Jikustik

Nalika sasi Fèbruari 1996, satunggalipun kempalan lare enem sarujuk damel grup G-Coustik. Huruf 'G' asalipun saking nama Geronimo FM, satunggalipun radio ing Yogyakarta, ingkang gadhah peran wontenipun grup Jikustik. Coustic asalipun saking tembung acoustic. Geronimo FM gadhah satunggal program radio ingkang nyurung band-band independen kanggé mirengaken karya-karya band-band independen punika ing masarakat. Saking punika kalih lagu ingkang irah-irahanipun Berdua Lagi lan Seribu Tahun Lamanya wiwit dipunmangertosi déning masarakat Yogyakarta. Saderengipun ndhèrèk grup Jikustik, Icha lan Adhit naté damel grup band kaliyan Eross "Sheila on 7". Grup punika dipunparingi nama Dizzy ingkang asring pentas ing acara sekolah lan kampus. Dizzy mbekta lagu rock n roll ngantos top 40 kanthi Icha minangka vokalisipun. Taun 1999, satunggalipun rekaman independen, "Bulan di Yogya", dados lampah ingkang wiwitan grup G-Coustic karier ing musik Indonesia. Album kasebat kaisi lagu-lagu, Bulan di Pangkuan, Bersanding Denganmu, Rie..., Menunggumu Pulang, Seribu Tahun Lamanya, Separuh Hati, Didera Hujan, lan Adinda. Album meniak dipunprodhuseri Woodel's Production, ingkang pungkasanipun manggihaken G-Coustic kaliyan Warner Music Indonesia. Taun 2000 karipta album Seribu Tahun lan lair nama Jikustik.

• Seribu Tahun (2000)
• Seribu Tahun Repackaged (2001)
• Perjalan Panjang (2002)
• Sepanjang Musim (2003)
• Pagi (2004)
• Kumpulan Terbaik Jikustik (2005)
• Siang (2006)
• Sore (2007)
• Petang (2007)
• Malam (2008)
• Hari Ini (2009)
• Kembali Indah (2011)
• Live Acoustic Album (2014)
• Tetap Berjalan (2015)