ស្ពានគីហ្សូណា (ជប៉ុន: きずな橋, អង់គ្លេស: Kizuna bridge) គឺជាស្ពានមួយឆ្លងកាត់ទន្លេមេគង្គស្ថិតនៅក្នុងភូមិសាស្ត្រក្រុងកំពង់ចាម នៃទីរួមខេត្តកំពង់ចាម។ ស្ពាននេះបានបើកសម្ភោធឲ្យប្រើប្រាស់នៅឆ្នាំ២០០១ ហើយក៏ជាស្ពានទី១ ដំបូងគេបំផុតដែលសាងសង់កាត់ទន្លេមេគង្គនៅក្នុងប្រទេសកម្ពុជា។ ការសាងសង់ស្ពាននេះ បានចំណាយទឹកប្រាក់ជាង ៥៦លានដុល្លារអាមេរិក ដែលជាជំនួយឥតចំណងពីរដ្ឋាភិបាលជប៉ុន។ មានប្រវែង ១៥០០ម៉ែត ស្ពាននេះធ្លាប់ទទួលចំណាត់ថ្នាក់ជាស្ពានវែងជាងគេបង្អស់នៅកម្ពុជា រហូតដល់ឆ្នាំ ២០០២ ជាឆ្នាំដែលស្ពានកម្ពុជា-ថៃ ត្រូវបានកសាងនៅខេត្តកោះកុងដែលមានប្រវែង ១៩០០ម៉ែត។ ស្ពានគីហ្សូណា បានតភ្ជាប់តំបន់ភាគខាងកើត និងភាគខាងលិចប្រទេសកម្ពុជា តាមផ្លូវគោកជាលើកដំបូង។ ការសាងសង់ស្ពាននេះ បានចាប់ផ្ដើមនៅឆ្នាំ១៩៩៩ ហើយបានចំណាយរយៈពេល៣ឆ្នាំទើបរួចរាល់ជាស្ថាពរ។ មានមនុស្សប្រមាណជាង ១ម៉ឺននាក់បានចូលរួមក្នុងពិធីសម្ពោធដាក់ឲ្យប្រើប្រាស់ស្ពាននេះ។
ស្ពានគីហ្សូណា Kizuna bridge | |
---|---|
ឆ្លងកាត់ | ទន្លេមេគង្គ |
តំបន់ភូមិសាស្ត្រ | ក្រុងកំពង់ចាម, កម្ពុជា |
ប្រវែង | ១,៥០០ ម |
Longest span | ១៧០ ម |
បើក | ២០០១ |
Coordinates | 12°00′00″N 105°27′00″E / 12.00000°N 105.45000°E |
មុននឹងមានស្ពាននេះ គមនាគមន៍គឺមានលក្ខណៈលំបាក ហើយយឺតយ៉ាវ។
This article uses material from the Wikipedia ភាសាខ្មែរ article ស្ពានគីហ្សូណា, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.