უნია
სახელმწიფოების უნია — მონარქიული სახელმწიფოების გაერთიანება ერთ-ერთი სახელმწიფოს - სუვერენის მეთაურობით.
სახელმწიფო სამართალში განასხვავებენ უნიის ორ სახეს - პიროვნულსა (პერსონალურს) და რეალურს (ორგანულს).
პიროვნული უნია მაშინ წარმიშობოდა, როდესაც დინასტიური კავშირებისა და ტახტის მემკვიდრეობის წესის გამო ერთი და იგივე პირი გახდებოდა ორი ან მეტი სახელმწიფოს მონარქი. პიროვნულ უნიაში გაერთიანებული სახელმწიფოები ინარჩუნებდნენ თავიანთ სუვერენიტეტს. საერთო მონარქის ხელისუფლება კი ნომინალური იყო.
რეალური უნია იქმნებოდა ხელშეკრულების საფუძველზე (მაგალითად შვედეთისა და ნორვეგიის უნია 1814-1905 წწ.) ან უფრო ძლიერი სახელმწიფოს ცალმხრივი აქტის შედეგად (ავსტრიისა და უნგრეთის უნია 1867-1918 წწ.). საერთაშორისო ურთიერთობებში რეალური უნია გამოდიოდა როგორც ერთიანი სუვერენული სახელმწიფო.
ლიტერატურა
- ქართული საბჭოთა ენციკლოპედია, ტ. 10, თბ., 1986. — გვ. 158.
This article uses material from the Wikipedia ქართული article უნია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.