კაპადოკია

ძველი კაპადოკიის ტერიტორია ამჟამად განთავსებულია თურქეთის პროვინციების:ნევშეჰირის, კაისერის, აქსარაისა და ნიგდეს ტერიტორიებზე. ტერიტორია ხასიათდება განსაკუთრებით საინტერესო ვულკანური წარმოშობის ლანდშაფტებით. კლდეში ნაკვეთი და მიწისქვეშა ქალაქებით, რომლებიც დაარსდა ძვ. წ. I ათასწლეულში. კაპადოკიაში მდებარე გორემეს ეროვნული პარკი და კაპადოკიის კლდეში ნაკვეთი დასახლება შეტანილია იუნესკოს მსოფლიო მემკვიდრეობის სიაში.

სტრაბონი თავის ჩვიდმედტომიან ნაშრომ „გეოგრაფიაში“, კაპადოკიას შემდეგნაირად აღწერს:

	„ესაა ვრცელი ტერიტორია, რომელსაც სამხრეთით ტავრიული გორები არტყამს, დასავლეთით — აკსარაის მთები, აღმოსავლეთით — მალათიის მთები, ჩრდილოეთით — შავი ზღვა.“

კაპადოკიის ტერიტორიაზე არსებული ვულკანები ერჯიასი, ჰასანდაღი, გელიუდაღი გეოლოგიური პერიოდის მანძილზე იყვნენ აქტიურნი. მათი აქტიურობა გრძელდებოდა მიოცენიდან ჰოლოცენამდე. ამოფრქვეული ვულკანური ლავა ილექებოდა ნეოჟენის ტბის ფსკერზე, მდინარეების ხეობებში, პლატოზე, რის შედეგადაც წარმოიქმნა 100-150 მეტრი სისქის ვულკანური ტუფი. აღნიშნული მასა ასევე შედგებოდა ტუფიტის, იგნიბრიტის ტუფის, ლახარას, ვულკანური ფერფლის, თიხის, აგლომერის, ბაზალტის და ნეოლოგიური აგლომერატებისაგან. მომდევნო პერიოდში ვულკანური ტუფის მასისაგან, მდინარეთა და ტბის წყლის ეროზიის შედეგად წარმოქმნა პლატო, რომელიც ხშირად იცვლიდა ფორმას. მდინარე ყიზილ-ირმაქზე პლატოს დღევანდელი სახე სათავეს იღებს ზემო პლიოცენიდან.

• მეტეორას მონასტრები
• იუნესკოს მსოფლიო მემკვიდრეობის ძეგლები თურქეთში
• კილიკია
• ბიზანტია

 

არის გვერდი თემაზე:

კაპადოკია

• კაპადოკია^{[მკვდარი ბმული]}
• სტატია კაპადოკიის შესახებ ტურისტულ ბიბლიოთეკაში
• რამდენიმე თანამედროვე რუკა, სხვა ინფორმაცია დაარქივებული 2010-04-17 საიტზე Wayback Machine.
• კაბადოკიელი ბერძნების ოფიციალური საიტი დაარქივებული 2011-07-20 საიტზე Wayback Machine.
• კაპადოკიის მეფეთა მონეტები
• კაპადოკიის ფოტოები