ვახტანგ რჩეულიშვილი
ვახტანგ რჩეულიშვილი (დ.
1 იანვარი, 1954, თბილისი — გ. 13 აპრილი, 2017) — ქართველი ბიზნესმენი, პოლიტიკოსი და ფიზიკოსი. საქართველოს სოციალისტური პარტიის ლიდერი. ბიზნესმენ მაია რჩეულიშვილის მეუღლე.
| ვახტანგ რჩეულიშვილი | |
|---|---|
| დაბადების თარიღი | 1 იანვარი, 1954 თბილისი, საქართველოს სსრ, სსრკ |
| გარდაცვალების თარიღი | 13 აპრილი, 2017 (63 წლის) თბილისი, საქართველო |
| გარდაცვალების მიზეზი | სიმსივნე |
| ეროვნება | ქართველი |
| მოქალაქეობა |  სსრკ საქართველო |
| ალმა-მატერი | თბილისის სახელმწიფო უნივერსიტეტი |
| საქმიანობა | პოლიტიკოსი ბიზნესმენი |
| პარტია | საქართველოს სოციალისტური პარტია |
| მეუღლე(ები) | მაია რჩეულიშვილი |
| შვილ(ებ)ი | გუკა რჩეულიშვილი |
1977 წელს დაამთავრა თბილისის სახელმწიფო უნივერსიტეტის ფიზიკის ფაკულტეტი. 1979–1982 წლებში იყო ახალგაზრდა მეცნიერთა კლუბის ვიცე-პრეზიდენტი; 1982–1984 წლებში კომკავშირის ცკ-ს ლექტორთა ჯგუფის ხელმძღვანელი; 1982-1985 წლებში უცხოეთის განყოფილების ინსტრუქტორი; 1985–1987 წლებში მეცნიერებათა აკადემიის საზოგადოებრივ მეცნიერებათა საინფორმაციო ცენტრის მეცნიერ-თანამშრომელი; 1987-1992 წლებში საქართველოს რესპუბლიკის მშვიდობის დაცვის კომიტეტის თავმჯდომარის მოადგილე; 1992–1995 წლებში საქართველოს პარლამენტის სპიკერის მოადგილე.
1985 წლიდან აქვეყნებს სტატიებს. იყო საქტელერადიო კომიტეტის პოლიტიკური მიმომხილველი. სხვადასხვა დროს იყო საქართველოს ეკონომიკური ფორუმის თავმჯდომარე და შავი ზღვის ქვეყნების მემარცხენე-ცენტრისტული პარტიის ასამბლეის თავმჯდომარე.1992-1995 წლებში იყო საქართველოს მე-3 მოწვევის პარლამენტის წევრი (თბილისი, ჩუღურეთის მაჟორიტარი). 1995-1999 წლებში იყო საქართველოს მე-4 მოწვევის პარლამენტის წევრი (თბილისი, ჩუღურეთის მაჟორიტარი), საარჩევნო ბლოკი „სოციალისტური პარტია“. 1999 -2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი „საქართველოს აღორძინება“. 2003 წელს მომხდარი ვარდების რევოლუციის შემდეგ, ვახტანგ რჩეულიშვილმა დატოვა პოლიტიკა და ბიზნესით დაკავდა.
ვახტანგ რჩეულიშვილი ბოლო კვირების განმავლობაში თოდუას კლინიკაში, მძიმე დიაგნოზით იყო მოთავსებული, იგი კლინიკაში სიმსივნის დიაგნოზით მკურნალობდა. გარდაიცვალა 2017 წლის 13 აპრილს 63 წლის ასაკში.
რესურსები ინტერნეტში
- ვახტანგ რჩეულიშვილი — საქართველოს ბიოგრაფიული ლექსიკონი
- ვახტანგ რჩეულიშვილი — საქართველოს პარლამენტის ოფიციალური საიტი (საქართველოს პარლამენტის მესამე მოწვევა)
- ვახტანგ რჩეულიშვილი — საქართველოს პარლამენტის ოფიციალური საიტი (საქართველოს პარლამენტის მეოთხე მოწვევა)
- ვახტანგ რჩეულიშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
This article uses material from the Wikipedia ქართული article ვახტანგ რჩეულიშვილი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.