Marku Pormannem Jezu Kristachem Xubhvortoman
Gospel of Mark
Romi |
Marku Pormannem Jezu Kristachem Xubhvortoman
Marku Pormannem Jezu Kristachem Xubhvortoman
Dusrem Xubhvortoman Markun boroilem. Novea Korarant taka khub pavtti “Juanv Marku” mhonnttat. Taka ani tache avoik purvile Povitr-Sobhent vhodd man also. Jerusaleant tanchem ghor aslem ani thoichim kristanv bhavbhoinn aplea zomatink tea ghorant ektthai zatalim. Paulun ani Barnabasan Siprus zunvear dhormporgottnnechi bhonvddi keli tedna, Marku tanchea bhaga also. Romak astana, 60vea vorsa, Kristanv zal’lea lokak Markun Grik bhaxen aplem Xubhvortoman boroilem. Poilim thaun Kristi lokan manun ghetlam tea pormannem, Pedruchi xikounn boroun dovor mhonn Romkaramnim Marku koddem maglolem.
Markucho hetu mhollear Jezu amcho Soddvonnar ani Devacho Put mhonn dakhounk. Hea karonna pasot Marku Jezuchea provochona poros Tachea ochorianchi odik khobor korta. Punn thoddeo ghoddnnio dita teo itle bariksannin dita, ki teo tannem khaxa polleleo-xeo distat. Tachi bhas sarki sompi, punn sobit ani khotkhotit.
Tacho mukhel vixoi mhollear khursar marlolo Soddvonnar. Eke vatten, Jezu Devacho Put mhonn khud Bap, devchar ani mon’xam porian Take govai ditat; ani Jezu Apunnuch vismitam korum. Devchar kaddun, Apnnak patkam bhogsunchi podvi asa mhonn dakhoun, adi, hem sot ruzu korta. Punn, dusre vatten, Judev lok Jezu Devacho Put mhonn sompeponnim manun ghena, Judevanche odhikari Tache dusman zatat, Tache xis legun Taka somzonant; Tacher virodh itlo choddta ki Taka nanch Korunk chodd-chodd lojechi ani vollvolleanchi xikxa taka Romi sorkara koddchi magun ghetat : taka khursar martat.
Hem sogllem Devache guddart ievzonne pormannem ghoddlem ani Devanuch Jezuk punorjivont korun Apnnem nemlolea Krist-Soddvonnarak vhoddlem zoit dilem mhonn Marku aplea Xuubhvortomanant sangta.
Hea Xubhvortomanachi manddavoll oxi asa :
Xubhvortomanachi survat : 1 ; 1-13 Galileiant Jezucho bhovxik vavr : 1 : 14-9:50 Galileiant thaun Jerusaleak : 10 : 1-52 Jezuchem nimannem satollem : 11: 1-15:47 Jezuchem punorjivontponn : 16 : 1-8 Jezuchim dorxonam anis org-proves : 16 : 9-20
Polleiat
Sondorbh
This article uses material from the Wikipedia गोंयची कोंकणी / Gõychi Konknni article Marku Pormannem Jezu Kristachem Xubhvortoman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.