ახალი პოლიტიკური ცენტრი - გირჩი — მემარჯვენე-ლიბერტარიანული პარტია საქართველოში.
მისი თავმჯდომარეა იაგო ხვიჩია. 2020 წელს პარტია გაიყო - შეიქმნა გირჩი — მეტი თავისუფლება, რომლის თავმჯდომარე გახდა ზურაბ გირჩი ჯაფარიძე.
ახალი პოლიტიკური ცენტრი - გირჩი | |
---|---|
ქვეყანა | საქართველო |
ხელმძღვანელობა | |
თავმჯდომარე | იაგო ხვიჩია |
ისტორია | |
დაფუძნდა | 16 აპრილი, 2016 |
პოზიციები | |
იდეოლოგია | მემარჯვენე ლიბერტარიანიზმი კლასიკური ლიბერალიზმი პროევროპულობა |
პოლიტიკური პოზიცია | მემარჯვენე-ცენტრიზმი |
წარმომადგენლობითობა | |
პარლამენტი | 4 / 150 |
ფერები | |
შტაბ-ბინა | ი. გამრეკელის 47, თბილისი |
girchi.com |
„ახალი პოლიტიკური ცენტრი - გირჩი“ შეიქმნა „ერთიანი ნაციონალური მოძრაობიდან“ ოთხი დეპუტატის — ზურაბ ჯაფარიძის, პავლე კუბლაშვილის, გოგა ხაჩიძისა და გიორგი მელაძის წამოსვლის შემდეგ. პარტია საქართველოს საჯარო რეესტრის ეროვნულ სააგენტოში დარეგისტრირდა 18 მაისს, დამაფუძნებელი ყრილობა კი ჩაატარა 2016 წლის 16 აპრილს.
2016 წლის საპარლამენტო არჩევნებამდე, 2016 წლის 18 აგვისტოს „გირჩმა“ პარტიებთან: „ახალი საქართველო“, „სახელმწიფო ხალხისთვის“ და „ახალი მემარჯვენეები“ შექმნა ბლოკი „პაატა ბურჭულაძე — სახელმწიფო ხალხისთვის“, რომლის ლიდერიც ამავე სახელწოდების პარტიის ლიდერი, ყოფილი საოპერო ბანი, პაატა ბურჭულაძე იყო. 27 სექტემბერს, არჩევნებამდე 13 დღით ადრე, „გირჩმა“ ბლოკი დატოვა და ბურჭულაძე შანტაჟში დაადანაშაულა, შედეგად პარტია არჩევნებს გამოეთიშა.
პარტიამ 2017 წლის თვითმმართველობის არჩევნებში არ მიიღო მონაწილეობა.
2018 წლის საპრეზიდენტო არჩევნებში პარტიის კანდიდატი მისი ლიდერი, ზურაბ ჯაფარიძე იყო. ჯაფარიძემ არჩევნებში 2,26% (36 034 ხმა) აიღო და მეექვსე ადგილი დაიკავა.
2020 წლის საპარლამენტო არჩევნებში პარტიამ დამოუკიდებლად მიიღო მონაწილეობა და 2,89% (55 598 ხმა) აიღო, გადალახა 1%-იანი ბარიერი და პარლამენტში 4 დეპუტატი გაიყვანა.
2020 წელს, საპარლამენტო არჩევნების შემდეგ, პარტია დატოვა მისმა ლიდერმა ზურაბ ჯაფარიძემ, რომელმაც ახალი პარტია გირჩი — მეტი თავისუფლება დააარსა.
2021 წლის თვითმმართველობის არჩევნებში პარტიამ 0,95% (16 683 ხმა) აიღო და მხოლოდ აბაშის საკრებულოში გადალახა 3%-იანი ბარიერი, სადაც 1 დეპუტატი გაიყვანა.
პარტიის სიმბოლიკის ნაწილია მწვანე გირჩი თეთრ ფონზე, როგორც სიახლის სიმბოლო.
სახელი „გირჩი“ აირჩა, როგორც სიახლის, სიმწვანის, ახალი სიცოცხლის დასაწყისის სიმბოლო.
გირჩის უმაღლესი ხელმძღვანელი და წარმომადგენლობითი ორგანოა პარტიის ყრილობა. ყრილობებს შორის პერიოდში აღმასრულებელი ორგანოა პოლიტიკური საბჭო, რომლის არჩევაც, 2 წლის ვადით, მოხდა 2016 წლის 16 აპრილს გამართულ პარტიის პირველ ყრილობაზე და მასში შედიოდნენ ზურაბ ჯაფარიძე, პავლე კუბლაშვილი, გიორგი მელაძე, გიორგი ხაჩიძე, ვახტანგ მეგრელიშვილი, ლევან ჩოლოყაშვილი, მამუკა კუდავა, იაგო ხვიჩია, ვახო მოსიაშვილი, თეიმურაზ ცამციშვილი, ნინო დარსაველიძე, სოფიო მახათაძე, მარიამ ხუნწარია, ეკატერინე კალანდაძე, ნათია კალაძე.
პარტიის მაკონტროლებელი ორგანოა სარევიზიო კომისია, რომლის წევრებიც არიან მარიამ რატიანი, ნიკა ობოლაძე, ნატალია გამყრელიძე, აფანდი ანკოსი და გურამ ჩაფიჩაძე.
პარტიის ხელმძღვანელი და ზოგად და სპეციალურ წარმომადგენლობაზე უფლებამოსილი პირია პარტიის თავმჯდომარე, რომელსაც ყრილობა ირჩევს 2 წლის ვადით. გირჩის თავმჯდომარედ პარტიის ყრილობამ 2018 წლის ივნისში აირჩია იაგო ხვიჩია.
არჩევნები | ხმები | % | მანდატები | +/– | სტატუსი |
---|---|---|---|---|---|
2020 | 55 598 | 2,89 | 4 / 150 | ახალი | ოპოზიცია |
არჩევნები | კანდიდატი | ხმები | % | შედეგი |
---|---|---|---|---|
2018 | ზურაბ ჯაფარიძე | 36 034 | 2,26 | მეექვსე ადგილი |
არჩევნები | ხმები | % | მანდატები | +/– |
---|---|---|---|---|
2021 | 16 683 | 0,95 | 1 / 2 068 | ახალი |
This article uses material from the Wikipedia ქართული article ახალი პოლიტიკური ცენტრი - გირჩი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.