დიეგო და სილვა კოსტა (პორტ.
7 ოქტომბერი, 1988, ლაგარტუ, სერჟიპი, ბრაზილია) — ბრაზილიელი და ესპანელი ფეხბურთელი, ვულვერჰემპტონ უონდერერსისა და ესპანეთის ეროვნული საფეხბურთო ნაკრების თავდამსხმელი. 2014 და 2018 წლების მსოფლიო ჩემპიონატების მონაწილე.
2019 წელს | |||
პირადი მონაცემები | |||
---|---|---|---|
სრული სახელი | დიეგო და სილვა კოსტა | ||
დაბადების თარიღი | 7 ოქტომბერი, 1988 | ||
დაბადების ადგილი | ლაგარტუ სერჟიპი ბრაზილია | ||
სიმაღლე | 185 სმ. | ||
სათამაშო პოზიცია | თავდამსხმელი | ||
საკლუბო ინფორმაცია | |||
მიმდინარე კლუბი | ვულვერჰემპტონ უონდერერსი | ||
ნომერი | 19 | ||
ახალგაზრდული კარიერა | |||
2004–2006 | ბარსელონა ესპორტივუ კაპელა | ||
პროფესიონალური კარიერა* | |||
წლები | გუნდი | მატჩი | (გოლი) |
2006 | ბრაგა | 0 | (0) |
2006 | → პენაფიელი | 13 | (5) |
2007–2009 | ატლეტიკო მადრიდი | 13 | (2) |
2007 | → ბრაგა | 7 | (0) |
2007–2008 | → სელტა | 30 | (5) |
2008–2009 | → ალბასეტე | 35 | (9) |
2009–2010 | რეალ ვალიადოლიდი | 34 | (8) |
2010–2014 | ატლეტიკო მადრიდი | 94 | (43) |
2012 | → რაიო ვალიეკანო | 16 | (10) |
2014–2017 | ჩელსი | 89 | (52) |
2018–2020 | ატლეტიკო მადრიდი | 61 | (12) |
ეროვნული ნაკრები‡ | |||
2013 | ბრაზილია | 2 | (0) |
2014– | ესპანეთი | 24 | (10) |
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 22 აპრილი, 2019 ‡ ეროვნული ნაკრების მატჩი და გოლი ბოლოს განახლდა: 5 ივლისი, 2018 |
დიეგო კოსტა ბრაზილიის სერჟიპის შტატის ქალაქ ლაგარტუში 1988 წლის 7 ოქტომბერს დაიბადა ჟოზე დე ჟეზუს და ჟოსილეიდე და სილვა კოსტების ოჯახში. მამამისმა სახელი დიეგო მარადონას საპატივცემულოდ დაარქვა. 15 წლის ასაკში მშობლიური ქალაქიდან სან-პაულუში გადავიდა, სადაც ბიძამისის ჟარმინიოს მაღაზიაში მუშაობდა. ბიძამისმა მას ადგილობრივი კლუბის იბიუნას „ბარსელონა ესპორტივუ კაპელას“ მესვეურებთან გაუწია მას რეკომენდაცია და კოსტას საფეხბურთო კარიერა სწორედ ამ ბრაზილიური კლუბიდან დაიწყო, სადაც ის 2004–2006 წლებში ასპარეზობდა. შემდეგ იყო პორტუგალიური კლუბები „ბრაგა“ და „პენაფიელი“ (2006), რის შემდეგაც ესპანეთში გადაინაცვლა, სადაც „სელტას“ (2007–2008), „ალბასეტეს“ (2008–2009) და „რეალ ვალიადოლიდის“ (2009–2010) ღირსებას იცავდა, ვიდრე 2010 წელს ესპანეთის პრიმერა დივიზიონის ერთ-ერთ გრანდს მადრიდის „ატლეტიკოს“ შეუერთდებოდა. 2010–2014 წლებში ამ კლუბის რიგებში მან ესპანეთის პრიმერის 94 შეხვედრაში მიიღო მონაწილეობა და 43 გოლი გაიტანა. 2012 წელს იჯარით „რაიო ვალიეკანოს“ რიგებში აპარეზობს და ჩემპიონატის 16 მატჩში 10 ბურთი გააქვს. 2013 წელს ესპანეთის მოქალაქეობას იღებს. კოსტასთვის საუკეთესო იყო 2013–14 წლების სეზონი, როდესაც მან მადრიდის „ატლეტიკოს“ მაისურით 35 გოლი გაიტანა, ესპანეთის ჩემპიონი გახდა და ესპანეთის თასს დაეუფლა, ამასთან გუნდთან ერთად ჩემპიონთა ლიგის ფინალში გააღწია. 2014 წლის ზაფხულში კოსტა 32 მილიონი ფუნტად ლონდონის „ჩელსიმ“ შეიძინა. აქ მან 2017 წლის ჩათვლით იასპარეზა, სადაც ინგლისის პრემიერლიგის 89 შეხვედრაში 52 ბურთი გაიტანა და ინგლისის ორგზის ჩემპიონის ტიტული (2014–15, 2016–17) და ინგლისის ლიგის თასი მოიპოვა (2014–15). 2018 წლიდან კვლავ მადრიდის „ატლეტიკოს“ რიგებშია.
დიეგო კოსტამ მსოფლიო ჩემპიონატების 6 შეხვედრაში მიიღო მონაწილეობა და 3 გოლი გაიტანა.
ჩემპ. | მასპინძელი | № | პოზიცია | შ | ბ | მ | ფ | წ | შედეგი |
---|---|---|---|---|---|---|---|---|---|
2014 | ბრაზილია | 19 | თავდამსხმელი | 2 | 0 | 0 | 0 | 2 | ჯგუფური ეტაპი |
2018 | რუსეთი | 19 | თავდამსხმელი | 4 | 3 | 1 | 3 | 0 | მერვედფინალი |
This article uses material from the Wikipedia ქართული article დიეგო კოსტა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.