Luka Pormannem Jezu Kristachem Xubhvortoman
Gospel of Luke
Romi |
Luka Pormannem Jezu Kristachem Xubhvortoman
Luka Pormannem Jezu Kristachem Xubhvortoman
Luk Sirieche Antiokient zolmolo dista. To zolman Gri. Dhondean voiz ani chitarpi-I to also mhonn adim thaun khobor asa.
Dhormporgottnnechea vavrant Paulucho sangati, Pauluche dusre ani tisre dhormporgottnneche bhonvddent Luk tache borabor also; ani Pauluk Sezareiak ani Romak koidi korun dovorlolo tedna, Lukan tacho poramos kelo. Hache uprantlea tachea jivitachi chodd-xi khobor mellona.
Luk aplem Xubhvortoman Teofil nanvachea konn-ekleak bhettoita. Ho Teofil bori zutti choloitalo. Punn lukachem borovop chodd-xem kristanv zal’lea Grikank. Hea Xubhvortomanacho hetu spoxttponnim prostavnent dakhoila (1: 1-4 polle ).
Videxiam modlim kristanv zal;leamnim Povitr-Snan gheunche adim dharmik xikovnn ghetloli; Luk tankam dhormachea sotanchi sarki somzonni diunk ani teach borabor tancho bhavarth ksle thir bunaidir dhorlolo asa to dakhounk sodta.
Heram Xubhvortomananchea boroinnaram-von Luk thoddea kherit vixoiancher odik bhar ghalta. Hea vixoiancher nodor marlear, Lukacher Paulucho probhav kitlo zalo to distti poddta. Tache kherit vixoi mhollear he : sorv mon’xanchem taronn ani bhov doiall Devachem bhogsonnem; patkiam thai Jezuchi kaklut; gorib ani somazant lhan’vik mon’xam sorim, toxench bailam sorim, Jezuchi opurbai; Povitr Atmeachem kam’. Magnneacher-ui hea Xubhvortomanant boro nett ghal’lo asa; heram Xubhvortomanam poros odik pavtti Kristi mon’xam nhoich magnneachim mon’xam mhonn hem Xubhvortoman ugddas korta, punn Jezun magnnea vixim xikovnn dili tachi khobor sangta.
Ek kolakar koso, jive akar chitarun Luk apli kola dokhol korta ani oso her chitarpiank ek sfurti dita. Itihas borovchea kamant, Grik ani Romi itihaskaram kodde Lukak sor kel’lo asa. Dekhun Dante Alighieri hea Italian mha-kovin Luk “Kristache nomrutaiecho boroupi” mhonn sangun dovorlam.
Hea Xubhvortomanachi manddavoll oxi :
Prostavna : 1 : 1-4
Juanv Batistacho ani Jezucho zolm ani bhurgeponn : 1:5-2:52
Juanv Batistacho vavr : 3 : 1-20
Jezuchem snan ani porikxa : 3: 21-4:13
Galileiant Jezucho bhovxik vavr : 4:14-9:50
Galileia than Jerusaleak : 9: 51- 19:27
Jezuchem nimannem satollem : 19: 28 – 23: 56
Jezuchem punorjivontponn, dorxonam anis org-proves : 24:1-53
Polleiat
Sandarbh
This article uses material from the Wikipedia गोंयची कोंकणी / Gõychi Konknni article Luka Pormannem Jezu Kristachem Xubhvortoman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.