ელიზე რეკლიუ
ჟან ჟაკ ელიზე რეკლიუ (ფრანგ.
15 მარტი 1830 — გ. 4 ივლისი 1905) — ფრანგი გეოგრაფი, სოციოლოგი, პოლიტიკური მოღვაწე. ანარქიზმის ერთ-ერთი თეორეტიკოსი. I ინტერნაციონალის წევრი, ემხრობოდა ბაკუნისტებს, ლუი ბონაპარტის სახელმწიფო გადატრიალების შემდეგ წავიდა ემიგრაციაში; ცხოვრობდა დიდ ბრიტანეთში, აშშ-ში, სამხრეთ ამერიკის ქვეყნებში. პარიზის კომუნის (1871) პერიოდში იყო ეროვნული გვარდიის მებრძოლი. რეკლიუ ტყვედ იგდეს ვერსალელებმა და დასაჯეს სამშობლოდან სამუდამო განდევნით. ცხოვრობდა იტალიაში, შვეიცარიაში, ბელგიაში.
| ელიზე რეკლიუ | |
|---|---|
| ფრანგ. Élisée Reclus | |
 | |
| დაბ. თარიღი | 15 მარტი, 1830[1] [2] [3] [4] [5] [6] |
| დაბ. ადგილი | სენტ-ფუა-ლა-გრანდი, ჟირონდა, საფრანგეთი |
| გარდ. თარიღი | 4 ივლისი, 1905[1] [2] [3] [4] [7] [5] [6] (75 წლის) |
| გარდ. ადგილი | ტორუ, დასავლეთი ფლანდრია, ბელგია |
| დასაფლავებულია | იქსელის სასაფლაო |
| მოქალაქეობა | საფრანგეთი |
| საქმიანობა | გეოგრაფი, უნივერსიტეტის პროფესორი, communard და მწერალი |
| მუშაობის ადგილი | ბრიუსელის ახალი უნივერსიტეტი |
| ალმა-მატერი | ბრიუსელის ახალი უნივერსიტეტი |
| მამა | ჟაკ რეკლიუ |
| დედა | Zéline Reclus |
| ნათესავ(ებ)ი | პოლ ბროკა[9] და Germain Casse |
| ჯილდოები | მფარველის მედალი[10] |
| ხელმოწერა |  |
1892-1905 წლებში იყო გეოგრაფიის პროფესორი ბრიუსელში (თავდაპირველად თავისუფალ უნივერსიტეტში, შემდეგ მისი ინიციატივით შექმნილ ახალ უნივერსიტეტში). თავის შრომებში რეკლიუმ განამტკიცა ისტორიის როლი ქვეყანათმცოდნეობაში. საყოველთაო აღიარეა მოიპოვა რეკლიუს 19 ტომიანმა შრომამ „ადამიანი და დედამიწა“ (1876-1894), რომელსაც მკვლევარი დაახლოებით 20 წელი წერდა. ამ წიგნში რეკლიუს მასალა კავკასიის შესახებ მიაწოდა ქართველმა პუბლიცისტმა იონა მეუნარგიამ. რეკლიუ საზოგადოების განვითარებაში დიდ როლს ანიჭებდა გეოგრაფიულ გარემოს, მაგრამ არ იყო გეოგრაფიული დეტერმინიზმის თანამიმდევრული მომხრე. გეოგრაფიაში „ანარქიული“ მიმართულების წარმომადგენელი იყო. 1892 წელს საფრანგეთის გეოგრაფიულმა საზოგადოებამ მიანიჭა ოქროს მედალი.
რესურსები ინტერნეტში
- ელიზე რეკლიუ — სტატია დიდი რუსული ენციკლოპედიიდან (რუსული)
- ელიზე რეკლიუ — სტატია ენციკლოპედია ბრიტანიკიდან (ინგლისური)
ლიტერატურა
ქართული საბჭოთა ენციკლოპედია, ტ. 8, თბ., 1984. — გვ. 344.
- ცაიშვილი ს., გოგია ი., წერილები ოინა მეუნარგიისადმი, ზუგდიდის სახელმწიფო ისტორიულ-ეთნოგრაფიული მუზეუმის შრომები, 1947, [ტ.] 1. გვ. 267-268, 293-294 (რეკლიუს წერილი, თარგმანი და კომენტარი).
- Лебедева Н. А., Лебедев Н. К., Э. Реклю, М., 1956.
სქოლიო
This article uses material from the Wikipedia ქართული article ელიზე რეკლიუ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.