'Marko Poló (Marco Polo) - (15-sentyabr, 1254, Veneciya — 8-yanvar, 1324) — italiyalıq sayaxatshı hám jazıwshı.
Marko Polo 1271—75 jıllarda veneciyalıq sawdagerler menen birge kemede Kishi Aziya yarım atawınıń qubla-shıǵıs qırǵaqlarına, Ol jerden Baǵdad, Basra, Tebriz hám Kerman qalasına kelgen, soń Balx, Qashqar, Xotan, Kampichu (Gan-chjou) qalalarına hám Gobi shólin kesip ótip Qaraqurımǵa jetip barǵan. Marko Polo Qıtayda 17 jıll jasaǵan, Qu'bilayxan sarayında 1292 jılǵa shekem onıń xizmetinde bolǵan. Ol mámleketdiń tu'rli wálayatların barip kórgen. Marko Polo Xanbaliq (Pekin) qalasınan myanmarlıqlardıń birinshi mámleketi Pagannıń 11 —13-asirlerde paytaxtı bolǵan Pagan qalasına (mámleket orayına) sayaxat qılıp, jáne arqaǵa qayıtqan. Soń qubla Qıtay teńizi, Bengaliya qoltıǵı, Arabıstan teńizi, iran arqalı 1295 j. Watanına qaytıp barǵan.
[[Fayl:Marco Polo Mosaic from Palazzo Tursi.jpg|280px|súwret]] | |
Tuwılǵan sánesi | 15-sentyabr 1254 |
---|---|
Qaytıs bolǵan sánesi | 8-yanvar 1324 (69 jasta) |
Rustichano menen birge "Marko Polo kitabı"n (1298) jazıp qaldırǵan. Bul shıǵarma Kavkaz xalıqları, iran, Qıtay, Mangoliya, Hindistan, Indoneziya hám b. mámleketler geografiyası, etnografiyası hám tariyxı haqında kerekli maǵlıwmatlar beredi; jánede, onda xalıq miyrasları, ráwayatlar, ertekler hám bar. Basqa Evropa tillerine awdarılǵan bul kitap 14—16-a.lerde jasaǵan teńizshiler, jazıwshılar hám sayaxatshılar (máselen X. Kolumb hám L. Ariosto)ǵa tásiri u'lken bolǵan.
This article uses material from the Wikipedia Qaraqalpaqsha article Marko Polo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.