Daniel Mananta (ing MTV biyasa diundang VJ Daniel; lair ing Jakarta, 14 Agustus 1981; umur 42 taun).
Daniel Mananta ya iku salah sijiné présènter kang asalé saka Indonésia. Kariré diwiwiti nalika Daniel Mananta dadi VJ ing MTV Indonésia. Daniel Mananta dadi VJ wiwit sasi Mèi 2003. Daniel Mananta iku lulusan saka Univèrsitas Edith Cowan Perth, Australia. Saliyané dadi VJ, Daniel Mananta uga ngembangaké kariré kanthi akting. Daniel Mananta banjur main ing sinétron kang judhulé I Love U Boss. Wong lanang kang nduwé awak atlètis lan sixpack iki duwé awak kang dhuwuré 187 cm.
Daniel Mananta | |
---|---|
Lair | Jakarta, Indonesia | Agustus 14, 1981
Jeneng liya | VJ Daniel |
Pakaryan | Pembawa acara, MTV |
Taun aktif | 2003 - saiki |
Dhuwur | 187 cm (6 ft 2 in) |
Kariré sangsaya misuwur nalika Daniel Mananta dadi présènter ing acara Indonesian Idol wiwit mangsa katelu nalika taun 2006 nganti taun 2010. Nalika iku, Daniel Mananta nggentèni présènter Irgy Ahmad Fahrezi. Daniel Mananta seneng karo musik J-Rock lan Jazz. Saliyané iku, Daniel Mananta uga seneng karo kabudayan Jepang, maca komik lan bal-balan. Saliyané iku Daniel Mananta uga tau akting layar amba ing filem kang judhulé "Rumah Dara". Film iki digawé nalika taun 2010. Film iki kang ndadèkaké Daniel Mananta banjur seneng akting. Nalika sasi Fèbruari taun 2007, Daniel Mananta ketemu karo salah siji pimpinan MTV. Prastawa iki kang ndadèkaké Daniel Mananta bisa duwé karir dadi VJ MTV.
Nalika lagi syuting stripping Daniel Mananta nduwé akal kanggo modhifikasi mobile dadi ruwangan kang ora mboseni. Contoné, Daniel Mananta mènèhi TV lan PS supaya nalika lèrèn syuting Daniel Mananta bisa main game saéngga ora bosen.
Daniel Mananta tau pacaran karo kancané kang padha-padha nduwé karir dadi VJ MTV ya iku VJ Marissa. Nanging gegayutan iki banjur pedhot.
Sinétron kang dibintangi Daniel Mananta.
Filn kang dibintangi Daniel Mananta.
Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Daniel Mananta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.