ლეილა შოთაძე

19 დეკემბერი, 1930 — გ. 2014) — ქართველი მსახიობი. საქართველოს სსრ სახალხო არტისტი (1980).

1952 წელს დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი. ამავე წელს ჩაირიცხა კ. მარჯანიშვილის სახელობის თეატრის დასში. 1967 წლიდან რუსთავის დრამატული თეატრის მსახიობია. ასრულებდა სახასიათო როლებს, რომელთა შორის აღსანიშნავია: რეგანა („მეფე ლირი“), ვასილისა (მ. გორკის „ფსკერზე“), ია (ო. იოსელიანის „ექვსი შინაბერა და ერთი მამაკაცი“), ნექტარინა ( შ. დადიანის „გვირგვლიანების ოჯახი“), არკადინა (ჩეხოვის „თოლია“) და სხვა. გადაღებულია ფილმებში: „კაცია-ადამიანი?!“ (დარეჯანი), „გლადიატორი“ (ლიანა), „გამინაწილე სითბო“ (ქეთევანი) და სხვა.

• 1972 გლადიატორი — პატარძალი
• 1977 ესკულაპეს მოწაფე
• 1978 სათადარიგო ბორბალი
• 1979 კაცია ადამიანი?! — დარეჯანი
• 1984 აქედანა და შენამდე
• 1975 გამინაწილე სითბო — ქეთევანი
• 1986 წერილი ნაძვებს
• 1980 ნუ მოიწყენთ შემოდგომისას

• 1976 — საქართველოს დამსახურებული არტისტი
• 1980 — საქართველოს სახალხო არტისტი

• ლეილა შოთაძე — საქართველოს ბიოგრაფიული ლექსიკონი
• ლეილა შოთაძე — ეროვნული ფილმოგრაფია
• ლეილა შოთაძე — კინოფილმების ინტერნეტ მონაცემთა ბაზა (ინგლისური)