Si Marco Polo (c.
1254 – Enero 8, 1324) sarong negosyante na taga Republika nin Venecia na sinurat an Il Milione, na nagpabisto sa mga Europeo kan Asya Sentral asin kan Tsina. Nano'dan niya an pagbarobariwas kan an saiyang ama asin tatahon, Niccolo asin Maffeo nagbyahe sa enterong Asya asin nasumpongan si Kublai Khan. Kan 1269, nagbalik an duwa asin saka lang nanagboan si Marco sa enot na pagkataon. Sindang tolo naggayak asin naglargang maglayag pasiring sa Asya, na pagbalik pakalihis 24ng taon, inabotan ninda na an saindang banwa, Venecia nakikigera sa Genoa. Nagbali siya sa hokbong Veneciano alagad nasikop. Si Marco napreso asin kan yaon sa ipitan ipigdikta an mga istorya niya sa sarong kasaro sa preso, na an ngaran Rusticello, parasurat nin mga nobela. Napaluwas siya kan 1299, nagin sarong mayamanon na negosyante, nag'agom asin nagkaigwa nin tolong aki. Nagadan siya kan 1324, ilinubong sa San Lorenzo.
An bansag ki Marco Polo, Marco IL Millione, ta soboot sarong milyon na kaputikan an mga osipon niya manongod kan mga paglahawlahaw niya sa mga lugar na dai pa lamang naabotan kan saiyang mga kahimanwa.
This article uses material from the Wikipedia Bikol article Marco Polo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.