გიგი წერეთელი
გიორგი (გიგი) წერეთელი (დ.
23 თებერვალი 1964, თბილისი) — ქართველი პოლიტიკოსი, საქართველოს პარლამენტის ხუთგზის (1999, 2003, 2008, 2012, 2016) წევრი. ეუთო-ს საპარლამენტო ასამბლეის პრეზიდენტი 2017 წლიდან 2020 წლის 14 დეკემბრამდე.
| გიორგი (გიგი) წერეთელი | |
_at_OSCE_PA_Autumn_Mtg,_Geneva,_5_October_2014.jpg) გიგი წერეთელი ეუთო-ს შეხვედრაზე, ჟენევაში, 2014 წელს | |
| ეუთო-ს საპარლამენტო ასამბლეის პრეზიდენტი | |
|---|---|
| თანამდებობაზე ყოფნის დრო | |
| 2017 – 14 დეკემბერი, 2020 | |
| წინამორბედი | კრისტინე მუტონენი |
| მემკვიდრე | პიტერ ბაუნესი |
| თანამდებობაზე ყოფნის დრო | |
| 17 თებერვალი, 2004 – 4 მაისი, 2004 | |
| პრეზიდენტი | მიხეილ სააკაშვილი |
| პრემიერ-მინისტრი | ზურაბ ჟვანია |
| მემკვიდრე | ვლადიმერ ჭიპაშვილი |
საქართველოს პარლამენტის თავმჯდომარის მოვალეობის შემსრულებელი | |
| თანამდებობაზე ყოფნის დრო | |
| ნოემბერი, 2003 – იანვარი, 2004 | |
| პრეზიდენტი | ნინო ბურჯანაძე (მ/შ) |
| დაბადებული | 23 თებერვალი, 1964 თბილისი, საქართველოს სსრ, სსრკ |
| საარჩევნი ოლქი | მთაწმინდის რაიონი |
| მოქალაქეობა |  სსრკ → საქართველო |
| ეროვნება | ქართველი |
| პოლიტიკური პარტია | ერთიანი ნაციონალური მოძრაობა (2001-2017) ევროპული საქართველო (2017-დღემდე) |
| შვილები | 2 |
| პროფესია | ექიმი-ნევროლოგი |
| საქმიანობა | საქართველოს პარლამენტის წევრი |
| რელიგია | მართლმადიდებელი |
ბიოგრაფია
1980 წელს წარჩინებით დაამთავრა ქ. თბილისის N 55 საშუალო სკოლა და N 8 მუსიკალური სასწავლებელი. 1986 წელს დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი. 1986-1987 მუშაობდა ცენტრალური რესპუბლიკური საავადმყოფოს ნევროლოგიურ განყოფილებაში ექიმ-ინტერნად. 1987-1989 წლებში გაიარა კლინიკური ორდინატურის სრული კურსი კლინიკური და ექსპერიმენტული ნევროლოგიის ინსტიტუტში. 1989-1993 მუშაობდა კლინიკური და ექსპერიმენტული ნევროლოგიის ინსტიტუტში ექიმ-ნევროლოგად. აწარმოებდა სამეცნიერო კვლევას ნევროლოგიურ დაავადებათა იმუნოლოგიურ ასპექტებზე, გამოქვეყნებული აქვს რამდენიმე სამეცნიერო შრომა ამ სფეროში. 1993-1995 წლებში იყო საზღვარგარეთ.
1995 წელს მუშაობა დაიწყო თბილისის მერიაში სოციალურ საკითხთა დეპარტამენტის თავმჯდომარის პირველ მოადგლედ. იმავე წელს გადაიყვანეს ვაკის რაიონის გამგეობის თავმჯდომარედ. 1996-1998 წლებში იყო თბილისის ვიცე-პრემიერი. ხელმძღვანელობდა ჯანდაცვის, განათლების, კულტურის, სოციალური დაცვისა და სპორტის საკითხებს.
პოლიტიკური კარიერა
1998 წლის ადგილობრივ არჩევნებში გახდა თბილისის საკრებულოს წევრი და ფრაქცია „თბილისის“ თავმჯდომარე. 1999 -2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი: „საქართველოს მოქალაქეთა კავშირი “. 2000 წელს გახდა საქართველოს პარლამენტის თავმჯდომარის მოადგილე. ვარდების რევოლუციის შემდეგ გახდა პარლამენტის თავმჯდომარის მოვალეობის შემსრულებელი, რადგანაც პარლამენტის თავმჯდომარე ნინო ბურჯანაძე ასრულებდა საქართველოს პრეზიდენტის მოვალეობას. 2004-2008 წლებში — საქართველოს მე-6 მოწვევის პარლამენტის წევრი (თბილისის მთაწმინდის მაჟორიტარი), საარჩევნო ბლოკი: „ბურჯანაძე — დემოკრატები “.
2004 წლის თებერვლიდან მაისამდე იყო საქართველოს შრომის, ჯანმრთელობისა და სოციალური დაცვის მინისტრი, ამავდროულად მთავრობის ვიცე-პრემიერი. იმავე წლის მაისიდან დაუბრუნდა საპარლამენტო საქმიანობას და დაიკავა პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის პოსტი. 2008-2012 წლებში — საქართველოს მე-7 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა - გამარჯვებული საქართველოსთვის“. 2012-2016 წლებში — საქართველოს მე-8 მოწვევის პარლამენტის წევრი პარტიული სიით , საარჩევნო ბლოკი: „ერთიანი ნაციონალური მოძრაობა — „მეტი სარგებელი ხალხს“. 2016-2020 წლებში — საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა“.
2017 წლიდან ეუთო-ს საპარლემენტო ასამბლეის პრეზიდენტია, ჯერ როგორც მოვალეობის შემსრულებელი, 2018 წლიდან კი როგორც არჩეული პრეზიდენტი. 2017 წელს ერთიან ნაციონალურ მოძრაობაში მომხდარი პარტიული კრიზისის შედეგად პარტიიდან ერთი ნაწილი, რომელთა შორის იყო წერეთელი, წავიდა და დააფუძნა ახალი პოლიტიკური პარტია "ევროპული საქართველო - მოძრაობა თავისუფლებისთვის".
პირადი და ოჯახური ცხოვრება
ფლობს რუსულ, ინგლისურ ენებს. ჰყავს მეუღლე და ორი შვილი. არის საჭადრაკო კლუბის „NTN“ საპატიო პრეზიდენტი, მაგიდის ჩოგბურთის ფედერაციის საპატიო პრეზიდენტი; ბავშვთა ბეისბოლის ლიგის პრეზიდენტი, საქართველოს დიაბეტის ფედერაციის წევრი. აქვს ბოსტონის უნივერსიტეტის საზოგადოებრივი ჯანდაცვის სკოლის სერტიფიკატი საერთაშორისო ჯანდაცვის ეკონომიკასა და ფინანსებში (2005).
რესურსები ინტერნეტში
- გიგი წერეთელი — საქართველოს ბიოგრაფიული ლექსიკონი
- გიგი წერეთელი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
This article uses material from the Wikipedia ქართული article გიგი წერეთელი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.