Irfan Hakim Firmansyah (lair ing Bandung, 15 Oktober 1975; umur 48 taun).
Irfan Hakim ya iku salah sijiné modhel, pelawak, juru main sinétron, lan presenter kang asalé saka Indonésia.
Irfan Hakim | |
---|---|
Lair | Irfan Hakim Firmansyah Oktober 15, 1975 Bandung, Jawa Barat, Indonesia |
Bangsa | Indonesia |
Pakaryan | Artis, Model, Pelawak, Pranatacara |
Taun aktif | 1997 - saiki |
Bojo | Della Sabrina Indah Putri |
Anak | Aisha Maydina Hakim Rakana Hakim dan Raina Hakim (kembar) |
Irfan Hakim iku anak nomer pitu saka sadulur kang cacahé wolu. Irfan Hakim iku putrané H. Rosyid Sukarya lan Hj. Juariah. Irfan wis biyasa manggung kaya ta maca puisi, nari lan nyanyi. Malah nalika taun 1997, Irfan Hakim tau dadi dhuta seni Indonesia. Pengalaman iki ndadékaké Irfan manteb kerja ing donyaning hiburan Indonesia. Irfan éntuk kasempatan kanggo lunga menyang Jepang lan Éropah kanggo mamerake kabudayan Indonesia. Pengalaman iki ndadèkaké Irfan sangsaya tenanan anggoné nyambut gawé ing donyaning hiburan.
Irfan Hakim miwiti kariré nalika dhèwèké dadi modhél. Sawisé dadi modhel, Irfan banjur dadi bintang iklan, juru main sinétron lan presenter. Acara kang tau kabawah ya iku Game Zone, Unik, KDI 3, KDI 4, KDI 5, Titian Semangat, lan Insert Pagi. Saliyané iku, Irfan uga tau dadi ikon Sarimi. Déné sinétron kang tau dibintangi Irfan Hakim ya iku Anak Mami Jatuh Cinta, Joe Bebek, Kurindu Jiwaku, Putri Keempat, lan Bang Jagur.
Nalika tanggal 7 Juli 2007, Irfan Hakim dhaup klawan Della Sabrina Indah Putri. Della iku bocah wadon lan dadi anak siji-sijiné Panglima Kodam (Pangdam) VII Wirabuana Mayjen TNI Arief Budi Sampurno. Della iku lulusan D3 Teknik Informatika STT Telkom nalika taun 2004. Saka pernikahané iki, Irfan lan Della éntuk anak kang jenengé Aisha Maydina Hakim, kang lair nalika tanggal 1 Mèi 2008. Irfan lan Della uga nduwé anak kembar ya iku Rakana Hakim lan Raina Hakim, kang lair nalika tanggal 21 Mèi 2010.
Ķ
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Irfan Hakim, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.