Baybay Norwego: Pingir a baybay ti Amianan a Taaw Atlantiko
Ti Baybay Norwego (Norwego: Norskehavet) ket ti pingir a baybay iti Amianan a Taaw Atlantiko, iti amianan a laud ti Norwega.
Daytoy ket mabirukan iti pagbaetan ti Baybay Amianan (kas iti amianan ti Nagkaykaysa a Pagarian) ken ti Baybay Greenland ken tumipon iti Amianan a Taaw Atlantiko iti laud ken ti Baybay Barents iti amianan a daya. Iti abagatan a laud, daytoy ket maisina manipud iti Taaw Atlantiko babaen ti submarino a pantok nga agtaray iti pagbaetan ti Islandia ken ti Is-isla Feroe. Iti amianan, ti Pantok Jan Mayen ket mangisina daytoy manipud iti Baybay Greenland.
| Baybay Norwego | |
|---|---|
 Ti Vestfjorden nga agraman kadagiti bantay iti purpuro ti Lofoten a makita manipud iti Isla Løvøy idiay Steigen. Ti Vågakaillen (942 m) ket ti nataytayag kadagiti dua a pantok iti tengnga ti ladawan. | |
 | |
| Nagsasabtan | 69°N 0°E / 69°N 0°E 0°E / 69°N 0°E |
| Kita | Baybay |
| Pagpagilian ti labneng | Norwega, Islandia |
| Kalawa ti rabaw | 1,383,000 km2 (534,000 sq mi) |
| Agpakatengnga a kaadalem | 2,000 m (6,600 ft) |
| Kaadaleman | 3,970 m (13,020 ft) |
| Tomo ti danum | 2,000,000 km3 (1.6×1012 acre⋅ft) |
| Dagiti nagibasaran | |
Saan met a kasla dagiti sabali a baybay, kaaduan iti sirok ti Baybay Norwego ket saan a parte ti kontinental a samang ken isu a daytoy ket mabirukan iti kaadalem iti agarup a dua a kilometro iti pagtengngaan. Mabirukan ti nabaknang a desposito iti lana ken natural a gas kadagiti sirok ti baybay ken agdama a komersial a nasuksukisok, kadagiti lugar a ti kaadalem ti baybay ket agarup a maysa a kilometro. Dagiti sona ti aplaya ket nabaknangda iti ikan a mangbisita ti Baybay Norwego manipud iti Amianan nga Atlantiko wenno manipud iti Baybay Barents (cod) tapno agitlogda. Ti nabara nga anod ti Amianan nga Atlantiko ket mangisigurado ti natalinaay ken napudot a temperatura ti danum, ken saan a kas dagiti baybay ti Artiko, ti Baybay Norwego ket awanan iti yelo iti amin a paset ti tawen. Ti kinaudi a panagsukisok ket nangikeddeng a ti dakkel a tomo ti danum iti Baybay Norwego iti dakkel a kapasidadna iti panaggupgopna iti pudot ket nangruna a kas taudan dagiti saan unay a nalamiis a panaglalam-ek iti Norwega ngem iti Gulf Stream ken dagiti pagpaatiddogna.
Sakup
Ipalawag ti Gunglo ti Internasional a Hidrograpiko dagiti patingga ti Baybay Norwego a kas dagiti sumaganad:
- Iti amianan a daya. Ti linia a mangisilpo ti akin-abagatan unay a punto ti Laud a Spitzbergen aginggana iti Rawis Amianan ti Isla Uso, babaen ti daytoy nga isla aginggana iti Rawis Bull ken kalpasanna idiay Rawis Amianan iti Norwega (71°10'N 25°47'E).
- Iti abagatan a daya. Ti laud nga aplaya ti Norwega iti pagbaetan ti Rawis Amianan ken Rawis Stadt (62°10′N 5°00′E / 62.167°N 5.000°E).
- Iti abagatan. Manipud iti punto ti laud nga aplaya ti Norwega iti Latitud 61°00' Amianan iti igid iti daytoy a paralelo aginggana iti Longitud 0°53' Laud kalpasanna ti linia iti amianan a daya a patingga ti Fuglö (62°21′N 6°15′W / 62.350°N 6.250°W) ken mapan iti daya a patingga ti Gerpir (65°05′N 13°30′W / 65.083°N 13.500°W) iti Islandia.
- Iti laud. Ti abagatan a daya a patingga ti Baybay Greenland [Ti linia amangisilpo ti akin-abagatan unay a punto ti Laud nga Spitzbergen aginggana iti akin-amianan a punto ti Isla Jan Mayen, ken agpababa iti laud ngaaplaya iti dayta nga isla aginggana iti akin-abagatan a patingga, kalpasanna ti linia iti akindaya a patingga ti Gerpir (65°05′N 13°30′W / 65.083°N 13.500°W) iti Islandia].
Kitaen pay
Dagiti nagibasaran
Bibliograpia
- van Aken, Hendrik Mattheus (2007). The Oceanic Thermohaline Circulation: An Introduction. Springer. ISBN 0-387-36637-7.
- Blindheim, Johan (1989). "Ecological Features of the Norwegian Sea". Iti Louis René Rey; et al. (dagiti ed.). Proceedings of the Sixth Conference of the Comité arctique international, 13–15 May 1985. Brill Publishers. pp. 366–401. ISBN 90-04-08281-6.
- International Council for the Exploration of the Sea (2007). The Barents Sea and the Norwegian Sea (PDF). ICES Advice 2007. Vol. 3. Naiyarkibo manipud iti kasisigud (PDF) idi 2011-09-27. Naala idi 2016-01-21.
- Johnson, Arne Odd (1982). The History of Modern Whaling. C. Hurst & Co. Publishers. ISBN 0-905838-23-8.
- Klinowska, Margaret, ed. (1991). Dolphins, Porpoises and Whales of the World: The IUCN Red Data Book. ISBN 2-88032-936-1.
- Mills, Eric L. (2001). Helen M. Rozwadowski & David K. van Keuren (ed.). The Machine in Neptune's Garden: Historical Perspectives on Technology and the Marine Environment. Science History Publications/USA. ISBN 0-88135-372-8.
- Richards, John F. (2006). The Unending Frontier: An Environmental History of the Early Modern World. University of California Press. ISBN 0-520-24678-0.
- Sætre, Roald, ed. (2007). The Norwegian Coastal Current – Oceanography and Climate. Trondheim: Tapir Academic Press. ISBN 978-82-519-2184-8.
- Schaefer, Priska (2001). The Northern North Atlantic: A Changing Environment. Springer. ISBN 3-540-67231-1.
- Skreslet, Stig; North Atlantic Treaty Organization (2005). Jan Mayen Iceland in Scientific Focus. Springer. ISBN 1-4020-2956-X.
- Tyler, Paul A. (2003). Ecosystems of the Deep Oceans: Ecosystems of the World. Elsevier. ISBN 0-444-82619-X.
Dagiti akinruar a silpo
Dagiti midia a mainaig iti Baybay Norwego iti Wiki Commons
This article uses material from the Wikipedia Ilokano article Baybay Norwego, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.