ᱰᱟᱭᱱᱮᱥᱚᱨ ᱫᱚ ᱠᱚ ᱦᱩᱭᱩᱜ ᱠᱟᱱᱟ ᱰᱟᱭᱱᱮᱥᱚᱨᱤᱭᱟ ᱜᱩᱴ ᱨᱤᱱ ᱡᱤᱭᱟᱹᱞᱤ ᱡᱟᱹᱛ ᱾ ᱱᱩᱠᱩ ᱫᱚ ᱮᱛᱚᱦᱚᱵ ᱴᱨᱟᱭᱟᱥᱤᱠ(Triassic) ᱡᱩᱜᱽ ᱨᱮ ᱠᱚ ᱧᱮᱞᱚᱜ ᱠᱟᱱ ᱛᱟᱦᱮᱸᱫ ᱾ ᱥᱩᱨᱥᱩᱯᱩᱨ ᱒᱓᱐ ᱢᱤᱞᱤᱭᱚᱱ ᱥᱮᱨᱢᱟ ᱢᱟᱬᱟᱝ ᱾ ᱡᱩᱨᱟᱥᱤᱠ ᱡᱩᱜᱽ ᱨᱮᱱᱟᱜ ᱮᱦᱚᱵ ᱠᱷᱚᱱ (᱒᱐᱐ ᱢᱤᱞᱤᱭᱚᱱ ᱥᱮᱨᱢᱟ ᱢᱟᱬᱟᱝ) ᱠᱨᱮᱴᱟᱥᱤᱭᱚᱥ ᱡᱩᱜᱽ ᱨᱮᱱᱟᱜ ᱢᱩᱪᱟᱹᱫ ᱦᱟᱹᱵᱤᱡ ᱱᱩᱠᱩ ᱡᱚᱛᱚ ᱠᱷᱚᱱ ᱫᱟᱲᱮᱭᱟᱱ ᱡᱤᱭᱟᱹᱞᱤ ᱞᱮᱠᱟᱛᱮ ᱠᱚ ᱛᱟᱦᱮᱸ ᱠᱟᱱᱟ ᱾ Cretaceous-Paleogene extinction event ᱠᱷᱟᱹᱛᱤᱨ ᱛᱮ ᱢᱮᱥᱚᱡᱚᱭᱠᱚ ᱡᱩᱜᱽ ᱨᱮᱱᱟᱜ ᱢᱩᱪᱟᱹᱫ ᱥᱮᱫ ᱛᱮ ᱟᱭᱢᱟ ᱡᱟᱹᱛ ᱨᱤᱱ ᱰᱟᱭᱱᱮᱥᱚᱨ ᱫᱚ ᱠᱚ ᱟᱫ ᱥᱟᱹᱨᱤ ᱞᱮᱱ ᱛᱟᱦᱮᱸᱫ ᱾ ᱢᱮᱴᱟᱣ ᱥᱟᱨᱮᱡ ᱨᱮᱱᱟᱜ ᱯᱟᱭᱛᱟᱨ ᱠᱷᱚᱱ ᱵᱟᱰᱟᱭᱚᱜ-ᱟ ᱪᱤ ᱪᱮᱬᱮ ᱨᱚᱣᱟᱜ ᱥᱤᱨᱡᱚᱱ ᱫᱚ ᱡᱩᱨᱟᱥᱤᱠ ᱡᱩᱜᱽ ᱠᱮ ᱛᱷᱮᱨᱚᱯᱚᱰ (theropod) ᱰᱟᱭᱱᱮᱥᱚᱨ ᱴᱷᱮᱱ ᱠᱷᱚᱱ ᱦᱩᱭ ᱞᱮᱱᱟ ᱢᱮᱱᱛᱮ ᱾ ᱛᱤᱢᱤᱱ ᱜᱟᱱ ᱪᱮᱬᱮ ᱫᱚ ᱖᱕ ᱢᱤᱞᱤᱭᱚᱱ ᱥᱮᱨᱢᱟ ᱢᱟᱬᱟᱝ ᱦᱩᱭᱞᱮᱱ ᱞᱚᱴᱚᱢ ᱠᱷᱚᱱ ᱠᱚ ᱯᱩᱪᱩᱡ ᱞᱮᱱ ᱛᱟᱦᱮᱸᱫ ᱟᱨ ᱱᱩᱠᱩ ᱜᱮ ᱰᱟᱭᱱᱮᱥᱚᱨ ᱠᱚᱣᱟᱜ ᱵᱩᱥ ᱫᱚ ᱠᱚ ᱱᱤᱛ ᱦᱟᱹᱵᱤᱡ ᱠᱚ ᱟᱹᱜᱩᱣᱟᱠᱟᱫ-ᱟ ᱾
᱑᱘᱔᱒ ᱥᱟᱞᱮ ᱨᱮ ᱰᱟᱭᱱᱮᱥᱩᱨᱤᱭᱟ ᱦᱟᱹᱴᱤᱧ ᱨᱮᱱᱟᱜ ᱧᱩᱛᱩᱢᱮ ᱪᱷᱟᱹᱴᱭᱟᱹᱨ ᱞᱮᱫ ᱛᱟᱦᱮᱸᱫ ᱡᱤᱣᱤ ᱞᱚᱴᱚᱢ ᱥᱟᱨᱮᱡ ᱥᱟᱬᱮᱥᱤᱭᱟᱹ (paleontologist) ᱥᱟᱨ ᱨᱤᱪᱟᱨᱰ ᱚᱣᱮᱱ (Sir Richard Owen) ᱾ ᱱᱩᱠᱩ ᱫᱚ ᱥᱚᱣᱨᱩᱭᱟᱱ ᱡᱤᱱᱛᱤ-ᱯᱤᱯᱤᱲᱤ ᱨᱤᱱ ᱦᱚᱯᱚ-ᱦᱟᱹᱴᱤᱧ ᱠᱚ ᱩᱫᱩᱜ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱤᱝᱞᱚᱰ ᱥᱟᱶᱛᱮ ᱡᱮᱜᱮᱛ ᱡᱟᱠᱟᱛ ᱨᱮ ᱢᱟᱱᱚᱛ~ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱰᱟᱭᱱᱮᱥᱚᱨ ᱧᱩᱛᱩᱢ ᱫᱚ "ᱵᱚᱛᱚᱨᱟᱱ ᱪᱩᱨᱪᱩᱴᱩᱡ" (terrible lizard) ᱢᱮᱱᱛᱮ ᱵᱩᱡᱷᱟᱹᱣᱜ-ᱟ, ᱱᱩᱠᱩ ᱫᱚ ᱪᱩᱨᱪᱩᱴᱩᱡ ᱡᱟᱹᱛ ᱨᱤᱱ ᱫᱚ ᱵᱟᱝ ᱠᱟᱱᱟ ᱠᱚ ᱾
This article uses material from the Wikipedia ᱥᱟᱱᱛᱟᱲᱤ article ᱰᱟᱭᱱᱮᱥᱚᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.