Jezu Krist sonvsarant denvlolo Devacho put.
Romi |
Tacho zolm' Belea nogrant zalo. Ankvar Mariên Povitr Otmeachea kurpên gorbest zaun, Jezuk eka gorvam gottean zolm' dilo. Ontrollar anj tachi mhoima gaitale. Noketran udentichea raiank vatt dakhoili. Tannim Jezukdennim haddlim. Zolmolea uprant Jezuk Herod marunk sodi. Jezuk Ejiptak vhelo, Juzen ani Moriên. Nazaretak Jezu vaddlo. Jezun vhoddlo zaun bara xisank vinchle. Tannem zaiteo milagri keleo. Eka xisan tacho ghat ghetlo. Xekim taka, Kalvar dongrar, Khursar zoddlo. To melo ani taka nikhipilo. Tisrea disa to meleleantlo jivont zalo. Challis disamnim to sorgar choddlo. Jezu sorvpodvedar Deva Bapachea uzveak bosla ani thoim thaun jivim ani meleleanchim monsubi korunk ietolo.
Jezu ( 7-2 BC to 30-33AD) zaka Nazaretacho Jezu munn sogot volkotat zaun aslo Christanv dhormancho mukell fudari, ani sogle Christanv taka Devacho Put munn mantat. Sogle Christanv jea sodvondarache vatt polloun aslet, adlea korar, to voch Jezu Christ munn zannot.
Zannar manun ghetat, ki Jezu ek Galileanvcho judev munn, zo zolman ailo poilea shekdeache survatek, ani melo 30-36 AD Judea ganvant. Tanchem munnop assa ki Jezu zaun aslo munn ani ek Joao Bautist, ani taka Romanchea governaran zache naum aslem Pontius Pilate, khursar khillailo. To governor aslo 26 to 36 AD vorsa. Chodd zannar muntat ki Jezu ravtalo, Galilea ani Judea hea ganvanim, ani tannem vo novo dhorm porgotlo heanch ganvanim.
Povit koraracho boroinar Luke munta. Luke 3:23, ki Jezu tis vorsancho aslo, jednam tannem apli Ministry chalu keli, ani Acts 10:37-38 munta tea pormonem, tachi ministry, Johnnachea von poili suru zali ji Lukan boroilam tea pormonem, Luke 3: 1-2, Jezuchi Ministry suru zali fuim, 15ver vorsa Tiberiusache ( 28 or 29 AD). Hem soglem kont ixob laun zannar muntat ki Jezucho zolm zallo munn 6-4 BC.
Povit Korar munta tea pormonnem, Jezuchi Ministry chodd korun tannem millagri keleot, ani chodd milagri, duentank kurar korpacheo. Charui shub vortomanam pormonnem, sogleo milagri jeo Jezun keleot zaun assat 35-36. Heo Milagri don baxecho assat, Curar korpacheo, ani Soimbacheo Milargi. Curar korpacheo milagri muntlear, duentank borem korpachem, denvchar bosleat tanche voile denvchar kaddpache, ani meleank jivont korpache. Ani soimbacheo muntlear, udkacho soro korpacho, udkar cholmpachem, Moll zallea doreak nivoll korpak. Jezu munta ki, milagri fokot Devachea vorvinch korunk zata munn. Jedna Juzucher vaitt chintat te munnis munnok lagle ki denvcharank kaddun zata fokot denvchara vorvim, Juzu, munta ki apun fokot Spirit Santa vorvim, ( Matthew 12:28) or Devachea botta vorvim ( Luke 11:20)
Kont ani ixob korun zannar hea notojer pauleat ki Jezuk Khursar Khillailo, ani to melo hea vorsa 30-33AD. Ani shub vortomana pormonem, hi goddni goddli Pilatachea tempar, jedna to Romacho governor, Judea aslo. ( 26-36 AD). Saul vo Paulak appounem ailem to voros zaun aslem ( 33-36 AD)
Jezuchem jivit amkam Tersar Niall'lelê guttam vo misteram vorvim kollonk ieta. He gutt veg-veglle. Sontosache, Dukhiche ani Horkache. Papa Saib Juanv Paulu 2rean 2000 vorsa, Uzvaddache mister vo gutt porgott kele. Tea bhair amkam, anink Tachea jivitacher Povitr Pustokar boroil'lem mellta. Torui anink amkam Igorz Matechea porom'porê vorvim kollon ieta.
Jezucho zol'm ani bhurgemponn amkam sontosachea misteram-nim mellta.
Hem amkam uzvaddachea ghuttam vorvim mellta.
Jezuchê koxtt-dogd Dukhinchea misteramnim niall'lear amkam kollta.
Jezuchem punorjivontponn ani Sôrg Provês amkam Horkachea vo Orkachea misteramnim mellta.
Urlele tin mister Jezun bhaisail'lê Povitr Atmea vixim ani Ankvar Moriêchea mornna ani sôrg choddnê vixim ani tichea Sorgachi ani Prithumêchi Ranni nemnnê vixim asa.
Christanvancho bhavart borlolo assa ki Jezu, Spirit Santa vorvim, Ankvar Moria thai zolmolo, miligri keleo, Christanv dhorm goddun adlo, ani apun Khursar melo, tisrea dissa porot jivont zalo, ani sorgar choddlo, ani porot etolo. Sogle Kristanv, Jezuk, Dev mantat, zo zaun assa dusro zonn, ekach Devacho. Kristanvam mantat ki Jezu sorgar Deva bapachea uzveak bosla ani Nimannea disa, kupancher bosun, porot ietolo.
This article uses material from the Wikipedia गोंयची कोंकणी / Gõychi Konknni article Jezu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.