Burna Boy: Onye na-abụ abụ na onye na-ede abụ Naijiria (amụrụ 1991)

O bilitere bụrụ onye a ma ama na 2012 mgbe o wepụtara "Like To Party", egwu izizi si na L.I.F.E (2013). N'afọ 2017, Burna Boy bịnyere aka na nkwekọrịta Bad Habit / Atlantic Records, nakwa Warner Music Group mba ụwa. Ewepụtara album ya nke atọ Outside na 2018.A tọhapụrụ album nke anọ ya African Giant na July 2019. Burna Boy, onye nke tipụtere egwu wụrụ ewụ dika "Ye", "On The Low", "Anybody", ritere nturugo BET International Act n'afọ 2019.

Burna Boy
Múrú	Damini Ebunoluwa Ogulu Julai 12, 1991 Ụgwu Ọcha, Naijiria
Orü	Onye na agụ egwu

Burna Boy

Mmádu

ụdịekere	nwoke
mba o sị	Naijiria
Aha ọmụmụ	Damini Ebunoluwa Ogulu
Aha enyere	Damini
aha ezinụlọ ya	Ogulu
aha pseudonym	Burna Boy
Ụbọchị ọmụmụ ya	2 Julaị 1991
Ebe ọmụmụ	Ugwu Ọcha
Ńnà	Samuel Ogulu
Ńné	Bose Ogulu
nwanne	Abụo
asụsụ ọ na-asụ, na-ede ma ọ bụ were na-ebinye aka	Bekee, pidgin Naịjirịa, Asụsụ Yoruba
Ọrụ ọ na-arụ	onye na-abụ abụ, odee egwu, onye egwu, onye na-emeputa ihe ndeko
ebe agụmakwụkwọ	University of Sussex, Oxford Brookes University
oge ọrụ ya (mmalite)	2010
okpukpere chi/echiche ụwa	Efefe Kraịst
Ụcha ime anya	brown
ụcha ntụtụ isi	Ntụtụ ojii
ngwa egwu	olu egwụ
diskografi	Burna Boy discography
Ọrụ ama ama	African Giant
ụdị	Afrobeat, dancehall, reggae, egwu hip hop, rhythm and blues
akara ndekọ	Atlantic Records, Warner Music Group
webụsaịtị	https://www.onaspaceship.com/
Agbụrụ	Asụsụ Yoruba
nnọchiaha nkeonwe	L485

A mụrụ Damini Ogulu na Port Harcourt, Naịjirịa. Nna ya na-ahụ maka ụlọ ọrụ ịgbado ọkụ ma nne ya na-arụ ọrụ dịka onye ntụgharị. Nna nna ya Benson Idonije bụbu onye njikwa Fela Kuti. Ogulu toro na (5)Naijiria ebe ọ malitere iwepụta egwu nke ya site na enyemaka nke Fruity Loops.Ọ gụchara ụlọ akwụkwọ sekọndrị dị nso na Lagos wee gawa London maka agụmakwụkwọ ọzọ.

2012–2015: L.I.F.E na On a Spaceship

Aristokrat Records weputara efere egwu izizi Burna Boy bụ L.I.F.E na ọnwa Ọgọọst 12, 2013. Ọ na-edochi mixtape nke abụọ ya bụ Burn Identity nke pụtara n'afọ 2011. L.I.F.E rere nkeji puku iri ano n'ụbọchị izizi ya. Aristokrat Records mechara resi Uba Pacific ikike efere egwu ahụ na ọnụ ihe dịka nde naira iri. E ji egwu dika "Like to Party", "Tonight", "Always Love You", "Run My Race" na "Yawa Dey" were kwado ọba egwu ahụ. Nke Leriq mepụta, enwekwara ndị otiegwu ọzọ pụtara na L.I.F.E dịka 2face Idibia, M.I, Timaya, Olamide, Reminisce na Wizkid. Ọ ghọrọ nọmba 10 na ndepụta Nigerian Entertainment Today nke ọbaegwu iri na abụọ kachasị mma na 2013. L.I.F.E nwere ụdị ụtọ dị ka egwu Fela Kuti, King Sunny Ade na Bob Marley. Anabatakwara ya nke ọma ma too ya maka ụda ya. E depụtara ya maka ọbaegwu kachasị mma n'afọ na mmemme 2014 Nigerian Entertainment Awards. N’ọnwa Ọgọstụ 2013, L.I.F.E ruru nọmba 7 na eserese Billboard Reggae Albums.

N’afọ 2014, Burna Boy gbara arụkwaghịm na Aristokrat Records. Ka afọ abụọ gasịrị, n’afọ 2015, o kpughee ụlọ ọrụ egwu ya akpọ Spaceship Entertainment.

Ọ wepụtara ọbaegwu nke abụọ ya On a Spaceship na 25 Nọvemba 2015. Na Septemba 2016, ọ wepụtara EP nwere egwu asaa akporo Redemption. Isi egwu ọbaegwu ahụ bụ "Pree Me" banyere na Noisey.

2018–ugbu a: Outside na African Giant

Na Jenụwarị 2018, e gosipụtara Burna Boy na "Sunshine Riptide", egwu si na MANIA, ọbaegwu asaa nke Fall Out Boy wepụtara na 2018. Ọ weputara ọbaegwu nke atọ ya Outside na Jenụwarị 26, 2018.

Na 21 Maachị 2019, Burna Boy weputara EP nwere egwu anọ anakpọ Steel & Copper, nke ọ mere, ya na ndi otu egwu elektrọnik si Los Angeles DJDS.

N'ọnwa Juunu 24, 2019, Burna Boy ritere nturuugo onye otiegwu mba ụwa kachasị mma na nturu ugo BET.

Ọ mere "Ja Ara E" nke pụta na ọba egwu Beyonce bụ The Lion King: The Gift. Ọ bụ ya bụ naanị otu onye otiegwu nwere egwu ya n'efere egwu ahụ.

A tọhapụrụ ọba egwu nke anọ ya African Giant na July 2019. E ji egwu dika "Gbona", "On the Low", Killin Dem", "Dangote", "Anybody" na "Pull Up" wee kwado ya.

Ọ malitere irụ ọru n'ọba egwu ahụ n'afọ 2018. Ọ gwara akwụkwọ akụkọ Billboard na ọba egwu ahụ bụ nke kachasị dị ya mkpa. O buru ụzọ kpughee atụmatụ ịwepụta ọba egwu ahụ na Eprel 2019 ma wee nwee nnọkọ ige ntị na Los Angeles.

E kesara foto na vidiyo si na nnọkọ ige ntị ahụ na soshal midia. E buru ụzọ kọwa African Giant dị ka ọba egwu nwere egwu iri na isii. Iji kwalite ọba egwu ahụ, Burna Boy bidoro njem nlegharị egwu akpọrọ African Giant Returns, ngalaba nke abụọ nke njem African Giant. Burna Boy tiri "My Money, My Baby", nke ejiri mee ihe egwu na-akụ n'okirikiri na fim ahụ Queen & Slim.

Burna Boy na-akpọ ụdị egwu ya, Afro-Fusion. Ụdị nke na-agwakọta afrobeat, dancehall riddims, reggae, rap na R&B. August Brown nke akwụkwọ akụkọ Los Angeles Times kwuru na ụda Burna Boy mara mma ma di ohụrụ mana mbọ niile ọ na-agba emeputa egwu na-ewu ewu anaghị adọpụ ya uche.

Ndepụta nke ọba egwu ya

• L.I.F.E (2013)
• On a Spaceship (2015)
• Outside (2018)
• African Giant (2019)
• Twice as Tall (2020)

Mkpokọta egwu ya

• Burn Notice (2011)
• Burn Identity (2011)
• Redemption (2016)
• Steel & Copper (with DJDS) (2019)

Egwu nkwado

Egwu ndi Ọ soro na ya