Windows 8.1 — ოპერაციული სისტემა Microsoft Windows-ის ვერსია, შემუშავებულია კომპანია Microsoft-ის მიერ, როგორც Windows NT სერიის ოპერაციული სისტემა.
გამოსულია პერსონალური კომპიუტერებისთვის, მათ შორის - საშინაო და ბიზნეს გარემოს კომპიუტერებისთვის, ლეპტოპებისთვის, პლანშეტებისთვბის და სახლის კინოთეატრებისთვის. მისი, როგორც Windows 8-ის გაგრძელების გამოსვლის შესახებ ცნობილი გახდა 2013 წლის 26 მარტს. ორგანიზაციებისთვის იგი 2013 წლის 27 აგვისტოს გამოვიდა, ხოლო ძირითადი მომხმარებლისთვის - 2013 წლის 17 ოქტომბერს.
Windows-ის ვერსია | |
შემქმნელი | Microsoft |
---|---|
ოპერაციული სისტემის ოჯახი | Windows NT |
წყაროს მოდელი | დახურული და გაზიარებული |
თავდაპირველი ვერსიის საბოლოო ვარიანტი | 27 აგვისტო, 2013 |
ძირითადი ხელმისაწვდომობა | 17 ოქტომბერი, 2013 |
განახლების მეთოდი | Windows Update, Windows Store, Windows Server Update Services |
მხარდაჭერილი პლატფორმები | IA-32, x64 |
ბირთვის ტიპი | ჰიბრიდული |
ლიცენზია | საცდელი, Microsoft Software Assurance, MSDN-ზე რეგისტრაცია, DreamSpark |
წინა | Windows 8 (2012) |
შემდეგი | Windows 10 (2015) |
ოფიციალური საიტი | windows.microsoft.com |
მხარდაჭერის სტატუსი | |
ძირითადი მხარდაჭერა დასრულდა 2018 წლის 9 იანვარს. გაფართოებული მხარდაჭერა შეწყდა 2023 წლის 10 იანვარს. |
2013 წლის 26 მარტს Microsoft-მა ოფიციალურად განაცხადა, რომ Windows კოდური სახელით Blue იქნებოდა Windows 8-ს განახლება. 14 მაისს ეს კიდევ ერთხელ დადასტურდა და ცნობილი გახდა სისტემის სახელწოდებაც - Windows 8.1.
2013 წლის 26 ივნისს გამოვიდა განახლება 8.1-ს საჯარო საცდელი ვერსია. იგი ხელმისაწვდომი გახდა Windows-ის მაღაზიიდან და ცალკე ISO ფაილის სახით. 2013 წლის 30 ივლისს გამოვიდა საწარმოებისთვის განკუთვნილი ვერსია.
2013 წლის 14 აგვისტოს ცნობილი გახდა, რომ 8.1-ს საბოლოო ვერსია ოფიციალურად გამოვიდოდა 2013 წლის 18 ოქტომბერს.
2018 წლის 9 იანვარს დასრულდა Windows 8.1-ის ძირითადი მხარდაჭერა
2023 წლის 10 იანვარს კომპანია Microsoft-მა შეწყვიტა Windows 8.1-ის გაფართოებული მხარდაჭერა.
Microsoft-მა ხაზი გაუსვა იმას, რომ 8.1 ოპერაციული სისტემის ძირითად ასპექტებს შეცვლიდა, საპასუხოდ იმ კრიტიკაზე, რომელიც Windows 8-მ თავდაპირველად მიიღო მომხმარებლებისგან და მიმომხილველებისგან. განახლებაში შეტანილია ოპერაციული სისტემის მრავალი დახვეწილი ფუნქცია, მაგრამ ძირითადი აქცენტი გაკეთებული იყო Metro-ს გარსსა და Windows-ის მაღაზიის აპლიკაციების ფუნქციონალურობის გაუმჯობესებაზე, საძიებო საშუალებათა განვრცობაზე, ახალი ტექნოლოგიების მხარდაჭერის დამატებაზე და ფუნქციებზე, რომლითაც სამომხმარებლო ეკრანის გამოყენება გაუმჯობესდებოდა Windows 8-სთან შედარებით (მაგალითად, დაბრუნდა ღილაკი Start, დაემატა „ცხელი“ კუთხეების გათიშვის ფუნქცია და სასტარტო ეკრანის გაცდენის საშუალება.
This article uses material from the Wikipedia ქართული article Windows 8.1, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.