វាលព្រះមេរុមានទីតាំងស្ថិតនៅខាងជើងព្រះបរមរាជវាំង ខាងកើតទល់មុខសារមន្ទីរជាតិភ្នំពេញ។ ទីនេះជាកន្លែងសម្រាប់ធ្វើព្រះរាជពិធីឈាបនកិច្ចព្រះសពនៃព្រះមហាក្សត្រ និងសម្តេចសង្ឃរាជទាងពីរគណៈ ដែលបានសោយទីវង្គត និងអនិច្ចធម្ម។ ចំពោះព្រះមហាក្សត្របន្ទាប់ពីដំកល់ទុកក្នុងព្រះបរមរាជវាំងអស់រយៈកាលជាច្រើនថ្ងៃ(៣-៥ ឬ៧ថ្ងៃទៅតាមប្រពៃណី និងការនិយម) សម្រាប់ធ្វើពិធីបុណ្យរួចមក ព្រះរាជវង្សានុវង្ស និងនាម៉ឺនមន្ត្រី រៀបចំក្បួនដង្ហែរព្រះបរមសពចែញពីព្រះបរមរាជវាំង តាមច្រកទ្វារខ្មោចខាងជើងឆ្ពោះទៅកាន់ទីវាលព្រះមេរុ (វាលមេន) ដើម្បីប្រារព្ធធ្វើព្រះរាជពិធីឈាបនកិច្ច។ ដោយឡែកពីនេះចំពោះព្រះសពនៃព្រះរាជវង្សានុវង្ស មិនត្រូវបានអនុញ្ញាតឱ្យធ្វើឈាបនកិច្ចនៅវាលព្រះមេរុនោះទេ គឺត្រូវដង្ហែរទៅធ្វើនៅទីវាលព្រះមេរុ ខាងកើតវត្តមទុមវតីវិញ។ ម្យ៉ាងទៀត វាលព្រះមេរុនេះក៏ជាកន្លែងប្រារព្ធពិធីច្រត់ព្រះនង្គ័លផងដែរ។
This article uses material from the Wikipedia ភាសាខ្មែរ article វាលព្រះមេរុ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.