ერვინ ბულკუ(დ.
3 მარტი, 1981) — ალბანელი პროფესიონალი ფეხბურთელი და ალბანეთის ეროვნული საფეხბურთო ნაკრების მოქმედი მწვრთნელი.
პირადი მონაცემები | |||
---|---|---|---|
დაბადების ადგილი | ტირანა, ალბანეთი. | ||
სიმაღლე | 1.83 | ||
სათამაშო პოზიცია | ნახევარმცველი | ||
ახალგაზრდული კარიერა | |||
1988 | KF Tirana | ||
პროფესიონალური კარიერა* | |||
წლები | გუნდი | მატჩი | (გოლი) |
1988-2007 | KF Tirana | 201 | (14) |
2007-2010 | FC Kryvbas Kryvyi Rih | 58 | (2) |
2010-2011 | HNK Hajduk Split | 15 | (0) |
2011-2012 | შუველიანი | 22 | (3) |
2012-2014 | Sepahan S.C. | 47 | (1) |
2014-2016 | KF Tirana | 32 | (1) |
სულ | 375 | (21) | |
ეროვნული ნაკრები | |||
1998-1999 | ალბანეთი U18 | 6 | (1) |
1999-2002 | ალბანეთი U21 | 15 | (1) |
2002-2015 | ალბანეთი | 56 | (1) |
სამწვრთნელო კარიერა | |||
2015-2019 | ალბანეთი | ||
2019 | ალბანეთი | ||
2020 | ალბანეთი U17 | ||
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება |
ბულკუ დაიბადა ტირანაში, ალბანეთი. იგი გახლდათ ოჯახის მეორე ვაჟი, მისი უფროსი ძმა სოკოლ ბულკუს, ასევე KF Tirana-ს ყოფილი ფეხბურთელი იყო, იგი კლუბის რიგებში ასპარეზობდა 1998–2004 წლებში, მოგვიანებით კი გახდა KF Tirana-ს 19-წლამდე გუნდის მენეჯერი.
ბულკუმ კარიერა ჯერ კიდევ სიყრმის წლებში დაიწყო, KF Tirana-ს ახალგაზრდულ გუნდში. 18 წლის ასაკში, მან მთავარ გუნდში გადასვლა მოახერხა, ნაწილობრივ მწვრთნელი სულეიმან მემას დახმარებით და მიეცა შანსი კონკურენცია გაეწია სოკოლ პრენგასთვის და არდიან მემასთვის, ნახევარმცველის პოზიციისთვის. პროფესიონალური კარიერის პირველ სეზონში მან 13 თამაშში მიიღო მონაწილეობა. 1999–2000 წლების სეზონში, ბულკუმ მარტივად მოახერხა ავტორიტეტის მოპოვება პირველ გუნდში, კლუბის ახალ მენეჯერს, შელქიმ მუჩას სჯეროდა რომ ბულკუ პერსპექტიული ახალგაზრდა იყო, ამავრდოულად მისი შანსები საგრძნობლად გაიზარდა მას შემდეგ რაც მისმა თანამემამულე ნახევარმცველებმა ელდორადო მერკოჩმა, დევის მუკაიმ, კლოდიან დურომ და სოკოლ პრენგამ დატოვეს კლუბი. მათი წასვლა ნიშნავდა, რომ ბულკუ უფრო ხშირად გამოდიოდა პირველ გუნდში. მან შთამბეჭდავი 21 მატჩი ჩაატარა მეორე სეზონში, ამავე სეზონში მან მოიგო პირველი თასი კარიერაში, ალბანეთის სუპერლიგის ტიტული. შესანიშნავი სეზონის შემდეგ, მისი მიზანი იყო 2000-2001 წლების სეზონზე უკეთესად ეასპარეზა, მაგრამ მან ეს ვერ მოახერხა. ამის მიზეზი გახლდათ ორი ტრავმა, რაც იმას ნიშნავდა, რომ ბულკუ სეზონის უმეტეს ნაწილს სათადარიგო სკამზე გაატარებდა. მიუხედავად ამისა, მან მაინც მოახერხა ალბანეთის სუპერთასის მოგება სეზონის დასაწყისში, მაგრამ ტირანამ წააგო ტიტულისთვის ბრძოლა Vllaznia Shkodër-თან. კარიერის მომდევნო რამდენიმე სეზონის განმავლობაში ბულკუმ მოახერხა ავტორიტეტის დაბრუნება გუნდში, მან მედიისა და გულშემატკივრების ყურადღება მიიქცია, რადგან მისი განზრახვა წარმატებული კარიერა იყო და ამის განსახორციელებლად თავს არ ზოგავდა. იგი თითქმის ყველა ტურში ახერხებდა თამაშს, შემდეგ კი გახდა გუნდის გამორჩეული წევრი. 2001–02 სეზონში ის იყო გუნდის რეგულარული წევრი 2001–02 ალბანეთის თასის გათამაშებაში, გაიტანა ორი გოლი ფინალისკენ მიმავალ გზაზე, ტირანამ კი თასის მოპოვება შეძლო. ფინალური მატჩი ტირანას დინამოს წინააღმდეგ გაიმართა, სადაც მათ მოახერხეს გამარჯვება, ანგარიშით 1–0. ევროპულ თამაშებზე იგი საკვანძო მოთამაშედ მიიჩნეოდა და ასპარეზობდა ისეთი გუნდების წინააღმდეგ, როგორებიცაა დინამო თბილისი, ფერენცვაროში, სოფიას ცსკა და კეისერისპორი. მან ასევე ითამაშა ალბანეთის სუპერთასის ექვს ფინალში ტირანაში ყოფნის დროს და ექვსი ფინალიდან ხუთში გამარჯვება მოიპოვა, მათ შორის არის ცნობილი გამარჯვება, ანგარიშით 6-0, ტირანის დინამოსთან, რომელშიც ბულკუმ გოლის გატანა შეძლო. ტირანაში ასპარეზობის ბოლო სეზონში, ბულკუმ, რომელმაც მოიგო ალბანეთს სუპერლიგალიგა, თასი და სუპერთასი. მან 30 მატჩი ჩაატარა და ერთი გოლის გატანა მოახერხა, ითამაშა სუპერთასის ფინალში, სადაც KS Elbasani -ის წინააღმდეგ გამარჯვება მოიპოვეს, ანგარიშით 2-0 . მან ასევე ითამაშა ალბანეთის თასის ფინალში Vllaznia–ს წინააღმდეგ, სადაც კლუბმა გაიმარჯვა, ანგარიშით 1-0.
This article uses material from the Wikipedia ქართული article ერვინ ბულკუ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.