ზაფხულის ნაბუნიობის ზეიმი — წარმართული და ზოროასტრიული ზეიმი, ყველაზე მოკლე ღამე წელიწადში.
ეს დღე ევროპაში სხვადასხვა ფორმით აღინიშნება, თუმცა ყველასათვის საერთოა კოცონის დანთება და მკითხაობა.
1953 წლიდან შვედეთში „შუა ზაფხულის“ ზეიმი 19 ივლისიდან პირველივე შაბათ დღეს აღინიშნება. ისინი ძირითადად მაისის ხეს აღმართავენ და ალამაზებენ.
უძველესი ტრადიციით, ღამის სეირნობიდან დაბრუნებულ ქალიშვილებს შვიდი სახეობის ყვავილი უნდა მოეკრიფათ და ბალიშის ქვეშ ამოედოთ, რათა საბედო დასიზმრებოდათ.
ლატვიელები ამ დროს ლიგოს ზეიმობენ.
ისლანდიაში ნაბუნიობის ღამეს 19 სხვადასხვა დაავადებისგან განკურნება მიეწერება.
აღმოსავლეთ და დასავლეთ სლავები ამ დღეს ივან კუპალობას ზეიმობენ. ტრადიციის თანახმად უნდა ებანავათ, კოცონი დაენთოთ და ზედ გადამხტარიყვნენ, რათა სნე და ავადობა ცეცხლში ჩაეყარათ. მკითხაობდნენ. სწორედ ამ ღამეს უნდა გაშლილიყო გვიმრა.
ფინელები იუჰანუსს უწოდებენ ამ დღეს იოანე ნათლისმცელის სახელიდან გამომდინარე. იუჰანუსი ერთ-ერთი ოფიციალური სახელმწიფო ზეიმია 1934 წლიდან. ამ დღეს აღმართავენ დროშებს. ეს დღე საეკლესიო დღესასწაულიც არის — იოანე ნათლისმცემლის ხსენების დღეა. „უჰანუსი“ ტრადიციულად 24 ივნისს აღნიშნებოდა, მაგრამ 1955 წლიდან 19 ივნისის შემდეგ პირველივე შაბათს ამთხვევენ და ხან 20 უწევს, ხან 26. ასეთივე ცვლილება მანამდე შვედეთში, ნორვეგიასა და ლატვიაშიც განხორციელდა, თუმცა არა ესტონეთში. ამ დროს სახლებს, ნავებს და ეზოებს არყის ხის ტოტებით რთავენ , დადიან საუნაში და ანთებენ დიდ კოცონს.
გერმანიაში აჩაღებენ უზარმაზარ კოცონს, აწყობენ ცეკვებს და ზეიმის მონაწილები ამ კოცონზე გადახტომას ცდილობენ, მართავდნენ მსვლელობას ჩირაღდნებით. ზეიმი ნაცისტურ გერმანიაშიც კი აღინიშნებოდა. პარტიული ლიდერები ამ დღისასთვის საგანგებოდ „ცეცხლოვან სიტყვას“ ამზადებდნენ ხოლმე.
პორტუგალიაში ნაბუნიობას წმინდა იოანეს დღე აღინიშნება (პორტ. Festa de São João). კათოლიკე პორტუგალიელებს სჯერათ, რომ წმ. იაონეს კოცონს გამწმენდი ძალა აქვს.
This article uses material from the Wikipedia ქართული article ზაფხულის ნაბუნიაობის ზეიმი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.