Ózbekstan bayraǵı (rásmiy atalıwı: Ózbekstan Respublikasınıń mámleket bayraǵı) — Ózbekstan gerbine hám Ózbekstan gimni sıyaqlı Ózbekstan Respublikasınıń rásmiy mámleketlik nıshanı esaplanadi.
1991-jıl 31-avgustda Ózbekstan Respublikası óz ǵárezsizligin járiyalaǵanınan keyin 1991-jıldıń 18-noyabrinde Ózbekstan Respublikası Joqarı Keńesiniń VIII sessiyasında Ózbekstan Respublikası mámleket bayraǵı haqqındaǵı nızamı qabıl etilgen.
Ózbekstan Respublikasınıń bayraǵı tuwrı tórtmúyeshlik formasında sáwlelengen bolıp, úsh tiykarǵı gorizontal reńli bóleklerge bólingen. Olar: jarqın aspan kók, aq, jarqın jasıl. Bul bólekler arasın eki qızıl reńdegi gorizontal sızıqlar ajıratıp turadı.
Ózbekstan bayraǵı mámleket aymaǵında ilgeri ámelde bolǵan oǵada qúdiretli saltanatlar bayraqlarına tán bolǵan eń jaqsı dástúrlerdi dawam ettirgen halda respublika tábiyatına tán ayrıqshalıqlardı, xalıqtıń milliy hám materiallıq ózligin de sáwlelendiredi.
Bayraqtaǵı aspan kók reń— kók reńdegi aspan hám tap-taza suw tımsalı bolıp tabıladı. Aspan kók reń— Shıǵısta ázelden qádirlenedi, Ámir Temur waqtında da bayraq reńi sıpatında bul reńdi tańlaǵan.
Aq reń— tınıshlıq hám páklik tımsalı bolıp tabıladı. Bayraqtaǵı aq reń Ózbekstan Respublikası tańlaǵan joldıń tap-taza hám jarqın keleshek ushın jaqsı niyet tımsalı bolıp tabıladı.
Qızıl jollar — bul hárbir tiri jannıń tamırında aǵıp turǵan qan bolıp, turmıslıq kúsh, turmıs táriziniń tımsalı bolıp tabıladı.
Jasıl reń— tábiyat tımsalı. Házirgi waqıtta dúnyada qorshaǵan ortalıqtı qorǵaw háreketleri keń en jayıp atır; onıń tımsalı da jasıl reń bolıp tabıladı.
Yarımay — Ózbekstan xalqınıń kóp ásirlik dástúrlerine say keledi. Yarımay hám juldızlar tap-taza aspannıń hám tınıshlıqtıń nıshanları bolıp tabıladı. Bayraqtaǵı 12 juldızdıń súwreti jetiliskenlik belgisi bolıp tabıladı.
Reńler sxeması | Aspan kók | Qızıl | Jasıl | Aq |
---|---|---|---|---|
CMYK | 100-15-0-29 | 0-96-84-19 | 87-0-70-29 | 0-0-0-0 |
HEX | #009AB6 | #CF0921 | #18B637 | #FFFFFF |
RGB | 0-154-182 | 207-9-33 | 24-182-55 | 255-255-255 |
This article uses material from the Wikipedia Qaraqalpaqsha article Ózbekstan Respublikası mámleketlik bayraǵı, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.