ნიუტონი

ტერმინს „ნიუტონი“ აქვს სხვა მნიშვნელობებიც, იხილეთ ისააკ ნიუტონი.

ნიუტონი უდრის ძალას, რომელიც 1 კგ მასის სხეულს ანიჭებს 1 მ/წმ² აჩქარებას ძალის მოქმედების მიმართულებით. ერთეულს სახელი მიენიჭა ინგლისელი ფიზიკოსის ისააკ ნიუტონის პატივსაცემად.

SI სისტემაში ძალის განზომილებაა:

${\displaystyle {\vec {F}}=m{\vec {a}}=1}$  ${\displaystyle {\frac {{\text{კგ}}\cdot {\text{მ}}}{{\text{წმ}}^{2}}}}$ . ძალის ამ ერთეულს ნიუტონი (ნ) ეწოდება.

ნიუტონმა შეცვალა ძალის ძველი სხვა ერთეულები: კილოგრამ-ძალა (1 კგძ≈9.80665 ნ), ტონა-ძალა (1 ტძ≈9806.65 ნ), დინი (1 დნ=10^-5 ნ), ფუნტ-ძალა (1 lbf=4.45 ნ) და სხვა.

• ქართული საბჭოთა ენციკლოპედია, ტ. 7, თბ., 1984. — გვ. 449.

• The International System of Units (SI)