სერ ბერნარდ ლოუ მონტგომერი, ალემეინის პირველი ვიკონტ მონტგომერი (ინგლ.
1887 წლის 17 ნოემბერი — გ. 1976 წლის 24 მარტი) — ბრიტანეთის არმიის ფელდმარშალი. მონაწილეობდა პირველ და მეორე მსოფლიო ომებში.
მონტგომერიმ პირველი ბრძოლა როგორც უმცროსმა ოფიცერმა გადაიხადა უორიკშირის სამეფო პოლკის შემადგენლობაში ყოფნისას მეტერანში, ბელგია-საფრანგეთის საზღვართან ახლოს. ფლანდრიის ბრძოლში ის სნაიპერმა ფილტვში დაჭრა. დასავლეთ ფრონტზე დაბრუნებისას როგორც გენერალური შტაბის ოფიცერმა მიიღო მონაწილეობა არასის ბრძოლაში. მონტგომერიმ ომის დასრულებამდე ასევე ფლანდრიის მესამე ბრძოლაშიც მიიღო მანაწილეობა.
მეორე მსოფლიო ომის დროს, 1942 წლის აგვისტოდან, მეთაურობდა დიდი ბრიტანეთის მერვე არმიას. დიუნკერკის ბრძოლის და ევაკუაციის დროს მეთაურობდა II კორპუსს, სადაც 300 000-ზე მეტი ბრიტანელი სამხედროს ევაკუაცია მოხდა. ელ-ალამეინის მეორე ბრძოლაში, რომელიც დაიწყო 1942 წლის 23 ოქტომბერს და დასრულდა 12 დღის შემდეგ; მონტგომერის ძალებმა დაამარცხეს ერვინ რომელის ძალები. 1943 წელს მონტგომერი კვლავ მერვე არმიას მეთაურობდა, მაგრამ, ამჯერად, სიცილიაში შეჭრისას. 1944 წლის იანვარში მონტგომერი ბრიტანეთში დაბრუნდა, დაინიშნა 21-ე არმიათა ჯგუფის მეთაურად (რომელიც ოპერაცია „ოვერლორდში“ და ოპერაცია „ნეპტუნში“ შემავალ ყველა სახმელეთო დანაყოფს და ფორმირებას მოიცავდა) და ნორმანდიაში შეჭრისთვის მზადება დაიწყო, ამ პერიოდში როგორც ჩერჩილს ასევე ეიზენჰაუერს მონტგომერისთან მუშაობა გაუჭირდათ და მისი სერ სერ ჰაროლდ ალექსანდერით ჩანაცვლებას განიხილავდნენ, თუმცა ნორმანდიაში შეჭრის შემდეგ ომის დასრულებამდე 21-ე არმიას ბერნარდ მონტგომერი მეთაურობდა.
This article uses material from the Wikipedia ქართული article ბერნარდ მონტგომერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.