დავით ზურაბიშვილი
დავით ზურაბიშვილი (დ.
16 მარტი, 1957, თბილისი) — ქართველი ეკონომისტი, მწერალი და პოლიტიკოსი. საქართველოს რესპუბლიკური პარტიის წევრი.
| დავით ზურაბიშვილი | |
|---|---|
 | |
| დაბადების თარიღი | 16 მარტი, 1957 თბილისი, საქართველოს სსრ, სსრკ |
| ეროვნება | ქართველი |
| მოქალაქეობა |  სსრკ → საქართველო |
| განათლება | თბილისის სახელმწიფო უნივერსიტეტი |
| საქმიანობა | ეკონომისტი, მწერალი, პოლიტიკოსი |
| მეუღლე(ები) | ხათუნა კოპალეიშვილი |
| შვილ(ებ)ი | გიორგი, ანასტასია |
1976 წელს დაამთავრა თბილისის სახელმწიფო უნივერსიტეტის ეკონომიკის ფაკულტეტი. 1979-1981 წლებში მუშაობდა საქართველოს მეცნიერებათა აკადემიის ეკონომიკისა და სამართლის ინსტიტუტის უმცროს მეცნიერ-თანამშრომელად. 1981-1990 წლებში — მწერალთა კავშირის მხატვრული თარგმნისა და ლიტერატურულ ურთიერთობათა მთავარი სარედაქციო კოლეგიის რედაქტორად, უფროს მეცნიერ-რედაქტორად 1992-1994 წლებში. 1990-1991 წლებში იყო გამომცემლობა „იანუსის“ რედაქტორი, 1995-1996 წლებში — გაზეთ „არგუმენტის“ რედაქტორი, 1996-1997 წლებში — მშვიდობის, დემოკრატიისა და განვითარების კავკასიური ინსტიტუტის ბიულეტენ Georgia Profile-ის რედაქტორი, 1997-2004 წლებში — თავისუფლების ინსტიტუტის გამგეობის წევრი.
2004–2008 წლებში იყო საქართველოს მე-6 მოწვევის პარლამენტის წევრი პარტიული სიით, საარჩევნო ბლოკი: „ნაციონალური მოძრაობა - დემოკრატები “. 2004–2005 წლებში იყო უპარტიო ფრაქცია „ნაციონალური მოძრაობა – დემოკრატების“ თავმჯდომარის მოადგილე და განათლების, მეცნიერების, კულტურისა და სპორტის კომიტეტის წევრი, პარლამენტის ბიუროს წევრი. 2005–2008 წლებში — ფრაქცია „დემოკრატიული ფრონტის“ წევრი და თავმჯდომარის მოადგილე. 2012–2013 წლებში — საქართველოს განათლებისა და მეცნიერების სამინისტროს მინისტრის მოადგილე.
პოლიტიკის, ეკონომიკისა და ლიტერატურის შესახებ არსებული სტატიების ავტორი.
ბიბლიოგრაფია
- მოგზაურობა სიზმარეთში, ანუ გიორგისა და ანასტასიას არაჩვეულებრივი თავგადასავალი, თბ., 1997
რესურსები ინტერნეტში
- დავით ზურაბიშვილი — საქართველოს ბიოგრაფიული ლექსიკონი
- დავით ზურაბიშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
This article uses material from the Wikipedia ქართული article დავით ზურაბიშვილი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.