Efezkarank Pauluchem Potr
Epistle to the Ephesians
Romi |
Efezkarank Pauluchem Potr
Efezkarank Pauluchem Potr
Roma xarant Paulu poile pavtt bondkhonnint aslo tedna, sumar 63 vea vorsa tannem hem potr boroilem.
Tikikus hannem hem potr Dhaktte Azient haddlem; hea potra borabor, Koloskarank boroil’lem potr-ui tannem vhelem. Filemonak boroil’lem potr gheun, tikikusa borabor Onesimus gelo.
Efez hem Ostomteche Dhaktte Azientlem mukhel xar. Paulun sumar 53-56vea vorsmnim thoim Xubhvortoman porgott kel’lem. Hache uprant, sumar 200 kilometry pois udentik aslolea Laodiseia xarant, Efezachea kristanvm udexim, zaitea zannamnim Jezuk aplo ani somestancho Soddvonnar mhonn manun ghetlo. Kristanv bhavarth manun ghetlolea modem khub zannam videxi aslim, punn Judevancho ek lhan zomo-I aslo. Bhas ani vixoi pollelear, hem potr Koloskarank boroil’lea potra sarkem dista, punn zaiti onto rasa. Tem khol ani bore pod’dotin manddlolea kolponamnim bhorlolem. Hea potrachi mukhel chintna hi : Povitr-Sobha Jezu Kristachi Guddart Kudd; he Sobhe modem, Jezu sovem ani Jezu udexim, Dev Aplem Jivit he Sobhechea vangddiank dita. He Guddar Kuddichea jivitachem mukhel totv hea potrant ukteponnim oxem dakhoilam : Jezu Krista ani Tachea sandheam modem ekvott asa. Uprant, hea xrextt ekvottant rigleant tannim koxe bhaxen novem jivit jieunk zai tem sangun, hea potrant thoddeo adnia ani xiddkavnnio dileat.
Hea Potrachi manddavoll oxi :
Prostavna : 1 : 1-2
Jezu Krist ani Povitr-Sobha : 1 : 3-3:21
Jezy Krista sovem novem jivit : 4 : 1-6 : 20
Sompadnni : 6 : 21-24
Polleiat
Sandarbh
This article uses material from the Wikipedia गोंयची कोंकणी / Gõychi Konknni article Efezkarank Pauluchem Potr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.