ರಿಕೆಯ ಕಚೇರಿಗಳು ಮತ್ತು ಇತರ ಸಂಸ್ಥೆಗಳು ಪ್ರಕರಣದ ಕುರಿತು ನೂರಾರು ಅಹವಾಲು ಪತ್ರಗಳನ್ನು ಸ್ವೀಕರಿಸಿದವು. ಇಂತಹ ಮನವಿಗಳು ಕೆಲವು ಬಾರಿ ಸದುದ್ದೇಶದಿಂದ, ಕೊಲೆಗಾರನನ್ನು ಹಿಡಿಯುವ ಮಾರ್ಗವನ್ನು ಸೂಚಿಸುತ್ತಿದ್ದವು. ಆದರೆ ಹೆಚ್ಚಿನವುಗಳನ್ನು ನಿರುಪಯುಕ್ತ ಎಂದು ಭಾವಿಸಿ ನಿರ್ಲಕ್ಷಿಸಲಾಯಿತು. ನೂರಾರು ಪತ್ರಗಳನ್ನು ಕೊಲೆಗಾರನೇ ಸ್ವತಃ ಬರೆದಿರಬಹುದೆಂದು ಹೇಳಲಾಗಿತ್ತು, ಅವುಗಳಲ್ಲಿ ಎದ್ದುಕಾಣುವ ಮೂರು ಪ್ರಮುಖ ಒಕ್ಕಣಿಗಳೆಂದರೆ : "ಡಿಯರ್‌ ಬಾಸ್‌" ಪತ್ರ, "ಸೌಸಿ ಜ್ಯಾಕಿ" ಅಂಚೆಪತ್ರ ಮತ್ತು "ಫ್ರಮ್‌ ಹೆಲ್‌" ಪತ್ರ. "ಡಿಯರ್‌ ಬಾಸ್‌" ಎಂಬ ಪತ್ರವನ್ನು ಸೆಪ್ಟೆಂಬರ್ 25ರಂದು ಬರೆಯಲಾಗಿದ್ದು, ಅದಕ್ಕೆ 1888ರ ಸಪ್ಟೆಂಬರ್‌ 27ರ ಅಂಚೆಮುದ್ರೆ ಹಾಕಲಾಗಿತ್ತು. ಅದೇ ದಿನ ಸೆಂಟ್ರಲ್‌ ನ್ಯೂಸ್‌ ಏಜೆನ್ಸಿಅದನ್ನು ಪಡೆದುಕೊಂಡಿತ್ತು. ಅದನ್ನು ಸೆಪ್ಟೆಂಬರ್ 29ರಂದು ಮುಂದಕ್ಕೆ ಅಂದರೆ ಸ್ಕಾಟ್ಲೆಂಡ್‌ ಯಾರ್ಡ್‌ಗೆ ರವಾನಿಸಲಾಗಿತ್ತು. ಪ್ರಾರಂಭದಲ್ಲಿ, ಇದನ್ನು ತಮಾಷೆಗಾಗಿ ಮಾಡಿರಬಹುದೆಂದು ಪರಿಗಣಿಸಲಾಗಿತ್ತು, ಆದರೆ ಪತ್ರದ ಅಂಚೆಮುದ್ರೆ ಹಾಕಿದ ಮೂರು ದಿನಗಳ ನಂತರ, ಒಂದು ಕಿವಿ ಕತ್ತರಿಸಿದ ಸ್ಥಿತಿಯಲ್ಲಿ ಎಡೋವ್ಸ್‌ ಮೃತದೇಹ ದೊರೆತಾಗ, "(ಉದ್ದೇಶ ಪೂರ್ವಕವಾಗಿ ಹೇಳಿ ತಿಳಿಸಿದಂತೆ ) ಮಹಿಳೆಯ ಕಿವಿಗಳನ್ನು ಕತ್ತರಿಸು ಎಂದು" ಬರೆದಿದ್ದ ಪತ್ರವು ಗಮನ ಸೆಳೆಯಿತು. ಆದರೂ, ಕೊಲೆಗಾರನು ಉದ್ದೇಶ ಪೂರ್ವಕವಾಗಿ ಎಡೋವ್ಸ್‌ಳ ಕಿವಿಯನ್ನು ಕಚ್ಚಿ, ತುಂಡರಿಸಿರುವುದು ಕಂಡುಬಂದಿತು. ಆದರೆ ಪೋಲಿಸ್‌ ಠಾಣೆಗೆ ಕಿವಿಯನ್ನು ರವಾನಿಸುವುದಾಗಿ ಪತ್ರ ಬರೆದಿದ್ದವನ ಬೆದರಿಕೆ ಕಾರ್ಯಗತಗೊಳ್ಳಲಿಲ್ಲ. ಈ ಪತ್ರದಲ್ಲಿ "ಜ್ಯಾಕ್‌ ದಿ ರಿಪ್ಪರ್‌" ಎಂಬ ಹೆಸರಿನ ಸಹಿ ಬಳಸಲಾಗಿತ್ತು. ಇದು ಪ್ರಕಟಗೊಂಡ ನಂತರ ಈ ಹೆಸರು ಕುಖ್ಯಾತಿ ಪಡೆಯಿತು. ಅದರ ನಂತರದ ಹಲವು ಪತ್ರಗಳು ಇದೇ ಶೈಲಿಯನ್ನು ಅನುಸರಿಸಿದ್ದವು. 1888 ಸೆಪ್ಟೆಂಬರ್ 17ರಂದು ಬಂದ ಪತ್ರದಲ್ಲಿ, ಮೊದಲೇ ಜ್ಯಾಕ್‌ ದಿ ರಿಪ್ಪರ್‌ ಎಂಬ ಹೆಸರನ್ನು ಬಳಸಲಾಗಿತ್ತು. ಆದರೆ ಹಲವು ಪರಿಣತರು 20ನೇ ಶತಮಾನದಲ್ಲಿ ಪೋಲಿಸ್‌ ದಾಖಲೆಗಳಿಗೆ ಸೇರಿದ, ಕೊಲೆ ನಡೆದ ಬಹು ದಿನಗಳ ಕಾಲ ಪೋಲಿಸ್‌ ದಾಖಲೆಗಳಲ್ಲಿ ಸೇರಿದ್ದ ನಕಲಿ ದಾಖಲೆಯಾಗಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

 

1888 ಅಕ್ಟೋಬರ್‌ 1ರಂದು "ಸೌಸಿ ಜ್ಯಾಕಿ" ಅಂಚೆಕಾಗದಕ್ಕೆ ಅಂಚೆಮುದ್ರೆ ಹಾಕಲಾಗಿದ್ದು, ಅದೇ ದಿನ ಸೆಂಟ್ರಲ್‌ ನ್ಯೂಸ್‌ ಏಜೆನ್ಸಿಯು ಆ ಪತ್ರ ಪಡೆದುಕೊಂಡಿತು. ಇದರಲ್ಲಿನ ಕೈಬರಹ"ಡಿಯರ್‌ ಬಾಸ್‌" ಪತ್ರದ ಹಸ್ತಾಕ್ಷರಕ್ಕೆ ಹೋಲುತ್ತಿತ್ತು. "ಈ ಬಾರಿ ಜೋಡಿ ಕೊಲೆಗಳು" ಎಂದು ಪತ್ರದಲ್ಲಿ ನಮೂದಿಸಿದ ಸ್ವಲ್ಪ ಸಮಯದಲ್ಲಿಯೇ ಎರಡು ಕೊಲೆಗಳಾಗುವುದೆಂದು ಸೂಚಿಸಲಾಗಿತ್ತು. ಇದು ಸ್ಟ್ರೈಡ್‌ ಮತ್ತು ಎಡೋವ್ಸ್‌ರ ಕೊಲೆಗಳ ಬಗ್ಗೆ ಸೂಚಿಸುತ್ತಿತ್ತು ಎಂದು ತಿಳಿಯಲಾಗಿದೆ. ಈ ಕೊಲೆಗಳು ಸಾರ್ವಜನಿಕಗೊಳ್ಳುವ ಮೊದಲೇ ಪತ್ರವನ್ನು ಮೇಲ್‌ ಮಾಡಲಾಗಿದೆ ಎಂದು ವಾದಿಸಲಾಗುತ್ತದೆ. ವಿಚಿತ್ರ ವ್ಯಕ್ತಿಯೊಬ್ಬ ಅಪರಾಧ ಕುರಿತು ಮಾಹಿತಿ ನೀಡುತ್ತಿದ್ದಾನೆ ಎನ್ನುವ ಸಾಧ್ಯತೆಯನ್ನು ಸುಳ್ಳಾಗಿಸಿತು. ಆದರೆ ಪತ್ರಕ್ಕೆ ಅಂಚೆಮುದ್ರೆ ಹಾಕಿದ 24 ಗಂಟೆಗಳ ನಂತರ ಕೊಲೆ ಸಂಭವಿಸಿದೆ ಎಂದು ನಂತರ ಆ ಪ್ರದೇಶದಲ್ಲಿರುವ ಪತ್ರಿಕೋದ್ಯಮಿಗಳು ಮತ್ತು ನಿವಾಸಿಗಳಿಂದ ತಿಳಿದು ಬಂದಿತು.

 

ವೈಟ್‌ಚ್ಯಾಪಲ್‌ ವಿಜಿಲನ್ಸ್‌ ಕಮಿಟಿಯ ಜಾರ್ಜ್‌ ಲಸ್ಕ್‌ರಿಗೆ "ಫ್ರಮ್‌ ಹೆಲ್‌" ಪತ್ರವು 1888ರ ಅಕ್ಟೋಬರ್‌ 16ರಂದು ಬಂದಿತ್ತು. ಕೈಬರಹ ಮತ್ತು ಶೈಲಿಯ ಅಂಚೆಕಾಗದ "ಡಿಯರ್‌ ಬಾಸ್‌" ಪತ್ರದಂತಿರಲಿಲ್ಲ. ಪತ್ರದೊಂದಿಗೆ "ಮದ್ಯಸಾರದ ಸ್ಪಿರಿಟ್‌‍"ನಲ್ಲಿನ (ಎಥನಾಲ್‌)ನಿಂದ ಸಂರಕ್ಷಿಸಿಸಿದ ಮೂತ್ರಪಿಂಡದ ಅರ್ಧ ಭಾಗವುಳ್ಳ ಚಿಕ್ಕ ಪೆಟ್ಟಿಗೆ ಇರುವುದನ್ನು ಲಸ್ಕ್‌ ಗಮನಿಸಿದರು. ಇದು ಕೊಲೆಗಾರನು ಬಗೆದು ತೆಗೆದ ಎಡೋವ್ಸ್‌ಳ ಎಡ ಮೂತ್ರಪಿಂಡವಾಗಿತ್ತು. ಇನ್ನುಳಿದ ಮೂತ್ರಪಿಂಡದ ಅರ್ಧಭಾಗವನ್ನು "ಕರಿದು, ತಿಂದೆ" ಎಂದು ಪತ್ರದ ಬರಹಗಾರ ತಿಳಿಸಿದ್ದಾನೆ. ಆದರೆ ಮೂತ್ರಪಿಂಡ ಗುರುತಿಸುವಿಕೆ ಬಗ್ಗೆ ಭಿನ್ನಾಭಿಪ್ರಾಯಗಳಿದ್ದವು: ಕೆಲವರು ಅದು ಎಡೋವ್ಸ್‌ಳ ಮೂತ್ರಪಿಂಡವೆಂದು ಹೇಳಿದರೆ, ಇನ್ನೂ ಕೆಲವರು ಈ ವಿಷಯವು ಕರಾಳ ರಾಜಕೀಯ ಹಾಸ್ಯ ಎಂದು ವಾದಿಸುವರು. ಲಂಡನ್‌ ಹಾಸ್ಪಿಟಲ್‌ನ ಡಾ. ಥಾಮಸ್‌ ಒಪನ್‌ಶಾವ್‌ರವರು ಮೂತ್ರಪಿಂಡ ಪರೀಕ್ಷಿಸಿದರು. ಇದು ಮಾನವನ ಮೂತ್ರಪಿಂಡ ಮತ್ತು ಎಡಭಾಗದ್ದು ಎಂದಷ್ಟೆ ದೃಢಪಡಿಸಿದರು. ಆದರೆ (ದಿನಪತ್ರಿಕೆಗಳಲ್ಲಿ ತಪ್ಪಾಗಿ ಪ್ರಕಟಗೊಂಡ ವರದಿಗಳಿಗೆ ಪ್ರತಿಯಾಗಿ) ಅವರಿಗೆ ಮೂತ್ರಪಿಂಡವು ಯಾವ ಲಿಂಗ ಮತ್ತು ವಯಸ್ಸಿಗೆ ಸೇರಿದ್ದು ಎನ್ನುವುದನ್ನು ದೃಢಪಡಿಸಲಾಗಲಿಲ್ಲ. ಇದಾದ ನಂತರ ಒಪನ್‌ಶಾವ್‌ ರಿಗೆ "ಜ್ಯಾಕ್‌ ದಿ ರಿಪ್ಪರ್‌"ಎಂದು ಸಹಿಮಾಡಿದ ಪತ್ರಗಳು ಬಂದವು. ಯಾರೊಬ್ಬರಾದರೂ ಕೈಬರಹ ಗುರುತಿಸಬಹುದೆಂಬ ಪೊಳ್ಳು ವಿಶ್ವಾಸದೊಂದಿಗೆ ಅಕ್ಟೋಬರ್‌ರ ‌3ರಂದು ಸ್ಕಾಟ್ಲೆಂಡ್‌ ಯಾರ್ಡ್‌ನಲ್ಲಿ "ಡಿಯರ್‌ ಬಾಸ್‌" ಪತ್ರ ಮತ್ತು ಅಂಚೆಕಾಗದದ ಪ್ರತಿಯೊಂದನ್ನು ಪ್ರಕಟಿಸಲಾಗಿತ್ತು. ಗೋಡ್‌ಫ್ರೈ ಲಶಿಂಗ್ಟನ್‌ಗೆ ಬರೆದ ಪತ್ರದಲ್ಲಿ, ಶಾಶ್ವತ ಅಂಡರ್‌-ಸೆಕ್ರೆಟರಿ ಆಫ್‌ ಸ್ಟೇಟ್‌ ಫಾರ್‌ ದಿ ಹೋಮ್‌ ಡಿಪಾರ್ಟ್‌ಮೆಂಟ್‌ನ ಚಾರ್ಲ್ಸ್‌ ವಾರನ್‌ರವರು ಹೀಗೆ ವಿವರಿಸುವರು, "ನನ್ನ ಪ್ರಕಾರ ಇವೆಲ್ಲವೂ ಚೇಷ್ಟೆಗಾಗಿ ಹೆಣೆದ ಕಥೆಯಂತೆ ಕಾಣುತ್ತಿದೆ. ಆದರೆ ಏನಾದರೂ ಮಾಡಿ, ಆ ಪತ್ರದ ಬರಹಗಾರನನ್ನು ಕಂಡುಹಿಡಿಯುದು ನಮ್ಮ ಆದ್ಯ ಕರ್ತವ್ಯವಾಗಿದೆ ಮತ್ತು ಅದಕ್ಕಾಗಿ ಪ್ರಯತ್ನಿಸುತ್ತೇವೆ." 1888ರ ಅಕ್ಟೋಬರ್‌ 7ರ ಭಾನುವಾರದ ದಿನಪತ್ರಿಕೆ ರೆಫರಿ ಯಲ್ಲಿ "ದಿನಪತ್ರಿಕೆಗಳ ಪ್ರಸಾರವನ್ನು ಆಕಾಶದೆತ್ತರಕ್ಕೆ ಏರಿಸಲು," ಪತ್ರಿಕೋದ್ಯಮಿಯೊಬ್ಬರು ಈ ಪತ್ರ ಬರೆದಿದ್ದಾರೆ ಎಂದು ಜಾರ್ಜ್‌ R. ಸಿಮ್ಸ್‌ರು ಕಟುವಾಗಿ ಟೀಕಿಸಿದ್ದಾರೆ. "ಡಿಯರ್‌ ಬಾಸ್‌" ಪತ್ರ ಮತ್ತು ಅಂಚೆಕಾಗದ ಎರಡನ್ನು ಬರೆದವನು, ಒಬ್ಬ ನಿರ್ದಿಷ್ಟ ಪತ್ರಿಕೆಯ ಪತ್ರಿಕೋದ್ಯಮಿಯಾಗಿರುವುದನ್ನು ಪೋಲಿಸ್‌ ಅಧಿಕಾರಿಗಳು ಗುರುತಿಸಿ ಘೋಷಿಸಿದ್ದಾರೆ. 1913ರ ಸೆಪ್ಟೆಂಬರ್ 23ರದು ಮುಖ್ಯ ಇನ್‌ಸ್ಪೆಕ್ಟರ್‌ ಜಾನ್‌ ಜಾರ್ಜ್‌ ಲಿಟಲ್‌ಚೈಲ್ಡ್‌ರು ಜಾರ್ಜ್‌ R. ಸಿಮ್ಸ್‌ರಿಗೆ ಬರೆದ ಪತ್ರದಲ್ಲಿ, ಟಾಮ್‌ ಬುಲನ್‌ರನ್ನು ಆ ಪತ್ರಗಳನ್ನು ಬರೆದ ಪತ್ರಿಕೋದ್ಯಮಿಯೆಂದು ಗುರುತಿಸಿರುವುದಾಗಿ ತಿಳಿಸಿದ್ದಾರೆ. 1931ರಲ್ಲಿ "ತಮ್ಮವ್ಯಾಪಾರ-ವಹಿವಾಟನ್ನು (ಪತ್ರಿಕೆ ಪ್ರಸಾರ ಸಂಖ್ಯೆ) ಜೀವಂತಾಗಿಸಿ ಉಳಿಸಿಕೊಳ್ಳಲು" ಇಂತಹ ಪತ್ರಗಳಲ್ಲಿ ವಿವರ ಬರೆದು ಪ್ರಕಟಿಸಿರುವುದಾಗಿ ಫ್ರೆಡ್‌ ಬೆಸ್ಟ್‌ ಎನ್ನುವ ಪತ್ರಿಕೋದ್ಯಮಿ ಒಪ್ಪಿಕೊಂಡಿರುವುದಾಗಿ ವರದಿಯಾಗಿದೆ.

 

ರಿಪ್ಪರ್‌ ಕೊಲೆ ಪ್ರಕರಣಗಳು ಪತ್ರಿಕೋದ್ಯಮಿಗಳಿಗೆ ಅಪರಾಧದ ಸುದ್ದಿಗಳ ಉತ್ತಮ ಜಲಾನಯನವೆನಿಸಿತ್ತು.ಅವುರುಗಳಿಗೆ ಇದು ಒಂದು ಪರ್ವಕಾಲವಾಗಿತ್ತು. ಇದು ಮೊದಲ ಸರಣಿ ಕೊಲೆಗಾರ ಮಾತ್ರವಲ್ಲದೆ, ಜ್ಯಾಕ್‌ ದಿ ರಿಪ್ಪರ್‌ರ ಪ್ರಕರಣವು ವಿಶ್ವದಾದ್ಯಂತ ಮಾಧ್ಯಮದಲ್ಲಿ ಒಂದು ಭ್ರಮಾವೇಶವನ್ನು ಮೊದಲ ಬಾರಿಗೆ ಸೃಷ್ಟಿಸಲು ಕಾರಣವಾಯಿತು. 1850ರ ದಶಕದ ತೆರಿಗೆ ಸುಧಾರಣೆ-ತಿದ್ದುಪಡಿಯಿಂದಾಗಿ, ದಿನಪತ್ರಿಕೆಗಳ ಪ್ರಕಾಶನ-ಪ್ರಕಟನೆ ವೆಚ್ಚ ಅಗ್ಗವಾಗುವುದರೊಂದಿಗೆ, ಅವುಗಳ ಪ್ರಸಾರವೂ ಹೆಚ್ಚಾಯಿತು. ರಿಪ್ಪರ್‌ನ ಸುದ್ದಿಯಿಂದ ಹೆಚ್ಚು ಜನಪ್ರಿಯತೆ ಪಡೆದ ಇಲ್ಯುಸ್ಟೇಟೆಡ್‌ ಪೋಲಿಸ್‌ ನ್ಯೂಸ್‌ ನಂತಹ ಜನಪ್ರಿಯ ನಿಯತಕಾಲಿಕೆ ಸೇರಿದಂತೆ ಹಲವಾರು ಪತ್ರಿಕೆಗಳು ಅರ್ಧ ಪೆನ್ನಿಯಷ್ಟು ಅಗ್ಗವಾಗಿದ್ದವು.ಈ ಭಾರಿ ಸಂಖ್ಯೆಯ ದಿನಪತ್ರಿಕೆಗಳು ವಿಕ್ಟೋರಿಯಾ ಕಾಲದಲ್ಲಿ ನಾಯಿಕೊಡೆಗಳಂತೆ ಮೇಲೆದ್ದವು. ಸೆಪ್ಟೆಂಬರ್ ಮೊದಲ ಭಾಗದಲ್ಲಿ ನಿಕೋಲ್ಸ್‌ ಕೊಲೆ ನಂತರ, ಮ್ಯಾಂಚೆಸ್ಟರ್‌ ಗಾರ್ಡಿಯನ್‌ ಹೀಗೆ ವರದಿ ಮಾಡಿದೆ: "ಪೋಲಿಸರು ತಾವು ಸಂಗ್ರಹಿಸಿದ ಮಾಹಿತಿಯನ್ನು, ಅವರು ಆದಷ್ಟು ರಹಸ್ಯವಾಗಿರಿಸುವುದು ಅವರ ಕರ್ತವ್ಯವಾಗಿದೆ. 'ಲೆದರ್‌ ಏಪ್ರಾನ್‌' ಎನ್ನುವ ಕುಖ್ಯಾತ ಸ್ವರೂಪದ ಪತ್ತೆಯ ಕಡೆಗೆ ಪೋಲಿಸರು ಗಮನ ಕೇಂದ್ರಿಕರಿಸಿದ್ದಾರೆ ಎಂದು ಭಾವಿಸಲಾಗಿದೆ." CID ಸಾರ್ವಜನಿಕರಿಗೆ ತಮ್ಮ ತನಿಖೆಯ ವರದಿಗಳನ್ನು ಬಹಿರಂಗಪಡಿಸುವ ಇಚ್ಛೆಯನ್ನು ಹೊಂದಿಲ್ಲ, ಆದ್ದರಿಂದ ಪತ್ರಿಕೋದ್ಯಮಿಗಳಿಗೆ ಆಶಾಭಂಗವಾಯಿತು. ಹಾಗಾಗಿ ಅವರು ಪ್ರಶ್ನಾರ್ಹ ವರದಿಗಳ ತಯಾರಿಸುವುದಕ್ಕೆ ಪ್ರಾರಂಭಿಸಿದರು. "ಲೆದರ್‌ ಏಪ್ರಾನ್‌"ರ ಕಾಲ್ಪನಿಕ ವಿವರಣೆಯು ಮಾಧ್ಯಮಗಳಲ್ಲಿ ಪ್ರಕಟಗೊಂಡಿತು. ಆದರೆ ಪ್ರತಿಸ್ಪರ್ಧಿ ಪತ್ರಿಕೋದ್ಯಮಿಗಳು "ವರದಿಗಾರರ ಊಹೆಯ ವಿಪರೀತ ಬೆಳವಣಿಗೆ"ಯಂತೆ ಈ ವರದಿ ತಳ್ಳಿಹಾಕಿದರು. "ಲೆದರ್‌ ಏಪ್ರಾನ್‌" ಎಂಬ ಹೆಸರಿನಿಂದ ಕರೆಯಲಾಗುತ್ತಿದ್ದ, ಚರ್ಮದ ಚಪ್ಪಲಿ ತಯಾರಿಸುತ್ತಿದ್ದ ಸ್ಥಳೀಯ ಯಹೂದಿ ಜಾನ್‌ ಪಿಜರ್‌ನನ್ನು ಬಂಧಿಸಲಾಯಿತು. ಆದರೂ ಸಹ ತನಿಖೆ ನಡೆಸುತ್ತಿರುವ ಇನ್‌ಸ್ಪೆಕ್ಟರ್‌ "ಪ್ರಸ್ತುತ ಅವನ ವಿರುದ್ಧ ಯಾವುದೇ ಸಾಕ್ಷಾಧಾರಗಳಲಿಲ್ಲ" ಎಂದು ತಿಳಿಸಿದರು.{2/) ತಾನು ಅಪರಾಧ ನಡೆದಾಗ ಬೆರೆಡೆ ಇದ್ದೆ ಎಂಬ ಸಾಕ್ಷಿ-ಪುರಾವೆಗಳ ಹೇಳಿಕೆಗಳ ದೃಡೀಕರಣದ ನಂತರ, ಆತನನ್ನು ಬಿಡುಗಡೆ ರ್ಮಾಡಲಾಯಿತು. "ಡಿಯರ್‌ ಬಾಸ್‌" ಪತ್ರವನ್ನು ಪ್ರಕಟಿಸಿದ ನಂತರ, ಕೊಲೆಗಾರನನ್ನು ಸೂಚಿಸಲು ಮಾಧ್ಯಮ ಮತ್ತು ಸಾರ್ವಜನಿಕರು ಅಂಗೀಕರಿಸಿದ ಹೆಸರಾಗಿ "ಜ್ಯಾಕ್‌ ದಿ ರಿಪ್ಪರ್‌" ಸ್ಥಾನವನ್ನು "ಲೆದರ್‌ ಏಪ್ರಾನ್‌" ಆಕ್ರಮಿಸಿಕೊಂಡಿತು. "ಜ್ಯಾಕ್‌" ಎಂಬ ಹೆಸರನ್ನು ಈಗಾಗಲೇ ಪುರಾಣ ಪ್ರಸಿದ್ಧ ಲಂಡನ್‌ ದಾಳಿಕೋರನನ್ನು ಸೂಚಿಸಲು ಬಳಸಲಾಗಿತ್ತು: ತಾನು ಕೊಲೆ ಮಾಡಬೇಕೆಂದವರ ಮೇಲೆ ದಾಳಿ ಮಾಡಲು, ಗೋಡೆಗಳ ಮೇಲಿಂದ ಜಿಗಿಯುವ "ಸ್ಪ್ರಿಂಗ್‌-ಹೀಲ್ಡ್‌ ಜ್ಯಾಕ್‌",ಎಂಬಾತ ತಾನು ಬಂದಷ್ಟೇ ವೇಗದಲ್ಲಿ ಹೊರಟು ಹೋಗುವನು. ಆಕ್ಸಿಮ್ಯಾನ್‌ ಆಫ್‌ ನ್ಯೂ ಒರ್ಲೆಯನ್ಸ್‌, ಬಸ್ಟನ್‌ ಸ್ಟ್ರೇಂಗ್ಲರ್‌ ಮತ್ತು ಬೆಲ್ಟ್‌‌ವೇ ಸ್ನಿಪರ್‌ನಂತಹ ಉದಾಹರಣೆಗಳೊಂದಿಗೆ ನಿರ್ದಿಷ್ಟ ಕೊಲೆಗಾರನಿಗೆ ಅಡ್ಡಹೆಸರು ಅಥವಾ ಉಪನಾಮ ಕೊಡುವುದು ಮತ್ತು ಅದನ್ನು ಅಳವಡಿಸಿಕೊಳ್ಳುವುದು ಆಗ ಮಾಧ್ಯಮದ ಸಾಮಾನ್ಯ ಅಭ್ಯಾಸವಾಗಿತ್ತು. ಜ್ಯಾಕ್‌ ದಿ ರಿಪ್ಪರ್‌ ಎಂಬ ಹೆಸರಿನಿಂದ ಹುಟ್ಟಿದ ಹೆಸರುಗಳಲ್ಲಿ ಫ್ರೆಂಚ್‌ ರಿಪ್ಪರ್‌, ಡಸೆಲ್ಡೊರ್ಫ್‌ ರಿಪ್ಪರ್‌, ಕ್ಯಾಮ್ಡೆನ್‌ ರಿಪ್ಪರ್‌, ಜ್ಯಾಕ್‌ ದಿ ಸ್ಟ್ರೀಪ್ಪರ್‌, ಯಾರ್ಕ್‌ಶೈರ್‌ ರಿಪ್ಪರ್‌ ಮತ್ತು ರೋಸ್ಟೊವ್‌ ರಿಪ್ಪರ್‌. ಭಾವೋದ್ರೇಕಗೊಳಿಸುವ ಮಾಧ್ಯಮ ವರದಿಗಳು, ಕೊಲೆಗಳಿಗೆ ಸಂಬಂಧಿಸಿದಂತೆ ಯಾರನ್ನು ಈವರೆಗೂ ಶಿಕ್ಷೆಗೆ ಒಳಪಡಿಸಿಲ್ಲ ಎಂಬುದನ್ನು ಅವುಗಳು ಸ್ಪಷ್ಟಪಡಿಸಿವೆ. ಈ ಕೊಲೆ ಪ್ರಕರಣಗಳಲ್ಲಿ ಬಂಧಿಸದಿರುವದಕ್ಕೆ ಪುರಾವೆರಹಿತದ ವಿಷಯಗಳನ್ನು ಪ್ರಕಟಿಸಿವೆ ಎನ್ನಲಾಗಿದೆ. ಇದರಿಂದಾಗಿ ಪರಿಣತರ ವಿಶ್ಲೇಷಣೆಗೆ ಅಡಚಣೆಯನ್ನುಂಟು ಮಾಡುತ್ತದೆ.ಇದು ನಂತರದ ಸರಣಿ ಕೊಲೆಗಾರರಿಗೆ ದಂತಕಥೆಯಂತಿರುವುದು.

 

ನಿಜವಾದ ಕೊಲೆಗಾರನನ್ನು ಹುಡುಕಲು, ಕೊಲೆಗೆ ಸಂಬಂಧಿಸಿದಂತೆ ಸಮಕಾಲೀನ ವಿಧಿವಿಜ್ಞಾನದ ಪುರಾವೆ ಮತ್ತು ವಿಶ್ವಾಸಾಹ್ರತೆ ಇಲ್ಲವೆ ಬದುಕುಳಿದಿರುವ ಪ್ರಮುಖ ಸಾಕ್ಷಿಯ ಕೊರತೆಯಿಂದಾಗಿ ಪ್ರಕರಣಗಳ ವಿಚಾರಣೆಗೆ ಅಡ್ಡಿಯುಂಟಾಯಿತು. ಅಸ್ತಿತ್ವದಲ್ಲಿರುವ ಪತ್ರಗಳ ಮೂಲಕ ಮಾಡಿದ DNA ವಿಶ್ಲೇಷಣೆ ವರದಿಯು ಗೊಂದಲವಾಗಿದ್ದು; ಲಭ್ಯವಿರುವ ಸಾಕ್ಷಿ ವಸ್ತು-ಪ್ರಮಾಣಗಳನ್ನು ಹಲವು ಬಾರಿ ಬಳಸಲಾಗಿದೆ. ಇದರಿಂದಾಗಿ ಇದರ ಬಗ್ಗೆ ಸರಿಯಾದ ಫಲಿತಾಂಶ ನೀಡುವುದು ಕಷ್ಟಕರವಾಗಿದೆ. ಇಲ್ಲಿಯವರೆಗೆ ಜ್ಯಾಕ್‌ ದಿ ರಿಪ್ಪರ್‌ ಕೊಲೆಗಳ ವಿಷಯ ಕುರಿತು ವಿವಿಧ 150 ಬರಹಗಳು ಬೆಳಕು ಕಂಡಿವೆ.ಈಗ ಇನ್ನೂ ಹೆಚ್ಚು ನಿಖರವಾಗಿ ಬರೆಯಲಾಗುತ್ತಿದ್ದು, ಇದು ನೈಜ-ಅಪರಾಧದ ಬಗ್ಗೆ ಕೊಡುವ ವಿವರವನ್ನೇ ಹೆಚ್ಚು ಪ್ರಮಾಣದಲ್ಲಿ ನೀಡುವಲ್ಲಿ ಸಫಲವಾಗಿದೆ. ಸುಮಾರು 1976ರಲ್ಲಿ ವೃತ್ತಿಪರರು ಮತ್ತು ಹವ್ಯಾಸಿಗಳಿಗೆ ಪ್ರಕರಣದ ಕುರಿತು ವಿವರಿಸಲು ಕಾಲಿನ್‌ ವಿಲ್ಸನ್‌, "ರಿಪ್ಪರೊಲಜಿ" ಎಂಬ ಪದ ಬಳಕೆ ಮಾಡಿದರು. 1990ರ ದಶಕದ ಪೂರ್ವದಲ್ಲಿ ಜ್ಯಾಕ್‌ ದಿ ರಿಪ್ಪರ್‌ರ ಬಗ್ಗೆ ಆರು ನಿಯತಕಾಲಿಕೆಗಳನ್ನು ಪರಿಚಯಿಸಲಾಯಿತು: ರಿಪ್ಪರೇನಾ (1992–ಈವರೆಗೆ), ರಿಪ್ಪರೊಲೊಜಿಸ್ಟ್‌ (1994–ಈವರೆಗೆ, 2005ನಿಂದ ಎಲೆಕ್ಟ್ರಾನಿಕ್‌ ಸ್ವರೂಪ ಮಾತ್ರ), ವೈಟ್‌ಚ್ಯಾಪಲ್‌ ಜರ್ನಲ್‌ (1997–2000), ರಿಪ್ಪರ್‌ ನೋಟ್ಸ್‌ (1999–ಈವರೆಗೆ), ರಿಪ್ಪರೂ (2000–2003), ಮತ್ತು ದಿ ವೈಟ್‌ಚ್ಯಾಪಲ್‌ ಸೊಸೈಟಿ 1888 ಜರ್ನಲ್‌ (2005–ಈವರೆಗೆ). ಕೊಲೆಗಳು ನಡೆದ ರೀತಿಯಿಂದಾಗಿ, ಕೊಲೆಗಳು ಈಸ್ಟ್‌ ಎಂಡ್‌ನಲ್ಲಿರುವ ಬಡತನ ಜೀವನ ಶೈಲಿಯ ಕಡೆಗೆ ಬೆರಳು ಮಾಡಿ ತೋರಿದವು. ಜನನಿಬಿಡವಾಗುತ್ತಿದ್ದ ನೈರ್ಮಲ್ಯ ವಂಚಿತ ಕೊಳೆಗೇರಿಗಳ ವಿರುದ್ಧ ಸಾರ್ವಜನಿಕ ಅಭಿಪ್ರಾಯ ಸಂಗ್ರಹವೂ ಹಲವರನ್ನು ಬೆಚ್ಚು ಬೀಳಿಸಿತು. ಕೊಲೆನಡೆದ ಎರಡು ದಶಕಗಳ ನಂತರ, ಕೊಳೆಗೇರಿಗಳನ್ನು ತೆರವುಗೊಳಿಸಿ, ದ್ವಂಸಗೊಳಿಸಲಾಯಿತು. ಆದರೆ ರಸ್ತೆಗಳು ಮತ್ತು ಕಟ್ಟಡಗಳು ಹಾಗೆಯೇ ಉಳಿದುಕೊಂಡವು. ರಿಪ್ಪರ್‌ನ ದಂತಕಥೆಯು ಕೊಲೆ ಸ್ಥಳಗಳ ನಿರ್ದೇಶಿತ ಪ್ರವಾಸದಿಂದ ಪ್ರೋತ್ಸಾಹಿತವಾಗಿದೆ. ಕಮರ್ಷಿಯಲ್‌ ಸ್ಟ್ರೀಟ್‌ನಲ್ಲಿರುವ ದಿ ಟೆನ್‌ ಬೆಲ್ಸ್‌ ಸಾರ್ವಜನಿಕ ಭವನವು ಹಲವಾರು ಅಮಾಯಕ ಬಲಿಪಶುಗಳ ಸತತ ಭೇಟಿಗೆ ಕಾರಣ ಆಗುತ್ತಿತ್ತು. ಇದು ಹಲವಾರು ವರ್ಷಗಳಿಂದ ಇಂತಹ ಪ್ರವಾಸಗಳ ಕೇಂದ್ರ ಸ್ಥಾನವೂ ಆಗಿತ್ತು. ಜ್ಯಾಕ್‌ ದಿ ರಿಪ್ಪರ್‌ ನೂರಾರು ಕಾಲ್ಪನಿಕ ಕಥೆಗಳಿಗೆ ಕಥಾವಸ್ತುವಾಗಿದ್ದು, ಕಥೆಯಲ್ಲಿ ನೈಜ ಘಟನೆಯಾಗಿರುವ ರಿಪ್ಪರ್‌ ಪಾತ್ರಗಳು ಮತ್ತು ಕಾಲ್ಪನಿಕವಾಗಿ ಸೃಷ್ಟಿಯಾದ ಜ್ಯಾಕ್‌ ದಿ ರಿಪ್ಪರ್‌ನ ಕಾಲ್ಪನಿಕ ದಿನಚರಿ ಪುಸ್ತಕ ಸೇರಿದಂತೆ ನೈಜ ಮತ್ತು ಊಹೆಯ ವಸ್ತುಗಳೆರಡರಲ್ಲಿಯೂ ಆತನ ಕಥೆ ವ್ಯಾಪಿಸಿದೆ. ಕಾದಂಬರಿ, ಸಣ್ಣಕಥೆ, ಪದ್ಯ, ಹಾಸ್ಯ ಪುಸ್ತಕ, ಕ್ರೀಡೆ, ಹಾಡು, ನಾಟಕ, ಚಲನಚಿತ್ರಗಳಲ್ಲಿ, ಅಲ್ಲದೇ 1930ನೇ ದಶಕದ ಅಲ್ಬನ್‌ ಬರ್ಗ್‌ರವರ ಒಪೆರಾ (ಗೀತ ನಾಟಕ) ಲೂಲು ನಲ್ಲಿ ರಿಪ್ಪರ್‌ ಕಾಣಿಸಿಕೊಂಡನು. ಕೊಲೆಗಳ ನೇರ ಪರಿಣಾಮ ಮತ್ತು ನಂತರ, "ಜ್ಯಾಕ್‌ ದಿ ರಿಪ್ಪರ್‌ ಮಕ್ಕಳ ಹೆದರಿಸುವ ಪಿಶಾಚಿ ಮಾನವನಾಗುತ್ತಿದ್ದನು." ರಿಪ್ಪರ್‌ನ ಚಿತ್ರಣವು ಹೆಚ್ಚಾಗಿ ಕಾಲ್ಪನಿಕವಾಗಿರುವುದು ಮತ್ತು ಭಯಾನಕರವಾಗಿರುವುದು. 1920 ಮತ್ತು 1930ರ ದಶಕದ, ಚಲನಚಿತ್ರಗಳಲ್ಲಿ ರಿಪ್ಪರ್‌ನನ್ನು ಆತನ ಸಂಶಯರಹಿತ ಬಲಿಪಶುಗಳ ಕೊಲೆ ಬಗ್ಗೆ ರಹಸ್ಯವಾಗಿ ಯೋಜನೆ ರೂಪಿಸುವ, ಸಾಮಾನ್ಯ ಉಡುಪು ಧರಿಸಿದ ಪುರುಷನಂತೆ ತೋರಿಸಲಾಗಿದೆ. ಬೆಳಕಿನ ಸಂಯೋಜನೆ ಮತ್ತು ನೆರಳಿನ ಛಾಯೆಗಳ ಮೂಲಕ ಪರಿಸರ ಮತ್ತು ದುಷ್ಟಶಕ್ತಿಗಳ ಸೂಚಿಸುವ ಸನ್ನಿವೇಶ ಸೃಷ್ಟಿಸಲಾಗಿದೆ. 1960ರ ದಶಕದ ಹೊತ್ತಿಗೆ, ರಿಪ್ಪರ್‌ "ಎಂಬುದು ಲೂಟಿಕೋರರ ಪ್ರಮುಖ ಸಂಕೇತವಾಯಿತು" ಆತನನ್ನು ಟೋಪಿ ಧರಿಸಿದ ಸಭ್ಯಪುರುಷನಂತೆ ಚಿತ್ರಿಸಲಾಯಿತು. ದಿ ಎಸ್ಟ್ಯಾಬ್ಲಿಷ್‌ಮೆಂಟ್‌ನಲ್ಲಿ ಮೇಲ್ವರ್ಗದವರ ಶೋಷಣೆಗೆ ಸಾಕ್ಷಿಯನ್ನು ಸ್ಪಷ್ಟಡಿಸು ಎನ್ನುವಂತೆ ನಟಿಸುವ ರಿಪ್ಪರ್‌ ಖಳನಾಯಕನ ಪಾತ್ರ ಅದಾಗಿತ್ತು . ಡ್ರ್ಯಾಕ್ಯುಲಾರ ಕ್ಲಾಕ್‌ ಅಥವಾ ವಿಕ್ಟರ್‌ ಫ್ರಾಂಕನ್‌ಸ್ಟೈನ್‌ನ ಆರ್ಗನ್‌ ಹಾರ್ವೆಸ್ಟ್‌ನಂತಹ ಭಯಾನಕ ಕಥೆಗಳಿಂದ ರಿಪ್ಪರ್‌ನ ಕಲ್ಪನಾ ಕಥೆಯನ್ನು ಸಂಕೇತಗಳಿಂದ ವಿಲೀನಗೊಳಿಸಲಾಗಿದೆ; ಅಥವಾ ತೆಗೆದುಕೊಳ್ಳಲಾಗಿದೆ. ಶೆರ್ಲಾಕ್‌ ಹೋಮ್ಸ್‌ನಿಂದ ಜಪಾನೀಸ್‌ ಕಾಮಪ್ರಚೋದಕ ಭಯಾನಕ ಕಥೆಯವರೆಗಿನ ವ್ಯಾಪ್ತಿಯಲ್ಲಿ ಹಲವು ಪ್ರಕಾರಗಳಲ್ಲಿ ರಿಪ್ಪರ್‌ನ ಕಾಲ್ಪನಿಕ ಪ್ರಪಂಚವನ್ನು ಸಿನೆಮಾ ಶೈಲಿಗಳಲ್ಲಿ ಬಳಸಿಕೊಳ್ಳಲಾಗಿದೆ. ಕೊಲೆಗಾರರ ಖ್ಯಾತಿಯಲ್ಲಿ ಕಡಿಮೆ ಇಲ್ಲದಿದ್ದರೂ ಸಹ, ಮೇಡಮ್‌ ಟುಸೌಡ್ಸ್‌' ಚೇಂಬರ್‌ ಆಫ್‌ ಹಾರರ್ಸ್‌ನಲ್ಲಿ ಜ್ಯಾಕ್‌ ದಿ ರಿಪ್ಪರ್‌ ಮೇಣದ ಪ್ರತಿಮೆ ಇಲ್ಲ. ಅವರ ನಿಯಮದ ಪ್ರಕಾರ ಪರಿಚಯವಿರದ ಅಥವಾ ತಿಳಿದಿರದ ವ್ಯಕ್ತಿಗಳ ಪ್ರತಿಮೆ ತಯಾರಿಸಿ ಪ್ರದರ್ಶಿಸುವುದಿಲ್ಲ. ರಿಪ್ಪರ್‌ನನ್ನು ನೆರಳು, ಛಾಯೆಯಂತೆ ಕಲ್ಪಿಸಲಾಗಿತ್ತು. 2006ರಲ್ಲಿ [[BBC ಹಿಸ್ಟರಿ ನಿಯತಕಾಲಿಕೆ/0}ಯು ಜ್ಯಾಕ್‌ ದಿ ರಿಪ್ಪರ್‌ ವಿಷಯವನ್ನು ವರದಿಗಾಗಿ ಆಯ್ಕೆಮಾಡಿಕೊಂಡಿದ್ದು, ಇತಿಹಾಸದಲ್ಲಿಯೇ ಅತಿ ಕೆಳದರ್ಜೆಯ ಕೆಟ್ಟ ಬ್ರಿಟನ್‌ ಎಂಬ ಶೀರ್ಷಿಕೆ ನೀಡಿದ್ದಲ್ಲದೇ ಸಾರ್ವಜನಿಕರೂ ಇದನ್ನು ಒಪ್ಪಿದ್ದರು.|BBC ಹಿಸ್ಟರಿ ನಿಯತಕಾಲಿಕೆ/0}ಯು ಜ್ಯಾಕ್‌ ದಿ ರಿಪ್ಪರ್‌ ವಿಷಯವನ್ನು ವರದಿಗಾಗಿ ಆಯ್ಕೆಮಾಡಿಕೊಂಡಿದ್ದು, ಇತಿಹಾಸದಲ್ಲಿಯೇ ಅತಿ ಕೆಳದರ್ಜೆಯ ಕೆಟ್ಟ ಬ್ರಿಟನ್‌ ಎಂಬ ಶೀರ್ಷಿಕೆ ನೀಡಿದ್ದಲ್ಲದೇ ಸಾರ್ವಜನಿಕರೂ ಇದನ್ನು ಒಪ್ಪಿದ್ದರು.]]

Page ಮಾಡ್ಯೂಲ್:Portal/styles.css has no content.

• ದಿ ಬ್ಲ್ಯಾಕ್‌ಔಟ್‌ ರಿಪ್ಪರ್‌
• ಬಲಿಯಾದವರ ಸಂಖ್ಯೆಯ ಆಧರಿಸಿ ಸರಣಿ ಕೊಲೆಗಾರರ ಪಟ್ಟಿ
• ಕೆಲಸದಾಕೆ ಅನ್ನಿಹಿಲ್ಟರ್‌