გალიჩის სამთავრო
გალიჩის სამთავრო — რუსული ფეოდალური სამთავრო.
მდებარეობდა კარპატის მთების ჩრდილო-აღმოსავლეთ ფერდობებზე. X საუკუნეში გალიჩის მიწები კიევის რუსეთის შემადგენლობაში შედიოდა. XI საუკუნის შუა ხანებში მთავარ ვლადიმირ იაროსლავის ძის შემდეგ კი მის შვილს — როსტისლავს ემორჩილებოდა. გალიჩის მთავრები დამოუკიდებლობისათვის იბრძოდნენ და ამ მიზნით ყივჩაყებს და ბიზანტიას უკავშირდებოდნენ. იაროსლავ ოსმომისლის მმართველობის დროს გალიჩის სამთავრომ დიდ აყვავებას მიაღწია. მისი გარდაცვალების შემდეგ სამთავროს გავლენა დაეცა. 1199 წელს იგი ხელთ იგდო ვოლინის მთავარმა — რომან მსტისლავის ძემ.
ლიტერატურა
- ქართული საბჭოთა ენციკლოპედია, ტ. 2, თბ., 1977. — გვ. 644.
This article uses material from the Wikipedia ქართული article გალიჩის სამთავრო, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.