ჯოზეფ დოლტონ ჰუკერი

სხვა მნიშვნელობებისთვის იხილეთ ჰუკერი.

30 ივნისი, 1817, ჰეილზუორთი — გ. 10 დეკემბერი, 1911, სანინგდეილი) — ინგლისელი ბოტანიკოსი, პეტერბურგის მეცნიერებათა აკადემიის წევრ-კორესპონდენტი (1858), უილიამ ჯექსონ ჰუკერის შვილი.

1839-1943 წლებში მონაწილეობდა ანტარქტიკის ექსპედიციაში (ავსტრალია, ახალი ზელანდია, კერგელენი, ცეცხლოვანი მიწა, ფოლკლენდის კუნძულები). 1847–1851 წლებში შეისწავლა ჩრდილოეთ ინდოეთისა და ნეპალის ფლორა. 1865-1885 წლებში კიუს ბოტანიკის ბაღის დირექტორი, 1873-1878 წლებში ლონდონის სამეფო საზოგადოების პრეზიდენტი, დარვინის იდეების მიმდევარი. მცენარეთა გვარების (Genera plantarum) მიმოხილვის ავტორი (ჯ. ბანტამთან ერთად). 1893 წელს ჰუკერმა შექმნა თესლოვანი მცენარეების ყველა აღწერილი სახეობის საძიებელი („Index kewensis“).

• ქართული საბჭოთა ენციკლოპედია, ტ. 11, თბ., 1987. — გვ. 694.