ក្រុងកំពង់ចាម: ខេត្តកំពង់ចាម
ក្រុងកំពង់ចាម គឺជាទីរួមខេត្តនៃខេត្តកំពង់ចាមនៅភាគខាងកើតនៃប្រទេសកម្ពុជា។ ក្រុងនេះជាទីក្រុងធំជាងគេលំដាប់ទី១២ ក្នុងប្រទេសកម្ពុជា ដែលមានប្រជាជនចំនួន ៦១,៧៥០នាក់ (គិតត្រឹមឆ្នាំ២០២១) ហើយមានទីតាំងនៅលើដងទន្លេមេគង្គ។ កំពង់ចាមមានចម្ងាយ ១២៤គីឡូម៉ែត្រភាគឦសានពីរាជធានីភ្នំពេញ ហើយអាចទៅបានដោយទូក ឬតាមផ្លូវកៅស៊ូ។ ដោយត្រូវចំណាយពេលប្រហែល ២,៥ ម៉ោងតាមរថយន្ត ឬ ២,៥ ម៉ោងតាមទូកពីភ្នំពេញទៅក្រុងកំពង់ចាម។ ទីក្រុងនេះត្រូវបានតភ្ជាប់ទៅស្រុកត្បូងឃ្មុំ ដោយស្ពានគីហ្សូណា ដែលជាស្ពានទីមួយក្នុងប្រទេសកម្ពុជា ដែលលាតសន្ធឹងតាមដងទន្លេមេគង្គ។
| ក្រុងកំពង់ចាម | |
|---|---|
| ក្រុង | |
 | |
  ក្រុងកំពង់ចាម | |
| កូអរដោនេ: 12°00′N 105°27′E / 12.000°N 105.450°E | |
| ប្រទេស |  កម្ពុជា |
| ខេត្ត | កំពង់ចាម |
| ស្រុក | ស្រុកកំពង់ចាម |
| រដ្ឋាភិបាល | |
| • ប្រភេទ | សាលាក្រុង |
| រយៈកំពស់ | ២០ m (៧០ ft) |
| ប្រជាជន (2008) | |
| • សរុប | ១១៨២៤២ |
| ល្វែងម៉ោង | កម្ពុជា (ម.ស.ស.+7) |
ក្រុងកំពង់ចាម
ការវិវត្តន៍អត្តន័យនៃពាក្យកំពង់ចាមក្លាយមកពីពាក្យថាកំពង់ចាំ ដោយសារភាសានិយាយពាក្យថារង់ចាំអាចជំនួសពាក្យចាំ ទើបប្រជាជនយើងរស់នៅទីនេះទម្លាប់ហៅតៗគ្នាថាកំពង់ចាំ។ ក្រោយមកប្រជាជនចេះតែប្រផ្តុំគ្នាច្រើនមករស់នៅទីនេះបង្កើតជាមជ្ឃមណ្ឌលពាណិជ្ជកម្មផ្លូវទឹកយ៉ាងសំខាន់នៅសម័យនោះ ហើយពាក្យកំពង់ចាំបានក្លាយជាកំពង់រង់ចាំក្រោយមកក្លាយជាទៅជាកំពង់ចាមមកដល់សព្វថ្ងៃនេះ។ សូមបញ្ជាក់ថា សម័យនោះកំពង់ចាមជាដីកោះ ឬជាទួលដែលជាកន្លែងសំចតមានសំពៅ ទូកក្តោង ដើម្បីចាំគ្នាតែប៉ុណ្ណោះយូរៗទៅគេនាំគ្នានិយាយតៗគ្នាថាកំពង់ចាំ ឬកំពង់រង់ចាំ រហូតត្រឹមពាក្យកំពង់ចាម។ ឈ្មោះកំពង់ចាមមិនមានទាក់ទងឈ្មោះជនជាតិភាគតិចរស់នៅតាមដងទន្លេមេគង្គទេ។
រដ្ឋបាល
ក្រុងកំពង់ចាមចែកចេញជា៤សង្កាត់មានចំនួន៣១ភូមិ ដែលស្ថិតនៅជាប់ដងទន្លេមេគង្គត្រើយខាងលិចតភ្ជាប់ទៅត្រើយខាងកើតទន្លេមេគង្គនៃស្រុកត្បូងឃ្មុំរបស់ខេត្តត្បូងឃ្មុំ ដោយស្ពានគីហ្សូណា ដែលកជាជំនួយឥតសំណងរបស់ប្រទេសជប៉ុន ហើយស្ពាននេះអាចសម្រួលដល់ការធ្វើដំណើរទៅបណ្តាលខេត្តនានាដូចជា ខេត្តក្រចេះ ខេត្តស្ទឹងត្រែង ខេត្តរតនៈគីរី និថខេត្តមណ្ឌលគីរី។ ក្រុងកំពង់ចាម ត្រូវបានបែងចែកជា ៤ សង្កាត់ រួមមាន ៖
ប្រវត្តិ
ក្រុងកំពង់ចាម ត្រូវបានបង្កើតឡើងតាមដំណាក់កាលដូចខាងក្រោម ៖
- ស្រុកកំពង់ចាម ត្រូវបានកាត់ចេញពី ស្រុកកំពង់សៀម ដោយយកឃុំចំនួន៤ មានឃុំបឹងកុក ឃុំកំពង់ចាម ឃុំវាលវង់ និង ឃុំសំបួរមាស ។ ទីតាំងសាលាស្រុកស្ថិតនៅតាមបណ្តោយផ្លូវ ទល់មុខមន្ទីរពេទ្យកុមារខេត្តកំពង់ចាម ។
- ស្រុកកំពង់ចាម ត្រូវបានផ្លាស់ឈ្មោះទៅជា ក្រុងកំពង់ចាម រីឯឃុំត្រូវផ្លាស់ឈ្មោះទៅជាសង្កាត់ ដែលមាន៤សង្កាត់ សង្កាត់បឹងកុក សង្កាត់កំពង់ចាម សង្កាត់វាលវង់ និង សង្កាត់សំបួរមាស ។ ចំណែកសាលាក្រុងស្ថិតនៅទីតាំងសាលាស្រុកចាស់ ។
វិស័យអប់រំ
- សាលាបឋមសិក្សាឧត្តរ
- សាលាបឋមសិក្សាទក្សិណ
- សាលាបឋមសិក្សាវាលវង់
- វិទ្យាល័យព្រះសីហនុ
- វិទ្យាល័យ សំបួរមាស
- វិទ្យាល័យហ៊ុនសែនបឹងកុក
- សាកលវិទ្យាល័យ ជា ស៊ីម កំចាយមារ ខេត្តកំពង់ចាម
- សាលាជាតិកសិកម្ម កំពង់ចាម
- សាកលវិទ្យាល័យគ្រប់គ្រង និង សេដ្ឋកិច្ច ខេត្តកំពង់ចាម
- សាកលវិទ្យាល័យកំពង់ចាម
វិស័យពុទ្ធចក្រ
- វត្តដីដុះ
- វត្តសុទស្សនារាមជ្រោយថ្ម
- វត្តបឹងស្នាយ
សេដ្ឋកិច្ច
- ផ្សារធំកំពង់ចាម
- ផ្សារបឹងកុក
- ផ្សារសាមគ្គី
- ផ្សារ៧មករា
- ផ្សារថ្មគោល
កន្លែកំសាន្ត
- សួន
- សួនសន្តិភាព
តំណក្រៅ
- វិបសាយគ្រប់គ្រងភូមិបាល Archived 2009-02-10 at the វេយប៊ែខ ម៉ាស៊ីន.
ឯកសារពិគ្រោះ
- គណកម្មការជាតិរៀបចំការបោះឆ្នោត Archived 2010-09-11 at the វេយប៊ែខ ម៉ាស៊ីន.
This article uses material from the Wikipedia ភាសាខ្មែរ article ក្រុងកំពង់ចាម, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.